ZACARÍAS 14:5 - Biblia Guarani Tumpa Iñee

⁵ Jare petekuaraita jókuae ɨvɨtɨ päu ipe kavi rupi, echa jókuae ɨvɨtɨ päu ipe kavi vae ojoita oväe Azal pe; petekuaraita petenondegua reta ɨvɨkana güi otekuarai rami, Uzías oiko mburuvicha guasurä Judá pe yave. CheYa Tumpa outa opaete oñeñono tee vae reta ndive.

ZACARÍAS 14:5 ပူးပေါင်းရင်းမြစ်များ

SALMOS 96:13

jókuae yandeYa ou oï vae jenonde! ¡Jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare añete vae rupi tëta reta kuae ɨvɨ pegua!

SALMOS 98:9

jókuae yandeYa ou oï vae pe. ¡Echa, jae ou oï vaerä mburuvicha guasurä kuae ɨvɨ pe, güɨroata vaerä jupi rupi jare isɨmbi rupi tëta reta kuae ɨvɨ pegua!

JOEL 3:11

¡Opaete tëtaguasu kuae rupigua reta! Peyu ɨmambae peyomboatɨ. ¡CheYa Tumpa, embou joko pe ndesundaro jëia vae reta!

AMÓS 1:1

Kuae jae ko Amós iñee reta. Jae ko Tecoa pegua vecha iyangarekoa reta güi metei, Tumpa güi ou chupe ñee Israel regua vae omoërakua, mókoi año ndei oime mbove ɨvɨkana, Uzías oiko yave mburuvicha guasurä Judá pe, jare Jeroboam oiko yave mburuvicha guasurä Israel pe; Jeroboam ko Joás taɨ.

MIQUEAS 1:11

¡Tëta Safir pegua reta, peota peɨvɨ güi penandi reve jare pemara reve! ¡Tëta Zaanán pegua mbaetɨta ñogüɨnoe! ¡Tëta Bet-esel ipɨatɨtɨ jeko pegua mbaetɨta pemborɨ!

ZACARÍAS 4:7

¿Mbae pa nde ɨvɨtɨ? Zorobabel jóvai repɨtata ñuu ipe kavi vae rami; jae oekɨta tenondegua ita jeta vae isapúkai reve: ¡Ikavi yae ko! ¡Ikavi yae ko!’ ”

NÚMEROS 16:34

Jare opaete Israel pegua reta yatɨ ñogüɨnoi iyɨ́vɨri vae, oyandu jäse reta yave, otekuarai reta, echa jei reta: “¡Agüɨye tiñanemókoi vi ɨvɨ!”

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Mateo 24:3

Jesús oguapɨ oï ramboeve ɨvɨtɨ Olivo pe, jemimboe reta oyakatu jese jae retaño ñogüɨnoi yave: —Emombeu oreve, ¿kërai yave pa kuae oyeapota?, jare ¿këraita pa roikuaa reyu yeta ma vae regua jare kañɨtei regua?

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Lucas 21:27

Jayave ɨvɨ pegua reta chereechata ayu amapɨtu re. Che Kuimbaerä ayeapo vae chembaepuere yae reve jare cheyemboetea reve.

DEUTERONOMIO 33:2

körai: “YandeYa ou Sinaí güi; Seir güi yandemboesape. Jembipe ɨvɨtɨ Parán güive jare ou jeta vae reta pe Cades pe; iyakatu kotɨ güeru yandeve mborookuai tata katuai vae.

1 Tesalonicenses 3:13

YandeYa tapemomɨ̈rata, peyapo vaerä jupi vae, jare agüɨye vaerä yandeRu Tumpa pemboeko mbae re, yandeYa Jesús ou ye yave opaete oporogüɨrovia vae reta ndive.

2 Tesalonicenses 2:8

Jayave oyekuaata jókuae ikavimbae vae iyapoa. Jókuae yandeYa oyukata ipɨ̈túe pe vae, jare omboaita ko, ou yave jembipeasɨ reve.

Santiago 5:8

Jökoraiño vi pe reta pepɨaguasu. Jekuaeño peñemoäta ngatu. Echa oyearo ma yandeYa ou ye vaerä.

Apocalipsis 11:13

Jökorai rupive täta ɨvɨkana jare tëta guasu iyɨkegüe osururu, jare omano chiu mil kuimbae reta. Jare omanombae reta okɨɨye yae jare omboete Tumpa ara pe oiko vae.

Apocalipsis 20:11

Jare aecha metei guapɨa guasu tïi vae, jare oguapɨ oï pɨpe vae. Ɨvɨ jare ara opa otekuarai jae jóvai güi vae, jare mbaetɨ kia pe oñemi vaerä.

Apocalipsis 20:4

Jare aecha mburuvicha iguapɨa reta jare joko pe oguapɨ mbaepuere oñemee chupe oporojäa vaerä vae reta. Jare aecha Jesús regua jare Tumpa iñee omombeu ramo oñeäka-sɨauka vae reta jekove. Jókuae mbaetɨ omboete mbaemɨmba guasu ani iä vae reta, mbaetɨ etei vi güɨnoi ikañɨmaa jesɨva re jare ipo re. Jae reta oikove ye jare oporookuai Cristo ndive mil año.