ZACARÍAS 7:7 - Biblia Guarani Tumpa Iñee

⁷ ¿Jaeä yera kuae ñee yandeYa omoërakuauka tenondegua ñeemombeúa reta rupi; Jerusalén pegua reta yogüɨreko pɨagüive yepi, jare iyɨ́vɨri rupigua tëta guasu reta jare ɨvɨ Neguev jare Sefela pe yogüɨreko vae?

ZACARÍAS 7:7 ပူးပေါင်းရင်းမြစ်များ

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

JEREMÍAS 13:19

Tëta guasu reta Neguev pegua opa oñeova ñogüɨnoi; mbaetɨ kia ipuere oë. Opaete Judá pegua opa oyereraja, tembipɨɨrä opa oyereraja.

JEREMÍAS 17:26

Jare yogüeruta tëta guasu reta Judá pegua Jerusalén iyɨ́vɨri ñogüɨnoi vae reta, jare Benjamín iɨvɨ güi jare ɨvɨpe kavi güi jare Neguev güi. Güeru retata tupao pe mɨmba oyeyuka opaetei oyeapɨ vaerä vae, jare mɨmba oyeyuka vaerä jare mbota temitɨ jäɨgüe, jare ikäti kavi vae incienso, jare mbota yasoropai pegua.

JEREMÍAS 22:21

Chemiari tëi ndeve ikavi reiko yave, ërei mbaetɨ reipota reyeapɨsaka cheré. Jökorai reiko ndetaɨrusu güive. ¡Mbaetɨ reipota reyeapɨsaka cheñee re!

JEREMÍAS 32:44

Ogua retata jare oikuatiata tupapire mbaegua regua, sello oyemboyeɨta jese jare kia jovake oyegua vae jee oikuatiata jese. Kuae oyeapota Benjamín iɨvɨ pe, Jerusalén iyɨ́vɨri rupi jare tëta guasu reta Judá pegua rupi, tëta guasu reta ɨvɨtɨ guasu rupigua rupi jare ɨvɨpe rupi jare Neguev pegua tëta guasu reta rupi, echa che aru yeta tembipɨɨ reta güi. Che peYa ko jae kuae.”

JEREMÍAS 33:13

Tëta guasu reta ɨvɨtɨ guasu rupigua jare ɨvɨpe kavi rupi ñogüɨnoi vae reta, jökoraiño vi Neguev pegua jare Benjamín iɨvɨ pegua tëta guasu reta, jare Jerusalén iyɨ́vɨri rupigua jare tëta guasu reta Judá pegua rupi, oime yeta vecha iyangarekoa reta oipapa ivecha reta. Che ndeYa ko jae kuae.”

JEREMÍAS 44:4

Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.

JEREMÍAS 7:23

Jaeño ayókuai reta oendu katu vaerä cheñee; echa jökorai yave che aikota iTumparä jare jae reta yogüɨrekota chembae retarä. Ayókuai vi yogüɨreko vaerä che ayókuai rami, ikavi yogüɨreko vaerä.

JEREMÍAS 7:5

Ërei peñono kavi pereko reta jare peñeñono kavi ikavimbae peyapo vae reta güi yave, jare peyapo yave jupi vae oyoupe perapicha reta ndive,

ZACARÍAS 7:12

Ita diamante jee vae täta yae rami ipɨa omotäta reta agüɨye vaerä oendu mborookuai ani yandeYa Imbaepuere yae ete vae iñee, ombouse yave iEspíritu rupi tenondegua ñeemombeúa reta rupi. Jáeramo yandeYa Imbaepuere yae ete vae iyarasɨ yae.

ZACARÍAS 7:6

Pekaru jare peu vino yave, ¿peuä yera peyeupeguaräño?’ ”

ZACARÍAS 7:8

YandeYa jei Zacarías pe:

DEUTERONOMIO 34:3

ɨvɨ Neguev, opaete ɨvɨ ipe kavi vae, Jericó iɨvɨ kavi, jae ko tëta guasu karandaɨ renda, joko güive Zoar kotɨ.