ZACARÍAS 3:4 - Biblia Guarani Tumpa Iñee

⁴ Jare araɨgua oyókuai jóvai rupi ñogüɨnoi vae, jei reve: “Pemboi chugüi jókuae temimonde ikɨa vae.” Jare chupe jei: “Mase, ko aekɨ ndegüi ndeyoa, jare romboemimondeuka ikavi yae vae pe.”

ZACARÍAS 3:4 ပူးပေါင်းရင်းမြစ်များ

2 SAMUEL 12:13

Jayave David jei Natán pe: —Cheyoa ko yandeYa kotɨ. Jare Natán jei David pe: —YandeYa iñɨ̈ro ndeve ndeyoa re, mbaetɨta remano.

1 REYES 22:19

Micaías jei ye vi: —Eyeapɨsaka yandeYa jeigüe re: Che aecha yandeYa oguapɨ oï iporookuaía pe, jare opaete iaraɨgua reta ñogüɨnoi iyɨ́vɨri, iyakatu kotɨ jare iyasu kotɨ.

SALMOS 51:9

Eñomi nderova cheyoa reta güi, jare emboai opaete ikavimbae oï cheré vae.

ISAÍAS 43:25

Ërei che peTumpa, ayeaɨu jeko pegua amboai peyoa reta, ngaraa ye ma chemaendúa peyoa reta re.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

ISAÍAS 52:1

Epüa Sión, eñemomɨ̈rata, Jerusalén, tëta guasu oñeñono tee vae, eyemonde nderemimonde ipöragüe pe, echa ngaraa ye ma ou ndekotɨ itumpa-raanga pota vae reta, ani ikɨa Tumpa jesa róvai vae reta.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

ISAÍAS 61:3

amee vaerä opaete Sión pe ipɨatɨtɨ ñogüɨnoi vae reta pe, oime vaerä mbaemboete, mbɨatɨtɨ jekovia pe, yerovia katu toñemee mbae ikäti vae rami temimonde mbɨatɨtɨ pegua jekovia pe; asoya yerovia pegua, mbɨatɨtɨ jekovia pe. Jare oyembojeeuka retata: “Ɨvɨra jupi vae”, yandeYa jemitɨ, jae iyemboetea peguarä.

JEREMÍAS 52:33

Jökorai, Joaquín güi omboiuka jemimonde tembipɨɨrä oï yave omonde vae, jare okaru mburuvicha guasu ndive opaete ara oikove oiko ramboeve.

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

EZEQUIEL 42:14

Sacerdote reta oike tupao pe yave, agüɨye toë reta joko güi oka tuicha vae pe jemimonde sacerdote pegua ndive, jókuae jemimonde oyeokuai Tumpa pe jae ndive vae, echa oñeñono tee Tumpa peguarä vae ko; toyemonde jemimonde ae pe, oë vaerä jeta vae reta ñogüɨnoia pe.”

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

MIQUEAS 7:19

Enoi ye mboroparareko orekotɨ; eñotɨ orereko jupimbae reta jare emombo ɨguasu pe opaete oreyoa reta.

ZACARÍAS 3:1

YandeYa oechauka cheve, sacerdote tenondegua Josué oyemboɨ oï yandeYa iaraɨgua jóvai, jare Satanás oï iyakatu kotɨ, omboeko vaerä.

ZACARÍAS 3:7

“YandeYa Imbaepuere yae ete vae jei körai: ‘Reguata jare reiko yave cheremimbota rupi, reporookuaita chero pe, reyangarekota vi cheroka re, jare ameeta ndeve reï vaerä kuae oyeokuai cheve vae reta ndive.

ZACARÍAS 3:9

Echa, ko Josué jóvai añono ita; kuae ita jaevaeño vae güɨnoi chiu iyɨke; mase, ko che aikuatiata jei yandeYa Imbaepuere yae ete vae, jare ɨvɨ pegua reta iyoa aekɨta metei ara pe.

San Mateo 22:11

Jare mburuvicha guasu oike omae vaerä jókuae oyeparea chupe vae reta re yave, oecha joko pe metei kuimbae mbaetɨ oyemonde temimonde menda pegua pe vae

San Lucas 1:19

Jayave araɨgua jei ye Zacarías pe: —Che ko jae Gabriel. Che jae Tumpa jembiokuai etei. Jae chembou chemiari vaerä ndeve jare amombeu vaerä ndeve kuae ñee ikavi vae.

San Lucas 15:22

Ërei tu jei jembiokuai reta pe: ‘Peru temimonde ikavi vae pemondeuka chupe. Jaeramiño vi peñono moäka-vera ipoäka re jare pɨapaa ipɨ re.

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

Romanos 3:22

echa Tumpa ombojupita opaete Jesucristo re güɨrovia vae reta iporogüɨrovia rupi. Echa jae mbaetɨ oporomboyoavɨ.

Romanos 6:23

Echa mbaeyoa jekovia ko mano. Ërei Tumpa omee mbota yandeve vae ko tekove opambae vae yandeYa Cristo Jesús re.

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Colosenses 3:10

jare peyemonde ma teko ipɨau vae pe. Echa kuae teko ipɨau vae oyembopɨau aveita ojo oiko oyekuaa regua iyapoa rami, oikuaa kavi regua.

Hebreos 8:12

echa aipararekota jupimbae iyapoa, jare ngaraa ye chemaendúa iyoa reta re.”

Apocalipsis 5:11

Amae jare aendu jeta araɨgua reta iñee jókuae tenda mborookuaía pegua, oikove vae reta jare jókuae tenondegua okuakuaa vae reta iyɨ́vɨri rupi. Jare jókuae araɨgua reta jeta yeyé,

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.