ZACARÍAS 6:5 - Biblia Guarani Tumpa Iñee

⁵ Jare araɨgua jei cheve: “Kuae jae ko irundɨ ɨvɨtu reta oë yandeYa opaete ɨvɨ iya jóvai güi vae.

ZACARÍAS 6:5 ပူးပေါင်းရင်းမြစ်များ

1 REYES 19:11

Jae jei chupe: “Eë ikatu pe, jare eñeñono ɨvɨtɨ re cheróvai.” Jare, ko yandeYa ou, jare ɨvɨtu täta yae jare imbaepuere yae vae omondoro ɨvɨtɨ vae, jare oyoka ɨ̈vavira reta vae, ou yandeYa jenonde; ërei yandeYa mbaetɨ ou jókuae ɨvɨtu re. Jare ɨvɨtu jaɨkue ou ɨvɨkana, ërei ngatu yandeYa mbaetɨ ou ɨvɨkana ndive.

1 REYES 22:19

Micaías jei ye vi: —Eyeapɨsaka yandeYa jeigüe re: Che aecha yandeYa oguapɨ oï iporookuaía pe, jare opaete iaraɨgua reta ñogüɨnoi iyɨ́vɨri, iyakatu kotɨ jare iyasu kotɨ.

JOB 1:6

Metei ara yogüeru araɨgua reta yandeYa jóvai, jae reta ipɨte pe ou vi Satanás.

SALMOS 148:8

¡Ama-tiriri jare amandau, iroɨ jare ɨ̈vɨti! ¡Ama ɨvɨtuai reve vae, oyapo Tumpa jei vae!

SALMOS 68:17

Tumpa ikäretou oyepapa vaerä jeta yae ete ko; cheYa ou Sinaí güi itupao pe.

ISAÍAS 54:5

Echa ndeApoa ko jae neme rami. Jae ko jee yandeYa Imbaepuere yae ete vae; ndeReepɨ vae, jae ko Iyoambae Israel pegua, jae ko jee Tumpa, opaete ɨvɨ pe.

JEREMÍAS 49:36

Aruta ɨvɨtu kuae tëta Elam re, opaete ɨvɨ jembeɨ kotɨ güi, opa vaerä amoai moai oipota rupi, opaetei tëtaguasu reta rupi oimeta otekuaraigüe.

EZEQUIEL 11:22

Javoi mbae reta oyemboɨvate, jaeramiño vi ruera reta jae reta ndive. Jayave Israel iTumpa iyemboetea oï jae reta iárambo vae,

EZEQUIEL 37:9

Jayave yandeYa jei cheve: “Nde kuimbae, nemiari cheree re tekove pe, jare ere chupe: YandeYa Tumpa jei körai: ‘Tekove, eyu oipota rupi güi, eyu eike kuae omano vae reta re, oikove reta vaerä.’ ”

DANIEL 11:4

Ërei oï kavi yae ma yave, iporookuaía oyemboaita jare oyemboyaota irundɨ yemboyao pe. Ërei kuae mborookuaía reta mbaetɨta oasa iñemuña reta pe, mbaetɨta vi jökorai imbaepuere yae tenonde yave rami, echa oyemboyaota opɨta jare jekovia pe ïru vae reta ñogüɨnoita mburuvicharä.

DANIEL 7:10

Jare tata oë jóvai güi ɨ osɨrɨ rami. Jeta yae oyeokuai chupe vae, jare jeta yeyé oyemboɨ ñogüɨnoi jóvai. Oporojäa vae oguapɨ, jare tembikuatía reta oyepea.

DANIEL 7:2

Jei körai: “Che aecha chepaɨu pe irundɨ ɨvɨtu yavaetegüe oyepeyu vae omomembe ɨguasu.

ZACARÍAS 4:10

“Echa jókuae ara oyemboɨpɨ ramo yave mbaeä etei omae jese vae reta oyeroviata, jare oecha retata Zorobabel ipo pe güɨnoi plomada.” Kuae jaɨkue rupi araɨgua jei ye: “Kuae chiu mechero vae reta jae ko yandeYa jesa omae opaete ɨvɨ re vae.”

ZACARÍAS 4:14

Jare jae jei: “Kuae ko jae mókoi oñeñono tee oyeokuai vaerä yandeYa pe ɨvɨ iyapoa pe.”

ZACARÍAS 6:1

Cheäka aupi pɨau ye jare aecha irundɨ käretou oyekuaa mókoi ɨvɨtɨ ipäu güi; jókuae ɨvɨtɨ reta jiero iyu vae pegua.

San Mateo 18:10

Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

San Mateo 24:31

Jare amondota chearaɨgua reta jemimbɨguasu omoñee reve güeru vaerä aiparavogüe reta opaete ketɨ ketɨ güi.

San Lucas 1:19

Jayave araɨgua jei ye Zacarías pe: —Che ko jae Gabriel. Che jae Tumpa jembiokuai etei. Jae chembou chemiari vaerä ndeve jare amombeu vaerä ndeve kuae ñee ikavi vae.

Hebreos 1:14

Echa araɨgua reta Tumpa jembiokuai ko; jare jae ko ombou araɨgua reta omborɨ vaerä oyemboasaukata vae reta.

Hebreos 1:7

Araɨgua reta re imiari yave, Tumpa jei körai: “Ɨvɨtu reyapo neñee jerajaarä, jare tata ko nderembiokuairä.”

JOSUÉ 3:11

Mase, käjou morogüɨrökuavee päve pegua, yandeYa opaete ɨvɨ iya imbae oasata perenonde ɨ̈aka Jordán.

Apocalipsis 7:1

Kuae jaɨkue rupi aecha irundɨ araɨgua reta oyemboɨ ñogüɨnoi ɨvɨ jembeɨ mbeɨ pe. Metei oï kuaraɨ oëa kotɨ, ïru oï kuaraɨ oikea kotɨ, ïru oï ɨvɨtuguasu kotɨ jare ïru oï arayevɨ kotɨ. Jare jae reta oyopia irundɨ ɨvɨtu ɨvɨ rupi oyepeyu vae, agüɨye vaerä oipeyu ɨvɨ, ɨguasu reta jare ɨvɨra reta.