ZACARÍAS 14:4 - Biblia Guarani Tumpa Iñee

⁴ Jókuae ara ogüeyɨta ɨvɨtɨ Olivo jee vae re, Jerusalén jóvai kuaraɨ oëa kotɨ oï vae re; jare ɨvɨtɨ Olivo jee vae oyemboyaota mbɨte rupi, kuaraɨ oëa kotɨ jare oikea kotɨ rupi, jare opɨtata ɨvɨtɨ päu ipe kavi jare ɨvɨtɨ jovaichogüe opɨtata ɨvɨtuguasu kotɨ, jare ïru jovaichogüe opɨtata arayevɨ kotɨ.

ZACARÍAS 14:4 ပူးပေါင်းရင်းမြစ်များ

2 SAMUEL 15:30

Jare David oyeupi ɨvɨtɨ Olivo re; oyeupi oyaeo reve, iñäka oyasoi jare ipɨgüɨrai. Jare opaete jae ndive yogüɨraja vae reta oyasoi vi iñäka, oyaeo reve vi oyeupi reta.

EZEQUIEL 11:23

oyemboɨvate, jare oyembosɨrɨ tëta guasu güi, jare ojo oñeñono ɨvɨtɨ re, tëta guasu güi kuaraɨ oëa kotɨ oï vae re.

EZEQUIEL 38:20

Jevae reta ɨ rupigua, güɨra reta, mɨmba reta ñana rupigua, mboi reta jare opaete kuimbae reta ñogüɨnoi ɨvɨ iárambo vae, orɨrɨita cheróvai; ɨvɨtɨ reta osururuta, ɨ̈vavira reta osururuta jare opaete tëtaguasu reta ikësea osururuta.

EZEQUIEL 43:2

jare aecha Israel iTumpa iyemboetea ou kuaraɨ oëa kotɨ güi. Jɨapu oyeendu ɨ tuicha yae vae jɨapu rami, jare ɨvɨ jembipe Tumpa iyemboetea oyekuaa jeko pegua.

HABACUC 3:6

Jae oyemboɨ yave ɨvɨ okana tëta guasu ipo reta orɨrɨi jae omae jese reta yave; ɨvɨtɨ guasu reta ñɨma yae vae osururu jare opa oyemboai; Tumpa jemimbota reta ko opambae.

ZACARÍAS 14:10

Opaete ɨvɨ ipe kavi vae rami opɨtata Geba güive Rimón kotɨ, Jerusalén güi arayevɨ kotɨ. Jerusalén tuicha yaeta jare jeta yaeta pɨpe vae, öke Benjamín Röke jee vae güive tenondegua öke pe Ekina Röke jee vae pe, jare Hananeel jo ɨvate güive mburuvicha guasu reta iuva oñetɨamía pe.

ZACARÍAS 14:7

Jaeño jókuae ara yandeYa oikuaata, mbaetɨta ara ani pɨ̈tu. Kuaraɨ oike yave oimeñota tembipe.

ZACARÍAS 14:8

Jare jókuae ara Jerusalén güi oëta ɨ tɨpambae, mbɨte rupi ojota Ɨguasu Jembochɨ vae pe, jare ïru mbɨte rupi ojota Ɨguasu Mediterráneo pe, kuaraɨ guasu iara pe jare iroɨ guasu iara pe.

ZACARÍAS 4:7

¿Mbae pa nde ɨvɨtɨ? Zorobabel jóvai repɨtata ñuu ipe kavi vae rami; jae oekɨta tenondegua ita jeta vae isapúkai reve: ¡Ikavi yae ko! ¡Ikavi yae ko!’ ”

San Marcos 11:23

Añete che jae peve, kia jei yave kuae ɨvɨtɨ pe: “Esɨrɨ kuae güi, ea ɨguasu pe”, güɨrovia reve ipɨa pe vae pe, oyeapota ko. Oipotagüe mbae jei vae oyeapota ko chupe.