ZACARÍAS 13:7 - Biblia Guarani Tumpa Iñee

⁷ YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

ZACARÍAS 13:7 ပူးပေါင်းရင်းမြစ်များ

SALMOS 2:2

Mburuvicha guasu ɨvɨ pegua reta oñomopüa jare oyovaicho, tenondegua reta oyomboatɨ yandeYa kotɨ jare jembiparavo kotɨ, jei reve:

ISAÍAS 1:25

Amopüa yeta chepo ndekotɨ, opata aekɨ ndekɨa; rotɨota opaete ndekɨa güi.

ISAÍAS 27:1

Jókuae ara yandeYa oyukata ikɨsepuku täta yae vae, yavaete jare tuicha vae pe Leviatán jee vae, mboi guasu iñäkua yae vae, ipire jaimbe vae; oyukata jókuae mbaeporou ɨguasu pe oï vae.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 47:6

¡Atataɨ, cheYa ikɨsepuku! ¿Kërai yave pa reputuuta? ¡Ekua ye nderɨru pe, nekïrii, nekïrii epɨta!

EZEQUIEL 21:28

Nde kuimbae, emoërakua maratuta Amón iñemuña reta imbaeyuvanga katu vae reta kotɨ, ere: CheYa Tumpa jei körai: Kɨsepuku, kɨsepuku jɨrumbae ma oï oporoaseokɨ̈ti vaerä, jembipeasɨ overa oï oporoyuka vaerä.

EZEQUIEL 21:3

Ere ɨvɨ Israel kotɨ: ‘YandeYa Tumpa jei körai: Che ayovaicho ndekotɨ, anoeta chekɨsepuku jɨru güi, jare ayukata ndegüi jupi vae reta jare iyoa vae reta.

EZEQUIEL 37:24

Cherembiokuai David rami vae oikota jae reta juvicha guasurä, güɨnoi retata meteiño oyangareko jese reta vaerä; yogüɨreko retata cheporookuai reta rupi, oñovatuta jare oyapo retata.

MIQUEAS 5:2

Ërei nde Belén Efrata, nemichi yae reï vaerä opaete Judá pegua ñemuña reta ipɨte pe, ndegüi oëta cheve Israel iYarä vae, jae oiko vae ko iyɨpɨ güive voi, ara reta ndei oyemboɨpɨ güive.”

MIQUEAS 5:4

Jae oïta jare oyangarekota yandeYa imbaepuere rupi, yandeYa Tumpa jee tuicha yae vae rupi; jare yogüɨreko kavita, echa yandeYa oyembotuichaukata opaetei ɨvɨ iyapɨ rupi.

ZACARÍAS 11:11

Jare jókuae ara oyemboai, jökorai paravete vae reta omae cheré vae ou oikuaa yandeYa iñee ko.

ZACARÍAS 11:4

Körai jei cheYa Tumpa: “Eyangareko vecha reta oyereraja mbaeyukaa pe vae re,

ZACARÍAS 11:7

Jare ayangareko vecha reta oyereraja mbaeyukaa pe vae re, kuae ko jae, paravete vae reta re. Aipɨɨ mókoi popoka: Metei ambojee “Ikavi vae” jare ïru “Maapɨtía”, jare ayangareko vecha reta re.

San Mateo 1:23

Echa jei körai: “Mase, metei kuñatai mbaetɨ etei oasa kuimbae ndive vae ipuruata jare oata imembɨ kuimbae raɨ. Jare ombojee retata Emanuel.” (Kuae tee oipota jei: “Tumpa oime yande ndive.”)

San Mateo 10:42

Kia nunga vae omee yave metei vaso yepe ɨ iröɨsagüe metei cherembiparavo jou vaerä vae, cheremimboe jeko pegua, añete che jae peve, amboekoviata ko chupe.”

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Mateo 18:10

Agüɨye peröɨro kërai ave yepe oporogüɨrovia ramo vae. Echa che jae peve, araɨgua oyangareko kuae nunga reta re vae, ñogüɨnoi avei ko cheRu ara pe oï vae jóvai.

San Mateo 18:14

Jökorai ko peRu ara pe oï vae, mbaetɨ oipota kuae oporogüɨrovia ramo vae reta güi, okañɨ metei ave yepe.

San Mateo 26:31

Jayave Jesús jei chupe reta: —Opaete pe reta opata chereeya kuae pɨ̈tu. Echa Tumpa Iñee pe oyekuatía oï körai: “Ayukata vecha reta iyangarekoa, jare vecha reta opata oñemoai moai.”

San Mateo 26:56

Ërei opaete kuae oyeapo oï oyembopo vaerä ñeemombeúa reta jei vae Tumpa Iñee pe oï vae. Jayave opaete jemimboe reta oeya, jare opa otekuarai.

San Marcos 14:27

Jayave Jesús jei chupe reta: —Opaete pe reta chereeyata kuae pɨ̈tu. Echa Tumpa Iñee pe oyekuatía oï körai: “Ayukata vecha reta iyangarekoa, jare vecha reta opata oñemoai moai.”

San Marcos 14:50

Jayave opaete jemimboe reta oeya, jare opa otekuarai.

