ZACARÍAS 2:9 - Biblia Guarani Tumpa Iñee

⁹ Mase, ko chepo añono jese reta, jembiokuai ae reta opɨ̈rota imbaembae reta chugüi.” Jökorai peikuaata yandeYa Imbaepuere yae ete vae ko chembou.

ZACARÍAS 2:9 ပူးပေါင်းရင်းမြစ်များ

ISAÍAS 10:32

Tëta Nob pe ave metei ara oiketa tovaicho reta; opüata Sión pegua reta re, ɨvɨtɨ Jerusalén re.

ISAÍAS 11:15

YandeYa oipeata tape chupe reta Epigto pegua ɨguasu rupi, omopüata iyɨva ɨ̈aka Éufrates re, chiu pe opata omboyao jókuae ɨ̈aka, jare ipuereta oasa reta ipɨapaa omboimbae reve.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 13:2

“¡Peupi bandera ñeraro pegua metei ɨvɨtɨ jaambae re! ¡Pesapúkai sundaro reta! ¡Peupi pepo chupe reta, oike reta vaerä, mburuvicha reta jöke rupi!

ISAÍAS 14:2

Jeta tëtaguasu reta omboresive kavita Israel iñemuña reta, jare omoïru retata yogüeru ye jëta kotɨ yave, jare Israel iñemuña reta oyapota jembiokuairä yandeYa iɨvɨ pe. Jökorai Israel iñemuña reta oyapota tembipɨɨrä arakae jökoraise oyapo vae, güɨnoi retata mbaepuere, arakae güɨrekose mbaepuere jese reta vae re.

ISAÍAS 19:16

Jókuae ara Egiptoɨgua reta, kuña reta ramiñota, okɨɨye retata oecha yave yandeYa Imbaepuere yae ete vae omopüa ipo ikotɨ reta.

ISAÍAS 26:1

Jókuae ara otairari retata kuae tairari ɨvɨ Judá pe: “Ñanoi tëta guasu jëguambae, yandeYa yandereepɨ vaerä oñono tëta guasu ikësea, omboyokupe oñono.

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

ISAÍAS 33:21

Joko pe yandeYa oïta yandeveguarä imbaepuere yae reve, ɨ̈aka ipɨguasu vae oime joko pe ramita, ërei ngaraa oporepeña jokoropi tovaicho reta, ibarco pe ani ibarco tuicha yae vae pe ave.

ISAÍAS 33:23

Jókuae barco reta iguataka iɨ iïcha opa okúe, ngaraa ma ikavi omoata kavi vaerä. Oñepɨ̈rota opa oyemboyao yao jeta mbaembae tovaicho reta güi, oguatambae reta ave oiketa güɨnoe mbaembae.

ISAÍAS 4:5

jare yandeYa oyapota amapɨtu pɨtumimbi vae ara pe, tembipe jare tata jendɨ vae pɨ̈tu yave, opaete o ñavo re Sión pe, jare opaete oyomboatɨa re. Echa yandeYa iyemboetea oïta opaete mbaembae iárambo küaraɨa rami,

ISAÍAS 48:16

Peya katu cheré jare peyeapɨsaka: Iyɨpɨ güive, mbaetɨi chemiari vɨari; jókuae mbaembae reta oyemboɨpɨ oyembopo yave, che oime aiko joko pe. Jayave peYa Tumpa jare iEspíritu ko chembou.’

ISAÍAS 60:18

Ndeɨvɨ pe ngaraa ma jërakua tekorai, ngaraa ma vi oime susere ndeɨvɨ pe, jaeño nekësea rembojeeta ‘Yereroasayepe’, jare neröke reta ‘Mbaemboete’.

ISAÍAS 60:19

Ngaraa ma reipota kuaraɨ omboesape vaerä ndeve ara pe, ani yasɨ ave omboesape vaerä ndeve pɨ̈tu yave, echa, che ndeYa jae ko tembipe opambae; che, neTumpa, jae ko ndemboesape vae.

JEREMÍAS 27:7

Opaete tëtaguasu reta oyeokuaita chupe, taɨ reta pe jare jɨmɨmino reta pe, ou regua oväe ara, jae iɨvɨ ma oyeokuai vaerä tëtaguasu reta jare mburuvicha guasu reta imbaepuere yae vae pe.

