ZACARÍAS 3:2 - Biblia Guarani Tumpa Iñee

² Jare yandeYa jei Satanás pe: “¡YandeYa toñeengata ndeve Satanás! ¡YandeYa oaɨu Jerusalén vae toñeengata ndeve! Echa jae ko tatasɨgüe tata güi oñerenoegüe rami.”

ZACARÍAS 3:2 ပူးပေါင်းရင်းမြစ်များ

2 CRÓNICAS 6:5

‘Jókuae ara anoe güive chembae vae reta ɨvɨ Egipto güi, mbaetɨ aiparavo metei ave tëta guasu ñemuña reta güi Israel pe, pɨpe oñemopüa vaerä tupao guasu joko pe oiko vaerä cheree, ani mbaetɨ vi aiparavo metei kuimbae oiko vaerä mburuvicharä chembae reta Israel re.

2 CRÓNICAS 6:6

Ërei aiparavo Jerusalén, joko pe oï vaerä cheree, jare aiparavo David oï vaerä tëta chembae vae Israel juvicharä.’

SALMOS 109:31

Echa jae oñeñono omborɨ vaerä paravete vae reta, oepɨ vaerä omboeko vae reta güi.

ISAÍAS 7:4

jare ere chupe: ‘Eyeandu, jare eyembopɨaguasu; agüɨye ekɨɨye jare agüɨye eyembopɨtu, jókuae mókoi tatasɨgüe jätati ñogüɨnoi vae güi, Rezín mburuvicha guasu Siria pegua güi jare Peka, Remalías taɨ mburuvicha guasu Israel pegua pochɨ ñogüɨnoi vae güi.

DANIEL 12:1

Jókuae ara opüata araɨgua Miguel mburuvicha tenondegua ete, nerëtara Israel iñemuña reta iyangarekoa. Outa mbɨatɨtɨ iara, mbaetɨi jókuae nunga, arakae kuimbae oyeapo ramo güive vae. Ërei jókuae ara oasayepeta nerëtaɨgua reta, opaete jee oyekuatía oï tupapire pe vae.

AMÓS 4:11

“Pomokañɨtei, Sodoma jare Gomorra opa amboai rami; tatasɨgüe tata güi oñerenoegüe rami peasayepe, ¡ërei mbaetɨ peyerova ye chekotɨ!” Jei yandeYa.

ZACARÍAS 1:17

Jei ye cheve: “Emoërakua ye rere reve: ‘Körai jei yandeYa Imbaepuere yae ete vae: Tëta chembae vae reta güɨnoi yeta jeta mbae jare ambopɨakatu vɨterita Sión, jae ko Jerusalén aiparavo vae.’ ”

ZACARÍAS 2:12

Jare yandeYa güɨnoi yeta Judá imbae vae ɨvɨ oñeñono teea pe, jare tëta Jerusalén jekuae oiparavo yeta iyeupe.

San Marcos 1:25

Jayave Jesús oñeengata aña pe, jei reve: —¡Nekïrii! ¡Eë chugüi!

San Marcos 9:25

Jare Jesús oecha yave yatɨ jeta jese vae, oñeengata aña pe, jei: —Aña oporomboupa jare oporomboapɨsambae vae, esɨrɨ kuae kunumi güi, jare agüɨye etei mo eya ye jese.

San Lucas 22:32

Ërei che ayerure ma nderé, agüɨye vaerä oata ndeporogüɨrovia. Jare reyerova ye yave, emborɨ nderɨvɨ reta ipɨ̈rata vaerä iporogüɨrovia pe.

San Lucas 4:35

Jayave Jesús oñeengata chupe. —¡Nekïrii! ¡Eë chugüi! Jayave opaete vae jovake aña oitɨ ɨvɨ re kuimbae jare oë chugüi. Mbaetɨ maratu oyapo.

San Lucas 9:42

Jare kunumi ou ramboeve, aña oipɨaka jare omborɨrɨi yae. Ërei Jesús oñeengata aña pe; ombogüera kunumi jare omee ye tu pe.

San Juan 13:18

Opaete pe reta reä ko chemiari aï. Che aikuaa kia reta ko jae cherembiparavo. Ërei Tumpa Iñee pe oyekuatía oï vae oyembopota ko. Echa oyekuatía oï körai: “Jókuae okaru che ndive vae oyeapata cheré.”

Romanos 16:20

jayave Tumpa mbɨakatu omee vae ɨmambae tomoamɨri Satanás, toñono pepɨ igüɨ pe. YandeYa Jesucristo ipɨakavi toï pe reta ndive.

Romanos 8:33

¿Kia pa ipuereta omboeko Tumpa jembiparavo reta? Tumpa ko jae oporombojupi vae.

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.

Judas 1:23

Amogüe pemborɨ, penoe tata güi. Jare ïru vae peiparareko, ërei peyeandu reve iyoa reta güi. Echa ikavi ko peröɨro vaerä chugüi jemimonde ave omongɨa iyoa pe vae.

Judas 1:9

Ërei araɨgua tenondegua Miguel etei oñoraro yave aña guasu ndive oyoaka reve Moisés jetegüe re, oipoɨu omboeko vaerä aña guasu. Jaeño jei chupe: “YandeYa toñeengata ndeve.”

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”