San Lucas 12:32

Agüɨye pekɨɨye, pe mbovɨ yae vae reta. Echa Tumpa ipɨa kavi rupi omee peve iporookuaía.

San Lucas 17:2

Ikavi ko oñapɨti iyayu re metei ita tuicha vae oyembaeso pɨpe vae, jare oyemombo ɨguasu pe, agüɨye vaerä mbaemboavai oñono metei michia güɨrovia cheré vae pe.

San Juan 1:29

Pɨareve pe Juan oecha Jesús ou ikotɨ jare jei: “Mase, kuae ko jae Tumpa iVecha kuimbae taɨrusu vae. Omboai opaete ɨvɨ pegua reta iyoa vae.

San Juan 10:30

CheRu jare che meteiño ko.

San Juan 10:38

Ërei ayapo ko cheRu iparavɨkɨ yave, yepe tëi mbaetɨ chererovia, ërei perovia ayapogüe reta re, peikuaa vaerä cheRu oï ko che ndive jare che aï ko jae ndive.

San Juan 14:1

Agüɨye peyembopɨajopa. Perovia Tumpa re, perovia vi cheré.

San Juan 14:23

Jesús jei chupe: —Cheraɨu vae oyapota che jae vae. Jare cheRu oaɨuta. Jare royuta roiko vaerä jae ndive.

San Juan 16:15

Opaete cheRu imbae chembae vi ko. Jáeramo jae peve: “Jae pemboeta cheregua.”

San Juan 16:32

Ërei ou ma ara oväe, ko ma oï, opa vaerä peñemoai moai, chereeyata cheño etei. Ërei mbaetɨ ko cheño aï, echa cheRu ko oï che ndive.

San Juan 5:23

Opaete vae omboete vaerä Taɨ, Tu omboete reta rami. Mbaetɨ omboete reta Taɨ vae, omboeteä ko Tu, ombou vae.

San Juan 8:58

Jesús jei chupe reta: —Añetete che jae peve, ndei Abraham oiko mbove, che oimeño mai aiko.

Hechos 2:23

Kërai Jesús oñemee peve, oyembopo vaerä Tumpa jei jare oikuaa voi ma oyeapo vaerä vae yave, pe reta peipɨɨ peikutuuka kurusu re kuimbae iyoa vae reta pe, jökorai peyukauka.

Romanos 4:25

echa jae oñemee omano vaerä yandeyoa reta re jare oikove ye yandembojupi vaerä.

Romanos 8:32

Echa Tumpa mbaetɨ ñäteɨ omee Taɨ omano vaerä yanderé. Jáeramo jae ¿omee potaä pa opaete mbaembae Taɨ ndive yandeve?

2 Corintios 5:21

Cristo mbaetɨ etei ko iyoa. Ërei Tumpa omae jese mbaeyoa etei rami yandereko pegua. Jökorai Cristo rupi yayembojupi vaerä.

Gálatas 3:13

Ërei Cristo yandereepɨ ma mborookuai iyepopeyu güi, echa jae oyemboekouka yanderekovia pe. Echa oyekuatía oï körai: “Tijeko ɨvɨra re osagüɨu omano vae.”

Filipenses 2:6

Echa yepe tëi jae ko Tumpa etei. Ërei jae mbaetɨ oyeko jókuae re,

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,

1 Pedro 3:18

Cristo vi metei veseño oiporara yandeyoa reta re. Jupi vae oiporara jupimbae vae reta re, yandereraja vaerä Tumpa pe. Jae jete omano kuimbae rami ërei oikove ye Espíritu pegua.

1 Pedro 5:4

Jare Cristo oporogüɨrovia vae reta iyangarekoa reta Juvicha ou ye yave, omeeta peve äka-regua mbaemboete oikomeguambae vae.

1 Juan 2:2

Jae imano rupi Tumpa iñɨ̈ro yandeve yandeyoa reta re; ërei mbaetɨ yandeyoa reño, opaete ɨvɨ pegua reta iyoa reta re vi ko.

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 1:17

Jare aecha yave, aa jóvai omano vae rami. Jayave jae oñono ipo iyakatu cheré jare jei cheve: “Agüɨye ekɨɨye. Che ko jae tenondegua ete jare taɨkuegua ete,

Apocalipsis 1:8

YandeYa jei: “Che ko jae Alfa jare Omega”, iyɨpɨ ete jare iyapɨ ete, jae ko iyɨpɨ güive, añave jare outa vae, Imbaepuere yae ete vae.

Apocalipsis 13:8

Jare omboete opaete ɨvɨ pegua reta jee mbaetɨ oyekuatía oï Vecha kuimbae taɨrusu vae jembikuatía tekove opambae vae pegua pe vae. Vecha kuimbae taɨrusu vae oyeyukauka ko ndei ɨvɨ oyeapo mbove.

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

Apocalipsis 21:6

Jare jei vi cheve: “Oyeapo ma. Che ko jae Alfa jare Omega, iyɨpɨ ete jare iyapɨ ete. Kia iɨuve vae, che ameeiñota jepɨmbae jou ɨesaɨ tekove pegua güi.”