ZACARÍAS 6:1 - Biblia Guarani Tumpa Iñee

¹ Cheäka aupi pɨau ye jare aecha irundɨ käretou oyekuaa mókoi ɨvɨtɨ ipäu güi; jókuae ɨvɨtɨ reta jiero iyu vae pegua.

ZACARÍAS 6:1 ပူးပေါင်းရင်းမြစ်များ

2 REYES 6:17

Jare Eliseo oyerure yandeYa pe, jei reve: “CheYa, romoñera, eipea jesa omae vaerä.” Jayave yandeYa oipea tembiokuai jesa, jare omae; jare oecha ɨvɨtɨ rupi tɨnɨe kuimbae reta kavayu regua, jare käretou tata katuai vae Eliseo iyɨ́vɨri rupi.

JOB 34:29

Tumpa mbaetɨ mbae oyapo yave, ¿kia pa ojäata? Oñomi jova yave, ¿kia pa oechata? Jae omae jeta vae re jare kia ñavo re,

SALMOS 33:11

ërei yandeYa iyemongeta, oikota jekuae avei.

SALMOS 36:6

Ndembaejupi ndeɨvɨtɨ guasu rami ko; neporojäa reta ɨguasu tɨpɨ yae vae rami, cheYa Tumpa, nde reñovatu kuimbae jare mɨmba.

PROVERBIOS 21:30

YandeYa kotɨ mbaetɨ oime arakuaa, arakuaa katu ani yemboarakuaa.

ISAÍAS 43:13

Che ko Tumpa oikoño mai vae. Mbaetɨ kia ipuere chemboavai. Mbaetɨ kia ipuere omboai che ayapogüe.”

ISAÍAS 66:15

Echa, ko yandeYa outa tata re, jare ikäretou reta kusumirou rami, oitɨ vaerä iyarasɨ jare iporonupa, tata jendɨ rami.

JEREMÍAS 4:13

Mase, ko tovaicho reta yogüeru amapɨtu rami, ikäretou ñeraro pegua kusumirou rami, ikavayu reta iñäkua yae güɨraké güi. ¡Atataɨ, jaema ñakañɨtei!

DANIEL 4:15

Ërei iyɨpɨgüe peeyagüe peñapɨti peeya jiero pe jare jiero iyu vae pe, peeya ñana pɨte pe. Tiñäkɨ ɨsápɨi pe, jare mɨmba reta ndive toiko ñana pɨte rupi.

DANIEL 4:35

Opaete ɨvɨ pegua reta mbaeä etei ko. Jae oyapo jemimbota ara pe jare ɨvɨ pegua reta pe. Mbaetɨ kia ipuere oyopia imbaepuere jare jei chupe: ¿Mbae pa reyapo?’

DANIEL 8:22

Irundɨ jäti reta oë jókuae tenondegua jäti opë yave vae, jae ko kuae tëtaguasu güi oëta irundɨ mborookuaía, ërei mbaetɨta jókuae tenondegua imbaepuere rami.

ZACARÍAS 5:1

Aupi cheäka jare aecha, ko tembikuatía oñemama vae oveve.

ZACARÍAS 6:5

Jare araɨgua jei cheve: “Kuae jae ko irundɨ ɨvɨtu reta oë yandeYa opaete ɨvɨ iya jóvai güi vae.

Hechos 4:28

Ombopo reta vaerä ndembaepuere rupi arakae voi ma rere oyeapo vaerä vae.

Efesios 1:11

Iyɨpɨ güive voi yandeparavo ñanoi vaerä jae omeeta yandembaerä vae, jae oyapo opaete mbaembae ipɨa jemimbota rupi vae.

Efesios 3:11

Echa jökorai Tumpa oyapo iyemongeta opambae vae yandeYa Jesucristo rupi,

1 SAMUEL 2:8

Jae güɨnoe paravete vae mbaravete güi, jare jae güɨnoe paravete vae, ɨtɨ oyemomboa pe oyevɨka vae güi, jare omboguapɨ mburuvicha reta ndive omboguapɨ mburuvicha jenda re omboeteuka vaerä; echa yandeYa imbae ko opaete ɨvɨ iguapɨka, jare jese ko omboguapɨ kuae ɨvɨ.