ZACARÍAS 4:6 - Biblia Guarani Tumpa Iñee

⁶ Jayave jei cheve: “Kuae ko jae yandeYa iñee Zorobabel peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.

ZACARÍAS 4:6 ပူးပေါင်းရင်းမြစ်များ

GÉNESIS 41:16

Jayave José jei Faraón pe: —Che aeño mbaetɨ ko anoi mbae cheyé; Tumpa etei ko oikuaauka kavita Faraón pe.

1 REYES 19:12

Jare ɨvɨkana jaɨkue rupi ou tata; ërei ngatu yandeYa mbaetɨ ou jókuae tata re. Jare tata jaɨkue rupi oyeendu mbae iñee mbegüe kavi jare pöiasɨ vae.

2 CRÓNICAS 14:11

Jare Asa oyerure iYa Tumpa pe, jei: “CheYa, ndeve mbaetɨ yavai remborɨ vaerä imbaepuere vae ani mbaetɨ imbaepuere vae. ¡Oremborɨ oreYa Tumpa, echa nderé royeko, jare nderee re royu roñeraro vaerä kuae sundaro reta ndive! Nde oreYa jae ko oreTumpa. ¡Eechauka mbaetɨ ko kia ipuere oyovaicho nde ndive vae!”

ESDRAS 2:2

Kuae reta yogüeru Zorobabel ndive jare Jesúa, Nehemías, Seraías, Reelaías, Mardoqueo, Bilsán, Mispar, Bigvai, Rehum jare Baana reta ndive. Opaete kuimbae Israel pegua reta oyepapa vae jae ko:

ESDRAS 3:10

Jare o iyapoa reta oñono yave yandeYa itupao guasu iguapɨka, sacerdote reta oyemonde temimonde sacerdote pegua pe jare mimbɨguasu ndive, jare levita reta Asaf iñemuña reta güɨnoi platillo omboete vaerä yandeYa, David, Israel iñemuña reta juvicha guasu oeya mborookuai rami.

ESDRAS 5:2

Jayave Zorobabel, Salatiel taɨ jare Jesúa, Josadac taɨ omboɨpɨ reta ye omopüa Tumpa jo Jerusalén pe, jare Tumpa iñeemombeúa reta ñogüɨnoi jae reta ndive omborɨ reta vaerä.

SALMOS 33:16

Mburuvicha guasu mbaetɨ ko oyereroasayepe jeta sundaro güɨnoi ramo, ani jëia yae vae mbaetɨ ko ojoyepe ipɨ̈rata yae jeko pegua;

ECLESIASTÉS 9:11

Kuae ɨvɨ pe jekuae aecha ye vae jae ko: Mbaetɨ iñäkua yae vae retaño oporomoamɨri, mbaetɨ jëia yae vae retaño oporomoamɨri; mbaetɨ yarakuaa vae retaño güɨnoi tembíu, mbaetɨ yarakuaa katu vae retaño oikokatu, mbaetɨ jeta oyemboe vae retaño imboetea yae; echa opaete kuae reta pe oväe väei ko iara.

ISAÍAS 30:1

YandeYa jei: “¡Paravete, cheraɨ oyembosɨrɨ chegüi vae reta, oyemongeta reta mbae oyapo vaerä, oparandumbae reve cheve, oyupavo reta mbae oyapo vaerä, mbaetɨ reve che añono ipɨa pe, jökorai jeiete omoïru reta mbaeyoa iyeupe!

ISAÍAS 32:15

Ërei yandeYa iEspíritu outa yanderé ɨvate güi, jayave ɨvɨ ipombae, ikavi yeta oñemaetɨ pɨpe vaerä, jare ɨvɨ kavi jeiete yaeta ikavi.

ISAÍAS 34:16

Pemongeta yandeYa iñee reta oyekuatía oï vae, emongeta, oime ra oata mbae nunga mɨmba; mbaetɨ metei pe ave oata iñeïrurä, echa yandeYa ko jei jökorai, iEspíritu etei ko opata omboatɨ.

ISAÍAS 59:19

Opaete ɨvɨ, kuaraɨ oëa kotɨ güive kuaraɨ oikea kotɨ, omboeteta yandeYa oecha yave iyemboetea. Echa yogüeruta tovaicho reta, ɨ ɨ̈aka rupi tuichagüe ou rami. Ërei yandeYa oñemopüata chupe reta.

DANIEL 2:34

Jare remae reï ramboeve oa ɨvate kotɨ güi metei ita, mbaetɨ kia oyoka reve, jare ou oa jókuae kuimbae iä rami vae ipɨ jiero oyea ñaeu oyɨgüe ndive vae pegua re, jare opa omonguruvi.

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

HAGEO 1:1

Mokoía año ma Darío oiko mburuvicha guasurä yave, ova yasɨ tenondegua ara pe yandeYa iñee ou ñeemombeúa Hageo rupi, Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe.

HAGEO 2:21

“Ere Zorobabel mburuvicha Judá pegua pe körai: ‘Che amokana ara jare ɨvɨ;

ZACARÍAS 6:12

Jare ere chupe körai: ‘YandeYa Imbaepuere yae ete vae jei körai: Mase, ko kuimbae Jokɨ pɨau jee vae jeñɨita japo güi aeño, jae omopüa pɨau yeta yandeYa itupao.

NÚMEROS 27:16

—CheYa Tumpa, opaete pe tekove omee vae, eñono metei kuimbae opaete vae itenondeguarä,

Efesios 6:17

Peñono peäka re äka-ɨru jiero pegua yemboasa pegua, jare peiporu Tumpa iñee, jae ko kɨsepuku Espíritu pegua.

1 Pedro 1:12

Tumpa oechauka jókuae reta pe vae chupegua retaä ko, yandeveguarä ko, jae reta omombeu añave oñemoërakua oï peve ñee ikavi vae Espíritu Santo rupi ara güi ombou vae, jare araɨgua reta oipota yae tëi omae kuae mbaembae re.

1 SAMUEL 14:6

Jare Jonatán jei jembiporu ñeraro pegua ivoɨa pe: —Eyu yaja ñapüa kuae itumpa-raanga pota vae reta re. Güɨramoi yandeYa yandemborɨta ko, echa chupe mbaetɨ etei mbae yavai oporoepɨ vaerä jeta vae rupi ani mbovɨ vae rupi.

1 SAMUEL 17:47

Jare opaete kuae pe yatɨ ñogüɨnoi vae reta oikuaata, kërai cheYa mbaetɨ oporoepɨ kɨsepuku pe jare mii pe vae; echa jae imbae ko ñeraro, jare jae pemeeta orepo pe.