ZACARÍAS 6:13 - Biblia Guarani Tumpa Iñee

¹³ Jae omopüa pɨau yeta yandeYa itupao, jare jae imboetea yaeta, oguapɨta guapɨa mborookuaía pegua pe oporookuai, jare oimeta sacerdote iyɨke pe; oimeta yomboarakuaa mbɨakatu pegua oyoupii.

ZACARÍAS 6:13 ပူးပေါင်းရင်းမြစ်များ

GÉNESIS 14:18

Jayave Melquisedec mburuvicha guasu Salem pegua, jae ko Tumpa Tuichagüe yae ete vae isacerdote güɨnoe mbɨyape jare vino.

2 SAMUEL 7:13

Jae omopüata metei o cheve, jare che ameeta oiko avei vaerä iporookuaía.

SALMOS 110:1

YandeYa jei cheYa pe: “Eguapɨ cheakatu kotɨ, nderovaicho reta opa regua añono ndepɨ igüɨ pe.”

SALMOS 110:4

YandeYa jei jee re ae, jare ngaraa oipoepɨ iyemongeta: “Nde ko jae sacerdote reiko avei vaerä, Melquisedec rami.”

SALMOS 21:4

Tekove oiporu ndeve jare remee chupe; oikopuku vaerä jekuae avei pegua.

SALMOS 21:5

Iyemboetea tuicha, ndeporomborɨ rupi, remee chupe oyemboeteuka yae vaerä.

ISAÍAS 11:10

Jare jókuae ara Ɨvɨraɨpɨ rami vae Isaí güi oëta metei jokɨ, jae oñeñonota metei bandera rami opaete vae reta peguarä, opaete vae reta oekata; jare jëta jërakua yaeta.

ISAÍAS 22:24

Jese oyembosagüɨuta iñemuña reta, opaete mbaembae ikavigüe rami, oipotagüe tasa, tasa michi vae güive tasa tuicha vae rami.

ISAÍAS 54:10

Yepe ɨvɨtɨ guasu reta osɨrɨta jenda güi, ɨvɨtɨ reta opata osururu, ërei cheporoaɨu ngaraa oyepoepɨ ndegüi, cheporogüɨrökuavee mbɨakatu pegua ave ngaraa opa oyemboai.” Jei yandeYa, iporoparareko ndekotɨ vae.

ISAÍAS 9:5

Echa opaete pɨapaa sundaro güɨraja ñeraroa pe vae, jare opaete temimonde tugüɨ oya jese vae, opata oyeapɨ, kapii oyeapɨ tata pe rami.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

JEREMÍAS 23:5

YandeYa jei: “Mase, oväeta ara amopüa vaerä David iñemuña güi, metei jupi vae, jae oikota mburuvicha guasurä yarakuaa katu reve, jare jae ikavi yaeta, jare oyapota morojäa jare jupi vae kuae tëtaguasu pe.

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

JEREMÍAS 33:15

Jókuae ara rupi amopüata David iñemuña güi metei jupi vae, jae oyapota morojäa jare jupi vae kuae tëtaguasu pe.

MIQUEAS 5:4

Jae oïta jare oyangarekota yandeYa imbaepuere rupi, yandeYa Tumpa jee tuicha yae vae rupi; jare yogüɨreko kavita, echa yandeYa oyembotuichaukata opaetei ɨvɨ iyapɨ rupi.

ZACARÍAS 4:14

Jare jae jei: “Kuae ko jae mókoi oñeñono tee oyeokuai vaerä yandeYa pe ɨvɨ iyapoa pe.”

ZACARÍAS 4:9

“Zorobabel oñonota kuae o iguapɨka, jae ipo pe opata oyapo.” Jökorai peikuaata yandeYa Imbaepuere yae ete vae ko chembou.

Romanos 5:1

Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi;

Colosenses 1:2

roikuatía peve kuae tupapire cherɨvɨ reta Colosas pe peiko vae pe. YandeRu Tumpa jare yandeYa Jesucristo ipɨakavi jare ipɨakatu toï pe ndive.

Hebreos 3:1

Jáeramo, cherɨvɨ oporogüɨrovia vae reta, Tumpa pereenɨi vae reta, pemae kavi Cristo Jesús temimondo jare sacerdote tenondegua ete, jese yarovia vae re;

Hebreos 6:20

jókuae Jesús räri oike tenonde yandeve, jare Tumpa oyapo ma sacerdote tenondegua eterä jekuae avei pegua Melquisedec rami.

1 Pedro 3:22

Jesucristo ojo ma ara pe vae oime oï Tumpa iyakatu kotɨ; jae jeia re ñogüɨnoi araɨgua reta, mburuvicha reta jare mbaepuere güɨnoi vae reta.

Apocalipsis 3:21

Oporomoamɨri vae pe ameeta oguapɨ vaerä che ndive cheguapɨa pe, che aporomoamɨri jare aguapɨ cheRu ndive iguapɨa pe rami.