ZACARÍAS 12:5 - Biblia Guarani Tumpa Iñee

⁵ Jare sundaro ruvicha reta Judá pegua jeita ipɨa pe: ‘Jerusalén pegua reta ipɨ̈rata iYa Tumpa Imbaepuere yae ete vae re.’

ZACARÍAS 12:5 ပူးပေါင်းရင်းမြစ်များ

SALMOS 144:1

Mbaemboete toiko ndeve cheYa, ita guasu cheñepɨ̈roa; jae chembopoki añoraro vaerä ñeraroa pe.

SALMOS 18:32

Tumpa ko jae chemomɨ̈rata vae, jae ombosɨmbi chereko.

SALMOS 18:39

Echa nde chemomɨ̈rata ñoraro peguarä, remomichi cherovaicho reta cheve.

SALMOS 46:1

Tumpa ko ñepɨ̈roa jare yeepɨka, mbɨatɨtɨ iara pe yandemborɨ jarembae voi vae.

ISAÍAS 1:10

Mburuvicha reta Sodoma pegua, peendu yandeYa iñee; mburuvicha reta Gomorra pegua, peyeapɨsaka ñaneTumpa iporookuai re.

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 1:26

Amopüa yeta mburuvicha oporojäa vae reta, oime ye vaerä tenonde yave rami, jare oporomboarakuaa vae reta tenonde yave rami. Jayave nereenɨi reta yeta ‘Tëta guasu jupi vae jenda’, ‘Tëta guasu jupi vae’.

ISAÍAS 28:5

Jókuae ara yandeYa Imbaepuere yae ete vae oïta tëta imbae vae jembɨregüe reta peguarä äka-regua yemboete pegua rami, jare mbae imopöraka ikavi yae vae rami,

ISAÍAS 28:6

jare oporojäa vae reta ipɨa pe oñonota jupi vae, jare sundaro reta oepɨ tëta guasu vae pe omeeta mɨ̈rata.

ISAÍAS 29:10

Echa yandeYa ombou peve topeɨ tätagüe, ñeemombeúa reta opa oesaöva, maratuta vae imombeúa reta opa oesaöva.

ISAÍAS 32:1

Mase, oimeta metei mburuvicha guasu sɨmbi rupi kavi oporookuai vae, jare iyɨvɨrigua mburuvicha reta jupi rupi kavi oporookuaita vi.

ISAÍAS 45:24

jare jei retata: ‘YandeYa reño ko oime jupi vae jare mbaepuere.’ Jare opaete oyemboyovaicho chekotɨ vae reta, oñemomaraiukata ko.

ISAÍAS 60:17

Jiero iyu vae jekovia pe ameeta ndeve oro, jiero jekovia pe, korepoti, ɨvɨra jekovia pe, jiero iyu vae, ita jekovia pe, jiero. Ameeta mbɨakatu ndeve, mbaemboepɨ jekovia pe, jare jupi vae, ndererekoasɨ katu vae reta jekovia pe.

JEREMÍAS 30:21

Ipɨte reta güi oëta juvicharä: Oporookuai vae oëta ipɨte reta güi aeño. Amboyemboyaukata cheyé, echa, ¿kia pa ikɨ̈reɨta oya vaerä cheré?

JEREMÍAS 33:26

Jökorai ngaraa etei aröɨro cherembiokuai Jacob jare David iñemuña reta, ngaraa amaeño oata kia oporookuai vaerä Abraham, Isaac jare Jacob iñemuña reta re vae. Echa che cheporopararekota jese reta jare aru yeta tembipɨɨrä yogüɨrekoa güi.”

JOEL 3:16

YandeYa iñeeäta ɨvɨtɨ Sión güi yave, jae ko Jerusalén pe, ara jare ɨvɨ okanata. Erei yandeYa ko Israel iñemuña reta iñepïroka, jae ko tëta imbae vae iyeroviaka.

ZACARÍAS 10:12

Che ameeta chupe reta mɨ̈rata, jare cheree re oguata retata. Che peYa jae kuae.”

ZACARÍAS 10:6

YandeYa jei: “Che amomɨ̈ratata Judá iñemuña reta, José iñemuña reta ayorata jare amboyerova yeta. Echa aɨu yae reta, jare ñogüɨnoita mbaetɨ etei aröɨro rami. Echa che ko jae iYa Tumpa, aenduta iyerure reta.

ZACARÍAS 12:4

ërei che jókuae ara rupi aitɨta kɨɨye opaete kavayu re, jare amombokereta opaete kuimbae kavayu regua; ërei ayangarekota Judá iñemuña reta re, jare opaete tëta reta ikavayu opata amboesaä.

ZACARÍAS 12:6

Jókuae ara rupi sundaro ruvicha reta Judá pegua añonota tätapɨi rɨru jendɨ yepea pɨte pe oï vae rami, tatasɨgüe jendɨ vae rami añonota trigo oyeasɨagüe ipɨte pe. Oapɨta opaete tëta reta iyakatu kotɨ jare iyasu kotɨ ñogüɨnoi vae, Jerusalén pe jekuae oime yeta yogüɨreko vae.

ZACARÍAS 14:14

Jare Judá pegua reta oñerarota vi Jerusalén pe, jare opɨ̈ro retata jetagüe mbaeyekou opaete tëtaguasu reta iyɨvɨrigua güi: Korepoti, oro jare temimonde.

JUECES 5:9

¡Chepɨa oï Israel iñemuña juvicha reta re, cherëtaɨgua reta ikɨ̈reɨ yogüɨraja ñeraro pe vae reta re! ¡Opaete vae tomboete yandeYa!