ZACARÍAS 7:14 - Biblia Guarani Tumpa Iñee

¹⁴ Jare kusumirou guasu pe rami opa amoai moai reta tëtaguasu reta mbaetɨ oikuaa vae rupi, jare jaɨkue pe iɨvɨ ou opɨta ñuurä mbaetɨ kia ipuere oiko pɨpe. Tëta ikavi yae vae ou oyepoepɨ ñuurä.”

ZACARÍAS 7:14 ပူးပေါင်းရင်းမြစ်များ

2 CRÓNICAS 36:21

oyembopo vaerä Tumpa jeigüe iñeemombeúa Jeremías rupi vae. Jökorai jókuae ɨvɨ oputuu kavi; echa oputuu opaete ara ipombae oiko ramboeve setenta año oupitɨ regua.

SALMOS 58:9

Tókai reta yuu jendɨ rai vae rami, jökorai jekove reve jare iyarasɨ reve topa ɨvɨtuai togüɨroveve reta.

ISAÍAS 17:13

Ërei Tumpa iñeeäta rupi matɨ opa otekuarai reta; ɨvɨtu jenonde ɨtɨ güɨraja vae rami, kusumirou güɨraja ɨvɨkúi vae rami.

ISAÍAS 21:1

Ɨguasu iyɨ́vɨri ñuu oï vae maratuta vae regua: Kusumirou Neguev kotɨ güi ou vae rami, jökorai ou ñuu kotɨ güi ɨvɨ yavaete vae kotɨ güi.

ISAÍAS 60:15

Ngaraa ma reyemombo reiko, reñereröɨro ani reiko ndeiño, che rombotuicha yaeta jekuae avei pegua, vɨakatu oñeväeta nderé jekuae avei rupi.

ISAÍAS 66:15

Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

JEREMÍAS 12:10

Jeta tovaicho mburuvicha reta opa omboai cheuvarupa, opɨ̈ro reta ɨvɨ chembae re, opa omboai reta oeya, jókuae ɨvɨ aaɨu yae vae.

JEREMÍAS 23:19

YandeYa iyarasɨ outa ama ɨvɨtuai reve rami; outa ama ɨvɨtuai reve rami jeko kavimbae reta re.

JEREMÍAS 30:23

YandeYa iyarasɨ ama ɨvɨtuai reve vae rami ko, ama ɨvɨtuai reve rami oyepɨu iyoa vae reta re.

JEREMÍAS 36:19

Jayave mburuvicha reta jei Baruc pe: —¡Nde jare Jeremías pekua peñemi, jare agüɨye kia toikuaa kia pe ko peï vae!

JEREMÍAS 44:6

Jáeramo, chearasɨ oyepota metei tata rami tëta guasu reta Judá pegua re jare Jerusalén pegua kaye reta re. Jare opa oyemboai opɨta añave regua.

JEREMÍAS 5:15

YandeYa jei ye: “Israel pegua reta, mase, ko aru peve matɨ güi jeta vae, jëia yae jare tëta ñɨma yae vae pegua reta. Mbaetɨ peikuaa iñee reta jare iyemongeta reta vae.

JEREMÍAS 52:30

jare Nabucodonosor veintitré año ma oiko mburuvicha guasurä yave, Nabuzaradán güɨraja seteciento cuarenta y cinco Judá pegua reta; jae ko opaete reve cuatro mil seisciento iɨvɨ güi oyererajagüe reta.

EZEQUIEL 12:19

Jare ere opaete jókuae ɨvɨ pegua reta pe, jare Jerusalén pegua reta pe jare opaete Israel iñemuña reta pe körai: ‘Kuae jei yandeYa: Okaru retata ipɨatɨtɨ yae reve, jare oɨu retata okɨɨye yae reve; echa kuae ɨvɨ oyemboaita jare opɨtata ipombae, pɨpe yogüɨreko vae reta ikavimbae oyapo vae jeko pegua.

EZEQUIEL 22:15

Romoaita opaete ïru tëtaguasu reta rupi, romoaita opaete ɨvɨ rupi, rotɨota opaete ndekɨa cheróvai vae güi;

EZEQUIEL 5:10

Jáeramo, nderapɨpe oimeta kia jou taɨ reta vae, ani taɨ reta jou tu reta vae. Aiporaraukata ndeve, jare oikoveño opɨta vae reta amoaita oipota rupi.

