ZACARÍAS 12:9 - Biblia Guarani Tumpa Iñee

⁹ Jare jókuae ara rupi che amboaita opaete tëtaguasu reta oporepeña Jerusalén re vae.

ZACARÍAS 12:9 ပူးပေါင်းရင်းမြစ်များ

ISAÍAS 29:7

Pɨ̈tu yave yapaɨu vae ramiñota oasa, opaete jókuae jeta tëtaguasu reta oñeraro Ariel ndive vae, opaete oñemopüa ikotɨ vae reta ndive ani oiporarauka chupe reta vae ndive.

ISAÍAS 54:15

Kia nunga vae oporepeña nderé yave, cheporookuai rupiä ko outa; kia oñemopüa ndekotɨ vae, nde remoamɨrita.

ISAÍAS 54:17

Ngaraa ipuere ndemboai metei ave tembiporu ñeraro pegua oyeapogüe. Remoamɨrita oipotagüe oñemopüa tëi ñeapo rupi ndekotɨ vae. Jökoraita ko opaete cherembiokuai reta, köraita ko oporomoamɨri reta.” Jei yandeYa.

HAGEO 2:22

opata arokomegua mburuvicha guasu reta iguapɨa mborookuaía pegua jare amboaita tëtaguasu rupi mburuvicha guasu reta imbaepuere; amboyaparata käretou reta pɨpe oguata vae reta ndive jare opata kavayu reta oyepɨaka opo jese vae reta ndive, metei vae ñavo omanota jëtara ikɨsepuku pe.

ZACARÍAS 12:2

“Mase, ko che añono Jerusalén vino oporombosavaɨpo vae rami, omboesagüɨrɨta opaete tëta reta Judá iyɨvɨrigua reta, Jerusalén oñova reta yave.