JEREMÍAS 28:9

Ërei metei ñeemombeúa omoërakua yave mbae ikavi vae, iñee oyembopo yaveño opaete vae güɨroviata Tumpa ko ombou vae.

JEREMÍAS 8:19

Mase, cherëtaɨgua reta jäse oyeendu opaete kuae ɨvɨ pe körai: “¿Mbaetɨ ma ra oï yandeYa Sión pe? ¿Mbaetɨ ma ra Juvicha guasu oï joko pe?” Jare yandeYa Jei: “¿Maera pa chemboarasɨuka tumpa-raangarä peñopa kavi peyapo vae rupi, jókuae tumpa-raanga mbaetɨ mbaerä osirive vae jare peikuaambae vae rupi?”

EZEQUIEL 39:10

Mbaetɨta oeka reta yepea ani güeru reta kaa güi, jaeño oapɨ retata tembiporu ñeraro pegua. Omaepɨ̈ro retata omaepɨ̈ro chugüi vae reta güi, ipogüɨrai oeya retata jökorai oporoapo vae reta. Che Tumpa jae kuae.

JOEL 2:27

jökorai peikuaata oime ko tëta Israel ipɨte pe che aï vae, jare che ko, jae peYa Tumpa jare mbaetɨ ye ko ïru; ¡jare chembae vae reta ngaraa ye ma oñemomaraiuka!

HABACUC 2:17

Ɨvɨtɨ Líbano pe opa remokañɨtei ɨvɨra jare mɨmba vae, oyerovata ndeve jare rekɨɨyeta mɨmba pochɨ vae güi rami. Kuae outa reporoyuka jeko pegua, omboepɨuka vaerä ndeve opaete reyukagüe, nepïrimbae tëta guasu reta re jare pɨpegua reta re vae re.

HABACUC 2:8

Echa nde repɨ̈ro jeta mbaembae tëtaguasu reta güi, jáeramo tëtaguasu reta jembɨregüe oyomboatɨta ndekotɨ, omboepɨuka vaerä ndeve opaete reyukagüe, nepïrimbae tëta guasu reta re jare pɨpegua reta re vae re.

SOFONÍAS 3:15

YandeYa Tumpa ombosɨrɨ ndegüi iporojäa, opa oekɨ omombo ndegüi nderovaicho reta. Echa yandeYa Tumpa ndeRuvicha guasu ko oï nde ndive; ngaraa ye ma reecha ikavimbae.

ZACARÍAS 2:11

Oñemoïruta jeta tëtaguasu reta yandeYa re jókuae ara, jare jeita: “Toyogüɨreko chembaerä, che aikota jae reta ipɨte pe.” Jökorai peikuaata yandeYa imbaepuere yae ete vae ko chembou.

ZACARÍAS 2:8

Echa yandeYa Imbaepuere yae ete vae chembou tëtaguasu reta pepogüɨrai pereeya vae pe kuae ñee ndive. “Echa opoko pere yave kia nunga vae, cheresäɨ kunumi re opoko rami ko.

ZACARÍAS 4:9

“Zorobabel oñonota kuae o iguapɨka, jae ipo pe opata oyapo.” Jökorai peikuaata yandeYa Imbaepuere yae ete vae ko chembou.

ZACARÍAS 6:15

Jare mombɨrɨ ñogüɨnoi vae yogüeruta jare oporomborɨta omopüa pɨau ye yandeYa itupao, jayave peikuaata yandeYa Imbaepuere yae ete vae ko chembou pekotɨ. Kuae oyeapota peendu jare pekɨ̈reɨ ngatu peyapo yandeYa iñee yave.

ZACARÍAS 9:15

YandeYa Imbaepuere yae ete vae oyangarekota imbae vae re Jae reta opɨ̈rota ita tamamboka pegua re. Omboaita jovaicho jare oɨuta jugüɨ re vino re rami jare mbaerɨru tɨnɨe rami jɨ̈vɨatata, ani mɨmba oyeyuka oyeapɨ jese vae regua guakarätiecha vae rami.

San Juan 13:19

Kuae amombeu peve añave ndei oyeapo mbove, oyeapo ma yave perovia vaerä CHE KO vae.

San Juan 16:4

Ërei kuae che jae ma peve, ara oväe yave pemaendúa vaerä amombeu ma peve vae re. Kuae mbaetɨ amombeu peve tenonde rupi, echa che aiko pe ndive.