ZACARÍAS 7:9 - Biblia Guarani Tumpa Iñee

⁹ “Körai jei yandeYa Imbaepuere yae ete vae: ‘Peporojäa añete vae rupi, jare peporoparareko peyeaeä reve oyokotɨ.

ZACARÍAS 7:9 ပူးပေါင်းရင်းမြစ်များ

2 SAMUEL 9:7

Jare David jei chupe: —Agüɨye ekɨɨye, echa che anoita mboroparareko ndekotɨ nderu Jonatán jeko pegua. Opata amboyevɨ ye ndeve opaete neramɨigüe Saúl iɨvɨ; jare nde rekaru aveita che ndive.

JOB 31:20

chevecharaagüe pe oyemonde reta, jare oyerovia opɨta che ndive.

JOB 6:14

Kia oiporara yave, ivɨa-ïru ombopɨakatu, mbaetɨ jókuae oyapo vae, Imbaepuere yae vae güi ko oipoɨuä.

PROVERBIOS 21:3

Jupi rupi jare sɨmbi rupi mbae oyeapo vae ko ikavi yae yandeYa pe, mɨmb a oyeyuka oñemee chupe vae güi.

JEREMÍAS 22:3

Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

JEREMÍAS 7:23

Jaeño ayókuai reta oendu katu vaerä cheñee; echa jökorai yave che aikota iTumparä jare jae reta yogüɨrekota chembae retarä. Ayókuai vi yogüɨreko vaerä che ayókuai rami, ikavi yogüɨreko vaerä.

JEREMÍAS 7:5

Ërei peñono kavi pereko reta jare peñeñono kavi ikavimbae peyapo vae reta güi yave, jare peyapo yave jupi vae oyoupe perapicha reta ndive,

EZEQUIEL 18:8

oiporuka korepoti yave mbaetɨ oasa ete okovara jese; mbaetɨ ikavimbae oyapo ïru vae pe; oime yave ñeapo, jupi rupi ojäa mókoi reve;

EZEQUIEL 45:9

Che ndeYa Tumpa jae körai: ¡Joko peño mo, mburuvicha reta Israel pegua! Peeya mo teko pɨ̈chɨi yae vae, maepɨ̈ro. Peyapo jupi vae jare isɨmbi vae; agüɨye pepɨ̈ro ɨvɨ chembae vae reta güi.

OSEAS 12:7

YandeYa jei: “Omaemee vae güɨnoi ipo pe mbaejäaka oyemboyoavɨgüe, echa ipöra chupe oporombotavɨ vaerä.

LEVÍTICO 19:15

Agüɨye peyapo jupimbae peporojäa yave: Agüɨye peepɨ paravete vae ani pembopɨakatu oikokatu vae. Jupi rupi peporojäa.

AMÓS 5:24

Ërei mbaejupi tosɨrɨ ɨ rami, jare mboromboete ɨ tɨpambae rami.

MIQUEAS 6:8

Kuimbae, jae omombeu ndeve ikavi vae, yandeYa, ¿mbae pa oäro ndegüi? Jaeño eyapo jupi vae jare eporoparareko jare eñemomichi neTumpa kotɨ.

ZACARÍAS 7:7

¿Jaeä yera kuae ñee yandeYa omoërakuauka tenondegua ñeemombeúa reta rupi; Jerusalén pegua reta yogüɨreko pɨagüive yepi, jare iyɨ́vɨri rupigua tëta guasu reta jare ɨvɨ Neguev jare Sefela pe yogüɨreko vae?

ZACARÍAS 7:8

YandeYa jei Zacarías pe:

San Mateo 23:23

¡Paravete, pe jova mókoi vae reta! Mborookuai re oporomboe vae reta jare fariseo reta. Echa pemee pediezmo reta temitɨ reta penoi vae güi: Menta, aní jare comino jee vae. Ërei peeya mborookuai jei peve peyapo vaerä jupi vae, mboroparareko jare mborogüɨrovia. Kuae ko jae peyapo vaerä peeyambae reve diezmo reta.

San Lucas 11:42

“¡Paravete, pe fariseo reta! Echa pemee pediezmo temitɨ reta penoi vae güi. Ërei mbaetɨ peyapo jupi vae, jare mbaetɨ peaɨu Tumpa. Kuae ko jae peyapo vaerä peeyambae reve diezmo reta.

San Juan 7:24

Agüɨye peporojäa peecha vae rupiño. Peporojäa kavi jupi rupi.

San Juan 7:51

—Mborookuai ñanoi vae, ¿ipuere yera kia ojäa ndei yayeapɨsaka jese mbove?, jare ¿ndei yaikuaa kavi mbove mbae ra oyapo vae?

DEUTERONOMIO 22:1

Peväe yave perapicha igüeye ani ivecha okañɨgüe, agüɨye peikuaku chugüi, peraja ye perapicha pe.