ZACARÍAS 3:10 - Biblia Guarani Tumpa Iñee

¹⁰ Jókuae ara metei ñavo pegüi reta opareata iñeïru pe okaru päve vaerä uva igüɨ pe jare ɨva igüɨ pe, jei yandeYa Imbaepuere yae ete vae.’ ”

ZACARÍAS 3:10 ပူးပေါင်းရင်းမြစ်များ

1 REYES 4:25

Salomón oikove oiko ramboeve, Judá jare Israel pe yogüɨreko vae reta, jare Dan güive Beerseba pe, metei vae ñavo yogüɨreko pɨagüive iuva jembo igüɨ rupi jare iɨva igüɨ rupi.

1 REYES 5:5

Che, jáeramo añave añeñono amopüa vaerä tupao cheYa Tumpa peguarä, cheru David pe yandeYa jei rami: ‘Nderaɨ, che añonota nderekovia pe mburuvicha guasurä vae, jae omopüata tupao cheree re.’

ISAÍAS 32:18

Jare tëta chembae vae oiko pɨagüiveta, jëguambaea pe oikota, jare oputuuta,

ISAÍAS 36:16

Agüɨye perovia Ezequías re. Mburuvicha guasu Asiria pegua chembou peyapo vaerä jae ndive mbɨakatu, peñemaeño, jayaveño pepuereta peu pɨagüive peuva ia, peɨva ia jare peu peɨ ae ae peɨrɨru güi.

JEREMÍAS 32:15

Echa, yandeYa Imbaepuere yae ete vae Israel iTumpa jei: Kuae ɨvɨ pe pegua yeta kuri peyeupe o, ɨvɨ jare uvarupa.’

OSEAS 2:18

Jókuae ara ayapota peve morogüɨrökuavee päve mɨmba reta ñana rupigua ndive güɨra reta ndive, mboi reta ndive; aekɨta kuae ɨvɨ güi güɨrapa, kɨsepuku jare ñeraro, jare peiko pɨagüiveta.

MIQUEAS 4:4

Metei ñavo vae oguapɨta jemitɨ uva jare ɨva igüɨ pe, jare ngaraa ye ma kia omongɨɨye. ¡Echa yandeYa Imbaepuere yae ete vae ko jökorai jei!

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.