ZACARÍAS 14:10 - Biblia Guarani Tumpa Iñee

¹⁰ Opaete ɨvɨ ipe kavi vae rami opɨtata Geba güive Rimón kotɨ, Jerusalén güi arayevɨ kotɨ. Jerusalén tuicha yaeta jare jeta yaeta pɨpe vae, öke Benjamín Röke jee vae güive tenondegua öke pe Ekina Röke jee vae pe, jare Hananeel jo ɨvate güive mburuvicha guasu reta iuva oñetɨamía pe.

ZACARÍAS 14:10 ပူးပေါင်းရင်းမြစ်များ

ZACARÍAS 12:6

Jókuae ara rupi sundaro ruvicha reta Judá pegua añonota tätapɨi rɨru jendɨ yepea pɨte pe oï vae rami, tatasɨgüe jendɨ vae rami añonota trigo oyeasɨagüe ipɨte pe. Oapɨta opaete tëta reta iyakatu kotɨ jare iyasu kotɨ ñogüɨnoi vae, Jerusalén pe jekuae oime yeta yogüɨreko vae.

JOSUÉ 15:32

Lebaot, Silhim, Aín jare Rimón; opaete reve veintinueve tëta guasu; tëta guasu ñavo güɨnoi tëta raɨ raɨ.

JEREMÍAS 37:13

Ërei ojo oväe Öke Benjamín jee vae öke pe yave, metei sundaro ruvicha Irías jee vae, Selemías taɨ, Hananías jɨmɨmino, oipɨɨ Jeremías jare jei chupe: —¡Nde reipota reasa Caldeaɨgua reta kotɨ!

JEREMÍAS 30:18

YandeYa jei: “Aru yeta tembipɨɨ güi Jacob iñemuña reta, aiparareko yeta iɨvɨ; omopüa pɨau yeta tëta guasu oyemboaigüe, jare mburuvicha guasu jo, jendagüe pe.

1 REYES 15:22

Jayave mburuvicha guasu Asa omondo oenɨi opaete Judá iñemuña pegua, oatambae reve metei ave kia nunga vae, jare Ramá güi güɨraja reta iyeupe ita reta jare ɨvɨra reta Baasa oiporu oikëse vaerä pɨpe vae, jare jókuae pe mburuvicha guasu Asa oikëse Geba Benjamín pegua jare Mizpa.

ZACARÍAS 2:4

Jare jei chupe: “Esɨi ekua nemiari kunumi güɨnoi tɨmasa raɨ vae pe, körai: ‘Jerusalén ikëseambaeñota, kuimbae jare mbaemɨmba jeta yae vae jeko pegua.

JEREMÍAS 38:7

Jare Ebed-melec eunuco Etiopíaɨgua, mburuvicha guasu jo pegua, oikuaa Jeremías oñono reta ɨrɨru pe. Jare mburuvicha guasu oguapɨ oñono kavi teko oï öke Benjamín jee vae pe.

NEHEMÍAS 3:1

Jayave sacerdote tenondegua Eliasib jare jëtara sacerdote reta ndive omopüa reta ye öke Vecha Röke jee vae. Oñono reta jese ɨvɨra oñeopagüe jare oyapo reta ye öke, omopüa reta ye vi tëta ikësea maeka ɨvate vae Hamea jee vae güive maeka ɨvate vae Hananeel jee vae pe.

JUECES 20:47

Ërei seisciento Benjamín iñemuña reta otekuarai ñuu kotɨ ɨ̈vavira Rimón pe; joko pe yogüɨreko irundɨ yasɨ.

JUECES 20:45

Ïru reta oyerova otekuarai ñuu kotɨ ɨ̈vavira Rimón kotɨ, ërei jókuae osɨi vae reta güi tape rupi opa oyuka cinco mil; Israel iñemuña reta jekuae oaɨkuemoña Gidom kotɨ jare oyuka reta dos mil kuimbae.

