ZACARÍAS 3:3 - Biblia Guarani Tumpa Iñee

³ Jare Josué jemimonde ikɨa vae ndive oï araɨgua jóvai.

ZACARÍAS 3:3 ပူးပေါင်းရင်းမြစ်များ

ESDRAS 5:2

Jayave Zorobabel, Salatiel taɨ jare Jesúa, Josadac taɨ omboɨpɨ reta ye omopüa Tumpa jo Jerusalén pe, jare Tumpa iñeemombeúa reta ñogüɨnoi jae reta ndive omborɨ reta vaerä.

ESDRAS 9:15

OreYa Tumpa, Israel iTumpa, nde ko jupi vae, echa nde oremoembɨreuka mbovɨ añave rami. Ko roï nderóvai oreyoa reve, mbaetɨ jupi roï vaerä nderóvai kuae jeko pegua.”

ISAÍAS 4:4

YandeYa oporojäata jare oporonupata vae rupi oitɨota Sión pegua kuña reta iyoa, jare oyoeta Jerusalén pe jeta tugüɨ oyepɨyere vae,

ISAÍAS 64:5

Nde remboresive jókuae ipɨakatu reve kavi oyapo mbaejupi vae, jare imaendúa nde ndepɨa jemimbota oyapo vaerä vae reta. Nde ndearasɨ oreve, echa oreyoa; ɨma yae rupi ma roiko mbaeyoa rupi, ¿roasayepe vɨteriñota ra?

ISAÍAS 64:6

Opaete ore reta ko mbae ikɨa vae rami, orerembiapo kavi reta, tarapo ikɨa vae rami ko ndeve; opaete ore roa, ɨvɨra joo oa rami, jare orerembiapo kavimbae reta orereraja, ɨvɨtu güɨraja mbae rami.

DANIEL 9:18

OreYa Tumpa, emboɨke ndeapɨsa jare eendu; emae kavi opa royemboai roï vae re, jare tëta guasu nderee oñeenɨia opa oyemboai oï vae re. Mbaetɨ roeka ndeve yemborɨ jupi rupi roiko jeko pegua, jaeño ndeporoparareko tuicha yae jeko pegua ko.

Santiago 2:2

Güɨramoi oiketa peyemboatɨa pe kuimbae ipoäka-vera oro pegua vae jare oyemonde kavi vae, jare oike vi kuimbae paravete vae jemimonde ipächa vae.

Judas 1:23

Amogüe pemborɨ, penoe tata güi. Jare ïru vae peiparareko, ërei peyeandu reve iyoa reta güi. Echa ikavi ko peröɨro vaerä chugüi jemimonde ave omongɨa iyoa pe vae.

Apocalipsis 19:8

Jembirekorä vae pe oñemee ma temimonde lino ikavigüe, ikɨambae jare jembipe vae. Echa lino ikavi vae ko jae oporogüɨrovia vae reta jeko jupi vae.”