ZACARÍAS 7:6 - Biblia Guarani Tumpa Iñee

⁶ Pekaru jare peu vino yave, ¿peuä yera peyeupeguaräño?’ ”

ZACARÍAS 7:6 ပူးပေါင်းရင်းမြစ်များ

1 CRÓNICAS 29:22

Jókuae ara okaru reta jare jou reta vino oyerovia katu reve yandeYa jóvai. Jaɨkue rupi omboguapɨ ye mokoía ma mburuvicha guasurä Salomón, David taɨ, oñono tee reta reve mburuvicharä asaite rupi yandeYa jóvai, oñono reta vi Sadoc sacerdoterä.

ISAÍAS 43:23

Mbaetɨ peru cheve mɨmba oyeyukagüe opaetei oyeapɨ vaerä vae, mbaetɨ chemboete mɨmba oyeyukagüe pe ave. Che mbaetɨ ko pombogüérai aeka peve mbota vae rupi, mbaetɨ vi pomoambeko pemee vaerä cheve ikäti kavi vae incienso.

ISAÍAS 58:3

ërei ngatu jei reta: ‘¿Maera pa yayekuakuta tembíu güi? Tumpa mbaetɨ ko yandereecha. ¿Maera pa ñañemomichita? Tumpa mbaetɨ ko oikuaa.’ Yekuaku tembíu güi iara pe, peyapo pepɨa jemimbotaño, jare perekoasɨ katu oyeokuai peve vae reta.

OSEAS 8:13

Jae reta omomora yae omee mɨmba oyeyukagüe, omee reta, jare jou reta isoogüe; ërei cheve mbaetɨ ikavi jókuae, chemaenduata ikavimbae oyapo reta vae re, aiporaraukata chupe reta iyoa re, amboyerova yeta Egipto kotɨ.

OSEAS 9:4

mbaetɨta yandeYa pe pemee mbota vino oyepɨyere vae, mbaetɨta vi pemee mɨmba oyeyukagüe. Mbɨyape peu vae, manoa pe ramita, jókuae mbɨyape jou vae, ikɨata Tumpa jesa róvai. Jókuae mbɨyape peveguaräño, jókuae nunga mbɨyape mbaetɨta oyereroike tupao pe.

ZACARÍAS 7:5

“Ere opaete kuae ɨvɨ pegua reta pe, jare sacerdote reta pe: ‘Kuae setenta año rupi peyekuaku tembíu güi, jare pepɨatɨtɨ pandepoa yasɨ jare chiúa yasɨ pe año ñavo vae, ¿peyekuaku ya cheveguarä?

ZACARÍAS 7:7

¿Jaeä yera kuae ñee yandeYa omoërakuauka tenondegua ñeemombeúa reta rupi; Jerusalén pegua reta yogüɨreko pɨagüive yepi, jare iyɨ́vɨri rupigua tëta guasu reta jare ɨvɨ Neguev jare Sefela pe yogüɨreko vae?

1 Corintios 10:31

Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

DEUTERONOMIO 12:7

Joko pe pekaru yandeYa Tumpa jóvai, jare peyerovia katu pero pegua reta ndive peparavɨkɨagüe re, yandeYa Tumpa iporerekua peré vae rupi.

DEUTERONOMIO 14:26

Jókuae korepoti re pegua peipota vae: Guaka, vecha, vino, mbae oporombosavaɨpo vae, ani oipotagüe pekɨ̈reɨ pegua vae, peu yandeYa Tumpa jóvai jare peyerovia opaete pero pegua ndive.

Colosenses 3:17

Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús rupi.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”