AMÓS 9:11

“Jókuae ara rupi che amopüata David jo oagüe, jare oyeka yekagüe ayapeteta; amopüa yeta osururugüe, ayapo yeta arakae rami,

ISAÍAS 10:29

oasa reta ɨ̈aka tɨpɨmbaea rupi, oyembojeyupa reta Geba pe; tëta Ramá orɨrɨi okɨɨye güi, Gabaa, Saúl jëta otekuarai.

ISAÍAS 2:2

Ara taɨkuegua rupi, ɨvɨtɨ yandeYa jo oï jese vae, oïta kuri opaete ɨvɨtɨ reta itenondeguarä, jare oyembotuicha yaeta opaete vae ɨvɨtɨ reta güi, jare opaete tëtaguasu reta yogüeruta ikotɨ;

NEHEMÍAS 12:39

jare oasa reta öke Efraín jee vae rupi, Ökeɨma rupi jare Pira Röke rupi, maeka Hananeel jee vae rupi, maeka Hamea jee vae rupi, jare öke Vecha Röke rupi; jare yogüɨraja oväe Tembipɨɨrɨru Röke pe.

2 CRÓNICAS 25:23

Joás mburuvicha guasu Israel pegua oipɨɨ tembipɨɨrä Bet-semes pe mburuvicha guasu Judá pegua, jae ko Amasías, Joás taɨ, Joacaz jɨmɨmino, javoi güɨraja Jerusalén pe; jare ombosururu ciento ochenta metro Jerusalén ikësea, öke Efraín jee vae güive öke Ekina jee vae pe oväe regua.

1 CRÓNICAS 6:77

Merari iñemuña reta pe oataño oñemee vae pe oñemee Zabulón iñemuña reta imbae güi, Rimón jare Tabor, mɨmba reta ikarúa renda ndive ndive;

1 CRÓNICAS 4:32

Güɨnoi vi pandepo tëta: Jae ko Etam, Aín, Rimón, Toquén jare Asán,

JUECES 21:13

Jayave opaete vae reta, omondo oikuaauka Benjamín iñemuña reta ñogüɨnoi ɨ̈vavira Rimón pe vae pe, jare oparea chupe reta yogüeru vaerä iñɨ̈ro chupe reta.

JOSUÉ 21:17

Jare Benjamín iñemuña reta iɨvɨ pe oñemee chupe reta: Gabaón, Geba,

2 REYES 14:13

Joás, mburuvicha guasu Israel pegua oipɨɨ tembipɨɨrä Bet-semes pe Amasías, mburuvicha guasu Judá pegua, javoi ojo Jerusalén kotɨ jare ombosururu ciento ochenta metro Jerusalén ikësea, öke Efraín jee vae güive öke Ekina jee vae pe oväe regua.

JEREMÍAS 20:2

omondo oinupauka jare oñonouka ɨvɨrakua oï öke ɨvatea Benjamín jee vae kotɨgua pe, tupao iyɨpɨ pe.

2 CRÓNICAS 26:9

Oyapo vi sundaro reta imaekarä jëguambae ɨvate vae reta Jerusalén pe, öke Ekina jee vae iárambo, öke Ɨvɨtɨ päu ipe kavi vae kotɨgua jee vae iárambo jare ekina reta iárambo.

MIQUEAS 4:1

Ara taɨkuegua rupi ɨvɨtɨ, yandeYa jo oï jese vae, oïta kuri opaete ɨvɨtɨ reta itenondeguarä, ɨvate yaeta opaete vae ɨvɨtɨ reta güi, jare opaete vae tëta yogüeruta ikotɨ.

ZACARÍAS 8:3

Che ayapo kavi ye Sión, jare aikota Jerusalén pe; Jerusalén jeeta Tëta guasu Jupi vae, jare che peYa Imbaepuere yae ete vae iɨvɨtɨ jeeta, Ɨvɨtɨ Ikɨambae.