ZACARÍAS 12:4 - Biblia Guarani Tumpa Iñee

⁴ ërei che jókuae ara rupi aitɨta kɨɨye opaete kavayu re, jare amombokereta opaete kuimbae kavayu regua; ërei ayangarekota Judá iñemuña reta re, jare opaete tëta reta ikavayu opata amboesaä.

ZACARÍAS 12:4 ပူးပေါင်းရင်းမြစ်များ

1 REYES 8:29

emae avei pɨ̈tu yave jare ara pe kuae o re, kuae: ‘Cheree oïta pɨpe’ rere chupe vae re; jare eendu nderembiokuai yerure oyapo yave kuae o pe.

2 REYES 6:14

jayave jae omondo jokotɨ kuimbae reta kavayu regua, käretou ñeraro pegua reta, jare jeta sundaro reta; kuae reta yogüeru pɨ̈tu yave, jare oñova reta tëta guasu Dotán.

2 REYES 6:18

Jare Siriaɨgua reta ogüeyɨ Eliseo kotɨ yave, jae oyerure yandeYa pe, jei körai: “Romoñera jesambae opɨta vaerä kuae kuimbae reta.” Jare yandeYa opa oeya jesambae, Eliseo oyerure rami.

2 CRÓNICAS 6:20

Emae avei ara pe jare pɨ̈tu yave kuae tupao guasu re, nde rere reï aveita pɨpe vae. Eendu cheyerure kuae güi cheYa.

2 CRÓNICAS 6:40

Añave cheru Tumpa romoñera emae jare eendu yerure reta kuae güi oyeapo ndeve vae.

2 CRÓNICAS 7:15

Añave amaeta jare aendu aveita yerure oyeapo kuae güi vae,

NEHEMÍAS 1:6

añave eendu jare emae che nderembiokuai iyerure re; ara ñavo jare pɨ̈tu ñavo ayapo aï nderóvai nderembiokuai Israel iñemuña reta re vae. Amombeu ore Israel iñemuña reta oreyoa ndekotɨ vae. ¡Añetete, che jare cheru jo pegua reta ave ko oreyoa!

ISAÍAS 24:21

Jókuae ara yandeYa oiporaraukata ara ipo reta pe ara pe, jare ɨvɨ pe mburuvicha guasu reta;

ISAÍAS 37:17

CheYa, emboɨke ndeapɨsa jare eendu. Emae cheYa, jare eecha. Eyeapɨsaka opaete ñee reta Senaquerib ombou jeiuka cheve ñeeasɨ katu ndekotɨ vae re, nde Tumpa oikove vae kotɨ.

JEREMÍAS 24:6

Ayangarekota jese reta, jare aru yeta kuae ɨvɨ pe. Amopüa reta yeta jare ngaraa ma amboai ye, añono retata jenda pe jare ngaraa ma anoe ye.

EZEQUIEL 38:4

Romoamɨrita, añonota tɨ̈ai peyuru pe, jare rogüɨnoeta nde jare opaete ndesundaro reta, kavayu reta, kavayu regua reta, opaete oyemboemimonde kavi ñeraro pegua jare yeopiaka pe vae reta, opaete jae reta güɨnoi kɨsepuku.

EZEQUIEL 39:20

Jare perɨ̈vɨatata kavayu isoo pe, kavayu regua reta isoo pe jare opaete kuimbae reta ñeraro pegua isoo pe. Che peYa Tumpa jae kuae.

DANIEL 9:18

OreYa Tumpa, emboɨke ndeapɨsa jare eendu; emae kavi opa royemboai roï vae re, jare tëta guasu nderee oñeenɨia opa oyemboai oï vae re. Mbaetɨ roeka ndeve yemborɨ jupi rupi roiko jeko pegua, jaeño ndeporoparareko tuicha yae jeko pegua ko.

ZACARÍAS 10:5

Sundaro jëia yae vae ramita ñeraro pe. Opɨ̈rota jovaicho reta re tuyuapo re rami. Oñoraro retata, echa yandeYa oïta jae reta ndive; jare kavayu regua reta oñemomaraiukata.

ZACARÍAS 12:11

Jókuae ara Jerusalén pe oimeta mbɨatɨtɨ tuichagüe, ɨvɨtɨ päu Meguido jee vae pe mbɨatɨtɨ tumpa-raanga Hadad-rimón re oyeapo rami.

ZACARÍAS 12:3

Jókuae ara che añonota Jerusalén metei ita ipoɨ yae vae rami, opaete tëta reta pe; opaete ovoɨ tëi vae reta opata oyeakɨouka. Opaete tëtaguasu reta ɨvɨ pegua yatɨ yatɨta Jerusalén re,

ZACARÍAS 12:5

Jare sundaro ruvicha reta Judá pegua jeita ipɨa pe: ‘Jerusalén pegua reta ipɨ̈rata iYa Tumpa Imbaepuere yae ete vae re.’

ZACARÍAS 12:6

Jókuae ara rupi sundaro ruvicha reta Judá pegua añonota tätapɨi rɨru jendɨ yepea pɨte pe oï vae rami, tatasɨgüe jendɨ vae rami añonota trigo oyeasɨagüe ipɨte pe. Oapɨta opaete tëta reta iyakatu kotɨ jare iyasu kotɨ ñogüɨnoi vae, Jerusalén pe jekuae oime yeta yogüɨreko vae.

ZACARÍAS 14:15

Jökoraita vi imbaerasɨ kavayu, mburikaguasu, camello, mburika jare opaete mɨmba reta jókuae teyupa pe.

ZACARÍAS 9:8

Jare che aïndaivita aepɨ vaerä chembae oipotagüe oasa koropi vae. Jasɨ katu oporogüɨreko vae ngaraa ma oporogüɨrekoasɨ katu, echa añave che ayangarekota jese.”

Hechos 17:30

Ërei Tumpa ɨma rupi mbaetɨ oiporarauka oikuaambae vae reta pe. Ërei añave jae oyókuai opaete ɨvɨ pegua reta oeya vaerä iyemongeta ikavimbae vae ipɨa pe güɨnoi vae.

DEUTERONOMIO 28:28

YandeYa oitɨta peré mbokere, tesambae, pɨa-kërai,