ZACARÍAS 7:3 - Biblia Guarani Tumpa Iñee

³ Jare Sacerdote reta yandeYa Imbaepuere yae ete vae jo pe ñogüɨnoi vae reta pe jare ñeemombeúa reta pe oparandu körai: “¿Jekuaeñota pa orepɨatɨtɨ pandepoa yasɨ pe, jare royekuaku tembíu güi año ñavo, royapo roiko rami?”

ZACARÍAS 7:3 ပူးပေါင်းရင်းမြစ်များ

ESDRAS 3:10

Jare o iyapoa reta oñono yave yandeYa itupao guasu iguapɨka, sacerdote reta oyemonde temimonde sacerdote pegua pe jare mimbɨguasu ndive, jare levita reta Asaf iñemuña reta güɨnoi platillo omboete vaerä yandeYa, David, Israel iñemuña reta juvicha guasu oeya mborookuai rami.

ECLESIASTÉS 3:4

Oime ara, yayaeo vaerä, oime vi ara, yapuka vaerä. Oime ara, ñaporoäpiro vaerä, oime vi ara, yapɨrae vaerä.

OSEAS 4:6

Chembae vae reta opa okañɨtei, mbaetɨ ramo oipota chekuaa. Nde sacerdote reröɨro yemboarakuaa amee ndeve vae jeko pegua, che rogüɨnoeta sacerdote pegua mbaravɨkɨ güi. Neakañɨ neTumpa iporookuai güi jeko pegua, che cheakañɨta vi neñemuña reta güi.

JOEL 2:17

Tupao joka pe toyaeo sacerdote yandeYa jembiokuai reta, jare tei reta: “Neïro oreYa, kuae tëta ndembae pe, agüɨye emee ñemomarai pe ndembae vae reta; agüɨye ïru tëtaguasu reta toyuvanga jese. ¿Remaeñota pa ïru tëtaguasu reta jei vaerä: ‘Jama pa neTumpa’?”

HAGEO 2:11

“YandeYa Imbaepuere yae ete vae jei körai: Eparandu añave sacerdote reta pe mborookuai regua, körai:

ZACARÍAS 7:4

Jayave yandeYa Imbaepuere yae ete vae jei cheve körai:

ZACARÍAS 7:5

“Ere opaete kuae ɨvɨ pegua reta pe, jare sacerdote reta pe: ‘Kuae setenta año rupi peyekuaku tembíu güi, jare pepɨatɨtɨ pandepoa yasɨ jare chiúa yasɨ pe año ñavo vae, ¿peyekuaku ya cheveguarä?

ZACARÍAS 8:19

“Yekuaku tembíu güi irundɨa yasɨ pegua vae, jare pandepoa pegua jare chiúa pegua, jare payandepoa pegua vae oyepoepɨta Judá pegua reta pe mbɨakatu pe, yerovia katu pe, jare arete ikavi yae vae pe. Peaɨu añetete vae jare mbɨakatu.”

MALAQUÍAS 2:7

Echa sacerdote reta oporomboe kavita ko, jare chugüi reta tëta pegua reta oekata mborookuai, echa jae reta ko Tumpa Imbaepuere yae ete vae iñeemombeúa.

San Mateo 9:15

Jayave Jesús jei chupe reta: —Mendaa pe ñogüɨnoi vae reta ¿oyekuaku ra tembíu güi, omenda vae jae reta ndive oï ramboeve? Ërei outa oväe ara jókuae omenda vae oyererajauka vaerä chugüi reta. Jayave ramo oyekuaku retata tembíu güi.

1 Corintios 7:5

Agüɨye peyeopia oyougüi, ërei mókoi reve pemiari kavi peyeopia mbovɨ ara pegua peyerure vaerä Tumpa pe yave, jaekaviño jökorai peyapo. Ërei agüɨye peyoeya ete. Taɨkue rupi peke päve ye, agüɨye vaerä Satanás pe perëgua, pepuereä peyeopia perete oipota vae güi yave.

DEUTERONOMIO 33:10

Ndeporookuai reta re omboeta Jacob, jae ko Israel iñemuña reta; oñono retata ikäti kavi vae incienso nderóvai, jare mɨmba oyeyuka oyeapɨ jese vae ndembae re mɨmba oyeyuka opaetei oyeapɨ vae.