ZACARÍAS 13:8 - Biblia Guarani Tumpa Iñee

⁸ YandeYa jei: Jare opaete kuae ɨvɨ rupi, mbɨte oasa ye omanota, okañɨtei retata; ërei oimeñota jembɨre pɨpe vae.

ZACARÍAS 13:8 ပူးပေါင်းရင်းမြစ်များ

ISAÍAS 6:13

Jare opɨta yave mbovɨ yepe kuae tëta pe, jókuae jaenunga vi oyemboaita; ërei ngatu ɨvɨra roble jare encina jee vae reta oyeasɨa yave, jekuaeño opɨta iyɨpɨgüe, jökoraita ko opɨta ñemuña reta oñeñono tee vae jembɨregüe.”

ISAÍAS 66:24

Yogüeruta oecha reta, kuimbae reta oyembopɨapochɨ chekotɨ vae reta jëogüegüe. Echa taso reta jou jetegüe vae mbaetɨta omano, jare mbaetɨta vi ogüe tata, ókai reta ñogüɨnoi pɨpe vae. ¡Yavaete yaeta oyekuaa reta opaete vae pe!”

JEREMÍAS 30:11

Che, peYa jae: Aï pe ndive pogüɨroasayepe vaerä. Amboaita opaete tëtaguasu reta jókuae opa pomoai moaia rupigua. Ërei pe mbaetɨta pomboai; jaeño aiporaraukata peve pereko oï rupi; ngaraa poeya peiporarambae.”

EZEQUIEL 20:38

Ambosɨrɨta pegüi ipɨapochɨ vae reta, jare oyembopɨapochɨ chekotɨ vae reta; anoe retata ɨvɨ ambuae güi, añave yogüɨrekoa güi, ërei ngaraa oike reta Israel iɨvɨ pe. Jayave pe reta chekuaata che ko jae peYa vae.

EZEQUIEL 5:12

mbɨte seri ndegüi omanota mbaerasɨ ovakatu vae rupi jare karuai pe; jare jembɨregüe mbɨte rupi tovaicho reta opata oyuka; jare jembɨregüe opata amoai moai oipota rupi. Che ajata jaɨkue reta metei kɨsepuku ndive chepo pe.

DANIEL 9:27

Metei semana vae re jae oyapota metei morogüɨrökuavee päve jeta vae ndive; ërei semana mbɨte rupi oyopiata agüɨye vaerä ma oyeapo mɨmba oyeyukagüe jare mbota reta oñemee vae. Ikavimbae yae vae oyeapota tupao pe, ou regua oväe kañɨtei ikavimbae yae vae iyapoa re.’ ”

AMÓS 9:10

Ërei omanota opaete iyoa vae reta, tëta chembae vae pegua reta; ‘Ngaraa yanderupitɨ ikavimbae’, jei vae reta.”

SOFONÍAS 3:12

Aeyata ndeve ipɨa omomichi vae jare mbaetɨ ipɨayemboete vae reta, jae reta oyekota chereño.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

San Mateo 22:7

Ërei mburuvicha guasu oikuaa yave kuae, iyarasɨ yae. Jáeramo omondo isundaro reta opa vaerä oyuka jókuae oporoyuka vae reta jare opa oapɨ jëta guasu.

San Marcos 13:20

Jare yandeYa mbaetɨ omboapɨ jókuae ara reta yave, ngaraa etei oime oasayepe vae. Ërei jembiparavo reta jeko pegua omboapɨta jókuae ara reta.

Apocalipsis 16:19

Jare tëta guasu oyemboyao mboapɨ pe, jare tëta guasu reta ïru ɨvɨ pegua opa oa. Jare Tumpa imaendúa jókuae tëta guasu Babilonia jee vae re, jouuka vaerä chupe vinoecha, iyarasɨ yae ikotɨ vae.