ZACARÍAS 2:13 - Biblia Guarani Tumpa Iñee

¹³ ¡Tikïrii opaete vae yandeYa jóvai; echa jae ou jëta ikɨambaea güi!

ZACARÍAS 2:13 ပူးပေါင်းရင်းမြစ်များ

2 CRÓNICAS 30:27

Javoi sacerdote reta jare levita reta oyemboɨ jare oyerure opaete vae reta re; jare yandeYa oendu chupe reta, iyerure ojo oväe ara pe, Tumpa oikoa pe.

SALMOS 11:4

CheYa oï jëta ikɨambaea pe. CheYa iguapɨa güɨnoi ara pe, jae oecha opaete vae, omae kavi yae opaete kuimbae reta re.

SALMOS 46:10

“¡Peñemokïrii! ¡Peikuaa che ko jae Tumpa! ¡Che ko aï opaete tëtaguasu reta iárambo! ¡Chetuicha yaeta opaete ɨvɨ iárambo!”

SALMOS 68:5

Tumpa, oiko jo oñeñono tee vae pe vae, jae ko tɨ̈reɨ reta tu jare imemano vae reta jepɨa vae.

SALMOS 78:65

Jayave yandeYa opa, kia oke vae güi opa rami, jëia yae vae osapúkai vino omboakuvo vae rami.

ISAÍAS 14:2

Jeta tëtaguasu reta omboresive kavita Israel iñemuña reta, jare omoïru retata yogüeru ye jëta kotɨ yave, jare Israel iñemuña reta oyapota jembiokuairä yandeYa iɨvɨ pe. Jökorai Israel iñemuña reta oyapota tembipɨɨrä arakae jökoraise oyapo vae, güɨnoi retata mbaepuere, arakae güɨrekose mbaepuere jese reta vae re.

ISAÍAS 19:16

Jókuae ara Egiptoɨgua reta, kuña reta ramiñota, okɨɨye retata oecha yave yandeYa Imbaepuere yae ete vae omopüa ipo ikotɨ reta.

ISAÍAS 41:1

“Peyeapɨsaka cheré, tëtaguasu reta ɨguasu jembeɨ rupi peï vae, peñemoäta ngatu jare peyu. Peyu ñanemiari kuae teko re, yayomboatɨ yayoaka jese.

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 57:5

Peyogüɨroke ɨvɨra iküaraɨa kavi vae igüɨ rupi, jare peyuka michia reta pemee petumpa-raanga reta pe ɨvɨtɨ päu ipe kavía rupi, ɨ̈vavira igüɨ rupi.

ISAÍAS 63:15

Emae ara güi, jókuae ikɨambaea jare iyemboetea yaea pe reikoa güi. ¿Ketɨ pa oime nerägüɨro, ndembaepuere, ndepɨaä jare ndeporoaɨu orekotɨ vae? ¿Opa ma pa rembosɨrɨ oregüi?

JEREMÍAS 25:30

Nde, Jeremías, emoërakua opaete kuaekuae reta. Ere chupe reta: ‘CheYa iñeeäta ɨvate güi, jae oikoa ikɨambaea güi. Imbae vae reta kotɨ iñeeäta; uva oitɨami vae itairari, otairarita opaete ɨvɨ pegua reta kotɨ.

HABACUC 2:20

Ërei yandeYa oï jo ikɨambaea pe: ¡Pekïrii jóvai opaete ɨvɨ pegua reta!

SOFONÍAS 1:7

¡Peñemokïrii yandeYa jóvai, echa iporojäa iara oväeta ma! ¡YandeYa oporoyukata oï, jare opa ma oiparavo jembiparea reta!

SOFONÍAS 3:8

Jáeramo, cheräro pe reta, ayuta metei ara pojäa. Che, peYa ko jae jökorai: Ayemongeta amboatɨ vaerä tëtaguasu reta jare mborookuaía reta aitɨ vaerä jese reta chearasɨ, chearasɨ yavaetegüe. ¡Cherägüɨro jeko pegua chearasɨ yaeta, opaeteita amboai kuae tëtaguasu reta!

ZACARÍAS 4:9

“Zorobabel oñonota kuae o iguapɨka, jae ipo pe opata oyapo.” Jökorai peikuaata yandeYa Imbaepuere yae ete vae ko chembou.

ZACARÍAS 6:15

Jare mombɨrɨ ñogüɨnoi vae yogüeruta jare oporomborɨta omopüa pɨau ye yandeYa itupao, jayave peikuaata yandeYa Imbaepuere yae ete vae ko chembou pekotɨ. Kuae oyeapota peendu jare pekɨ̈reɨ ngatu peyapo yandeYa iñee yave.

Romanos 3:19

Ërei yaikuaa ko opaete mborookuai jei vae, jei ko mborookuai güɨnoi vae reta pe, agüɨye vaerä mbae jei jare opaete vae oike vaerä Tumpa iporojäa pe;

Romanos 9:20

Ërei nde, kuimbae ¿kia pa nde reñeengata vaerä Tumpa pe? Echa ɨvɨyapepo ¿ipuere pa iñeengeta iyapoa pe, jei: “Maera pa nde cheapo körai”?

DEUTERONOMIO 18:21

Jare pere yave pepɨa pe: ‘¿Këraita pa yaikuaa Tumpa iñeeä ko imiari oï yandeve vae?’

DEUTERONOMIO 18:22

Jókuae ñeemombeúa imiari yave Tumpa jee re, jare mbaetɨ yave oyembopo jeigüe, jókuae ñee jeigüe Tumpa iñeeä ko, oyembotuicha güiño ko imiari jókuae ñeemombeúa; agüɨye pekɨɨye chugüi.

DEUTERONOMIO 26:15

Emae nerëta ikɨambaea güi, ara güi, ndeporerekua tëta Israel ndembae vae re, jare jókuae ɨvɨ remee oreve vae re, rerökuavee nderee re remee vaerä ɨvɨ ikavi yae vae oreñemuñagüe reta pe rami.’