ZACARÍAS 6:6 - Biblia Guarani Tumpa Iñee

⁶ Käretou kavayu jüu vae reta omoata vae ojo ɨvɨtuguasu kotɨgua reta kotɨ; käretou kavayu tïi vae reta omoata vae ojo kuaraɨ oikea kotɨgua reta kotɨ, jare käretou kavayu ipara vae reta omoata vae ojo arayevɨ kotɨgua reta kotɨ.”

ZACARÍAS 6:6 ပူးပေါင်းရင်းမြစ်များ

ISAÍAS 30:6

Ɨvɨ Neguev pegua mbaeporou reta maratuta vae regua: Ɨvɨ jeta mbaesusere pɨpe vae rupi, jeta pɨpe yaguapope reta, mboi jare mboi oveve vae, jokoropi güɨraja reta imbaembae ikavigüe jare jepɨ vae mburika re jare camello re, güɨraja reta omboepɨ yemborɨ Egipto pe, tëta mbaetɨta ipuere omborɨ vae pe,

ISAÍAS 43:6

Ɨvɨtuguasu kotɨgua reta pe jaeta: ‘Opa ye embou’, jare arayevɨ kotɨgua reta pe jaeta: ‘Agüɨye emombɨta. Eru mombɨrɨ ɨvɨ iyapɨ kotɨ güi cheraɨ reta jare cherayɨ reta,

JEREMÍAS 25:9

ambouta opaete tëtaguasu reta ɨvɨtuguasu kotɨgua jare cherembiokuai Nabucodonosor mburuvicha guasu Babilonia pegua opüa vaerä kuae ɨvɨ re, jare opaete pɨpegua reta re jare opaete iyɨvɨrigua tëtaguasu reta re. Opaeteita amboai. Aeyata yeyóyai yóyai rupi yogüɨreko, jekuae avei pegua.

JEREMÍAS 4:6

Pemopüa bandera Sión pe; ¡petekuarai, agüɨye pepɨta! Echa ɨvɨtuguasu kotɨ güi aruta susere jare kañɨtei.

JEREMÍAS 46:10

Jae ko kuae yandeYa Imbaepuere yae ete vae iporojäa iara, jae ko ara oiporarauka vaerä oyovaicho ikotɨ vae reta pe, kɨsepuku oporoyukata yangapɨɨ regua, tugüɨ pe oyembosavaɨpo regua. Echa yandeYa Imbaepuere yae ete vae etei ko oporoyukaukata Ɨvɨtuguasu kotɨgua tëtaguasu pe, ɨ̈aka Éufrates jembeɨ pe.

JEREMÍAS 51:48

Ara jare ɨvɨ, jare opaete oime pɨpe vae oyerovia yaeta Babilonia iñamɨri yave, echa ɨvɨtuguasu kotɨ güi yogüeruta imboaia reta. Che peYa ko jae kuae.

JEREMÍAS 6:1

¡Benjamín iñemuña reta Jerusalén pegua, petekuarai! Pemoñee mimbɨ guasu Tecoa pe, pemoätati ikañɨmaa vaerä Bet-haquerem pe, echa susere yavaetegüe oyekuaa ou ɨvɨtuguasu kotɨ güi.

EZEQUIEL 1:4

Amae jare aecha ɨvɨtuguasu kotɨ güi ou ɨvɨtuai yavaetegüe; jare metei amapɨtu tuicha vae güi oë tata jendɨasɨ vae, jare iyɨ́vɨri jembipeasɨ yae vae. Jókuae tata mbɨte pe oyekuaa jembipe, metei jiero iyu vae oyepiro yae rami vae,

DANIEL 11:40

Ërei ou ma oväe ara iyapɨ yave, mburuvicha guasu arayevɨ kotɨgua oporepeñata mburuvicha guasu ɨvɨtuguasu kotɨgua re; ërei kuae opüata chupe ama ɨvɨtuai reve rami, käretou reta ndive, kavayu regua reta ndive jare jeta barco reta ndive; omboaita opaetei arayevɨ kotɨgua reta iɨvɨ.

DANIEL 11:9

mburuvicha guasu ɨvɨtuguasu kotɨgua oporepeñata mburuvicha guasu arayevɨ kotɨgua re, ërei jekuae oyerova yeta iɨvɨ ae kotɨ.

Apocalipsis 6:5

Jare Vecha kuimbae taɨrusu vae oipea tembikuatía imboyaa mboapɨa yave, aendu mboapɨa oikove vae jei: “Eyu”, jare aecha metei kavayu jüu vae. Jare opo kavayu re vae güɨnoi ipo pe mbaejäaka.