DANIEL 8:9

Jókuae jäti reta güi metei vae re oë ye ïru michi vae, kuae okuakuaa arayevɨ kotɨ, kuaraɨ oëa kotɨ jare ɨvɨ ikavi yae vae kotɨ.

OSEAS 9:17

Kuae tëta mbaetɨ oipota yogüɨreko Tumpa jeia re; jáeramo cheTumpa güɨröɨrota iyeugüi, oguata reteiñota yogüɨreko ɨvɨ ambuae rupi.

JOEL 2:3

Tata opaetei oapɨ mbae vae rami ko; opaeteita mbae omboai oeya. Oasa yave, ɨvɨ ikavi vae opaeteita ko omboai oeya ɨvɨ ipombae rami; ¡ngaraa vi oime kia ojoyepe chugüi vae!

LEVÍTICO 26:22

Ambouta peve mbaeporou reta, peraɨ reta jare perɨmba reta omokañɨtei vaerä, mbovɨ yae pepɨtata, mbaetɨta kia oguata tape rupi peɨvɨ pe.

LEVÍTICO 26:33

Jare opata pomoai kerupi ïru tëtaguasu reta rupi, ñeraro rupi opata pomoai, peɨvɨ oikota ipombae jare perëta guasu reta tëtagüerä.

AMÓS 1:14

Jáeramo tëta Rabá ikësea re amoendɨta tata, jare jókuae opata oapɨ mburuvicha guasu jo kavi reta, jɨapu reve, ñeraro iara pe jare mbaesusere iara pe.

NAHUM 1:3

YandeYa mbaetɨ iyarasɨ raivi vae ko jare tuicha yae mbaepuere pe, jare mbaetɨ oeya jökoraiño jeko vae. YandeYa oguata ama ɨvɨtuai reve vae rupi, jare amapɨtu reta, ipɨ omoätati vae ko.

HABACUC 3:14

Itenondegua reyuka imii raɨ pe ae, ama ɨvɨtuai reve rami yavaete oporepeña yave ikavayu regua reta opa vaerä omoai moai ipuerembae vae reta, omboai vaerä paravete vae reta oikuaambae reve.

SOFONÍAS 3:6

YandeYa jei: “Opa amboai tëtaguasu reta, opa amboai maeka reta tëta guasu ikësea regua; ikaye ipombae opɨta, mbaetɨ etei pɨpe vae.

ZACARÍAS 2:6

YandeYa jei: “Che ko opa pomoai moai kerupi, petekuarai añave ɨvɨtuguasu kotɨ güi.

ZACARÍAS 8:1

YandeYa Imbaepuere yae ete vae jei cheve körai:

ZACARÍAS 9:14

YandeYa oyekuaaukata jese reta, imbae vae reta rupi juvɨ oëta ama-vera rami. YandeYa Tumpa omoñeeta mimbɨguasu, jare ojota ɨvɨtuai arayevɨ pegua ndive.

DEUTERONOMIO 28:33

Peremitɨ iagüe, jare opaete peparavɨkɨ rupi oime vae, jouta peikuaambae vae reta, oiporarauka aveita peve vae.

DEUTERONOMIO 28:49

YandeYa güeruta peve metei tëtaguasu matɨ güi, ɨvɨ iyapɨ kotɨ güi, güɨraké rami iñäkua vae; tëtaguasu mbaetɨ iñee peikuaa vae;

DEUTERONOMIO 28:64

Jare yandeYa opata pemoai moai opaete tëtaguasu reta rupi, ɨvɨ iyɨpɨ kotɨ güive, ketɨ ɨvɨ iyapɨ kotɨ; joko pe peyeokuaita tumpa ambuae reta pe, pe mbaetɨ peikuaa vae reta, jare peñemuñagüe reta ave mbaetɨi oikuaa vae, ɨvɨra pegua jare ita pegua pe.

DEUTERONOMIO 4:27

YandeYa opata pemoai moai tëtaguasu reta rupi, mbovɨ yae peyekuaata jókuae yandeYa pererajata vae ipɨte pe.