ZACARÍAS 14:11 - Biblia Guarani Tumpa Iñee

¹¹ Jerusalén pe yogüɨreko yeta vae jare ngaraa ye ma oime ikavimbae, yogüɨreko pɨagüiveta.

ZACARÍAS 14:11 ပူးပေါင်းရင်းမြစ်များ

Apocalipsis 22:3

Jare ngaraa ye ma oime yepopeyu. Echa Tumpa jare Vecha kuimbae taɨrusu vae iguapɨa oïta joko pe, jare jembiokuai reta oyeokuaita chupe.

AMÓS 9:15

Echa añonota iɨvɨ ae pe jare ngaraa ye ma oyeekɨuka iɨvɨ che amee chupe reta vae güi.”

Apocalipsis 21:4

Jare Tumpa oyoeta opaete jesaɨ reta. Ngaraa ye kia omano, ani ipɨatɨtɨ, ani oyaeo ani mbae jasɨ. Echa mbaembae tenonde oiko vae opa ma oasa.”

ZACARÍAS 8:8

jare aruta yogüɨreko ye Jerusalén pe; joko pe jae reta yogüɨrekota chembaerä, jare che aikota jae reta iTumparä añete pegua jare jupi rupi.”

ZACARÍAS 8:4

Jekuaeño oime yeta oyekuaa ndechi reta jare tɨ̈aro reta Jerusalén joka rupi, metei ñavo ipopokata, echa oasa eteta indechi ani itɨ̈aro.

ZACARÍAS 2:4

Jare jei chupe: “Esɨi ekua nemiari kunumi güɨnoi tɨmasa raɨ vae pe, körai: ‘Jerusalén ikëseambaeñota, kuimbae jare mbaemɨmba jeta yae vae jeko pegua.

JOEL 3:20

Che ayepɨta jekombae imano re; mbaetɨta cheïro jeko vae pe. Ërei Judá oimeta ipo jekuae avei pegua, jare Jerusalén jae nunga vi. Jare che aikota ɨvɨtɨ Sión pe.

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

EZEQUIEL 37:26

Jare morogüɨrökuavee päve yembopɨakatu pegua ayapota jae reta ndive, morogüɨrökuavee päve jekuae avei pegua. Añono kavita, ambojeta retata jare añonota chero mbaemboetea pegua ipɨte reta pe jekuae avei pegua.

JEREMÍAS 31:40

Opaete ɨvɨtɨ päu ipe kavi vae omanogüe oñeotɨ pɨpe vae jare tanimbu oyemomboa, jare opaete ɨvɨtɨ päu ipe kavi vae oï ɨ̈aka Cedrón iárambo vae güive Kavayu Röke jee vae iekina pe, kuaraɨ oëa kotɨ, oñeñono tee chevegüarä. Jare kuae tëta guasu ngaraa ye ma oyemboai.”

ISAÍAS 66:22

YandeYa jei vi: “Echa ara ipɨau vae, jare ɨvɨ ipɨau vae che ayapota vae, ñogüɨnoi aveita cheresa róvai rami, jökoraita ko oime avei peñemuña reta jare peree.

ISAÍAS 60:18

Ndeɨvɨ pe ngaraa ma jërakua tekorai, ngaraa ma vi oime susere ndeɨvɨ pe, jaeño nekësea rembojeeta ‘Yereroasayepe’, jare neröke reta ‘Mbaemboete’.

ISAÍAS 26:1

Jókuae ara otairari retata kuae tairari ɨvɨ Judá pe: “Ñanoi tëta guasu jëguambae, yandeYa yandereepɨ vaerä oñono tëta guasu ikësea, omboyokupe oñono.

NÚMEROS 21:3

Jare yandeYa oendu Israel iñemuña reta iyerure, jare omee jae reta ipo pe cananeo reta, jare opaetei omboai reta, jaeramiño vi jëta guasu reta; jáeramo ombojee reta jókuae ɨvɨ Horma.

JEREMÍAS 32:37

Ërei ngatu che amboatɨta, opaete tëtaguasu reta rupi chearasɨ yae rupi opa amoai moai vae reta, aroyerova reta yeta kuae ɨvɨ pe jare ameeta yogüɨreko pɨagüive vaerä.

ZACARÍAS 8:13

Jare peiko yepopeyurä ïru tëtaguasu reta ipɨte rupi, pe Judá jare Israel pegua reta, jökorai pogüɨroasayepeta jare peïta mborerekuarä. Agüɨye peyembopɨtu ¡Agüɨye pekɨɨye! ¡Jaeño peñemomɨ̈rata yae!”

DEUTERONOMIO 33:28

Israel iñemuña reta yogüɨreko pɨagüiveta, yogüɨrekota mbɨakatu rupi, ɨvɨ omoñemuña trigo jare uva pɨpea pe, ngaraa oata ɨsápɨi ara güi chupe reta.

ZACARÍAS 12:6

Jókuae ara rupi sundaro ruvicha reta Judá pegua añonota tätapɨi rɨru jendɨ yepea pɨte pe oï vae rami, tatasɨgüe jendɨ vae rami añonota trigo oyeasɨagüe ipɨte pe. Oapɨta opaete tëta reta iyakatu kotɨ jare iyasu kotɨ ñogüɨnoi vae, Jerusalén pe jekuae oime yeta yogüɨreko vae.