ZACARÍAS 12:1 - Biblia Guarani Tumpa Iñee

¹ YandeYa iñee Israel pe mbae oasata vae regua. YandeYa, ara oipɨso vae jare ɨvɨ oyapo vae, jare tekove oyapo kuimbae iyɨvɨte pe vae, jei:

ZACARÍAS 12:1 ပူးပေါင်းရင်းမြစ်များ

GÉNESIS 1:8

Tumpa oenɨi jókuae oasavi vae “ara”. Jökorai ou pɨ̈tu jare ara, jae ko mokoía ara pe.

GÉNESIS 2:7

Jayave yandeYa Tumpa oyapo kuimbae ɨvɨkúi güi, jare oipeyu iñäpɨgua pe tekove. Jökorai omboɨpɨ oikove kuimbae.

JOB 26:7

Jae oipɨso ara ɨvɨtuguasu kotɨ, jare ɨvɨ ombosagüɨu ipombaea re.

JOB 37:18

¿Reipɨso pa jae ndive ara, jare reeya metei jiero iyu vae oyemboipe kavi rami?

SALMOS 104:2

reñeapeva tembipe pe, temimonde pe rami; ¡reipɨso ara, asoya oyepɨso rami!

SALMOS 134:3

¡Sión güi yandeYa tiporerekua nderé, ara jare ɨvɨ iyapoa!

ECLESIASTÉS 12:7

Ndei ɨvɨkúi ojo ye oyea ɨvɨ ndive mbove, tenonde yave rami, jare ndei tekove ojo ye Tumpa kotɨ mbove, jókuae imeea kotɨ.

ISAÍAS 40:12

¿Kia pa ojäa ipo mbɨte pe ɨguasu, ani ojäa ipoäka pe ara reta, jare mboapɨ ipoäka pe omboatɨ ɨvɨkúi ɨvɨ pegua, jare ojäa mbaejäaka pe ɨvɨtɨ guasu reta jare ɨvɨtɨ reta?

ISAÍAS 40:22

Tumpa oikoa, güɨnoi ko ara re, joko güi oecha ɨvɨ pegua reta tuku ramiño ko vae. Jae oipɨso ara, asoya oyepɨso rami, jae omoata ara, küaraɨa guakapi pegua oñemoata rami.

ISAÍAS 42:5

Körai jei yandeYa Tumpa, ara Iyapoa, jae oyapo ara; jae oyapo ɨvɨ jare mbaembae oñemuña pɨpe vae; jae omee ɨvɨ ipo reta pe ipɨ̈túe vaerä, jare tekove, ɨvɨ iárambo yogüɨreko vae reta pe vae:

ISAÍAS 44:24

Körai jei yandeYa, ndeReepɨ vae, ndei rea mbove voi ma ndeapo vae: “Che peYa, jae ko opaete mbaembae iyapoa, che ko ayapo ara jare ɨvɨ, mbaetɨ kia chemborɨ reve.

ISAÍAS 45:12

Che ko ayapo ɨvɨ jare pɨpegua kuimbae reta, che ko ayapo ara jare amboyekuaa opaete pɨpegua reta.

ISAÍAS 45:18

Echa yandeYa, ara iyapoa, Tumpa, ɨvɨ oyapo vae, omopöra kavi jare oñono kavi jenda pe vae, mbaetɨ oyapoiño, oyapo ko oime vaerä pɨpe mbaembae; jae jei körai: “Che ko jae peYa, mbaetɨ yé oime ïru.

ISAÍAS 48:13

Che ko ayapo ɨvɨ, jare chepoäka pe ko ajäa ara reta; aenɨi reta jee rupi yave, mókoi reve voi oyekuaa reta.

ISAÍAS 51:13

Peakañɨ peYa peApoa güi, ara jare ɨvɨ iyapoa güi, ara ñavo pekaaru aru pekɨɨye oporombopɨatɨtɨ vae reta güi, oyemongeta pemokañɨtei vaerä yave. Ërei, ¿jama pa jókuae oporombopɨatɨtɨ vae reta iyarasɨ?

ISAÍAS 57:16

Echa ngaraa amboeko avei chembae vae reta, ngaraa vi chearasɨ avei aiko; echa jökorai yave cherembiapo reta ipɨtuta cheróvai.

JEREMÍAS 10:12

YandeYa imbaepuere pe oyapo ɨvɨ; oñono kavi ɨvɨ oikuaa kavi reve; oipɨso ara iyarakuaa yae reve.

JEREMÍAS 30:10

YandeYa jei: “Cherembiokuai Jacob iñemuña reta, agüɨye pekɨɨye; Israel iñemuña reta, agüɨye pekɨɨye, echa nde jare neñemuña reta ayorata jókuae mombɨrɨ oyererajaa güi. Yogüɨreko yeta mbɨakatu pe, mbaetɨta kia omongɨɨye, yogüɨreko pɨagüiveta.

JEREMÍAS 30:16

Ërei opaete pemboai vae, oyemboaita, jare opaete perovaicho oyererajata tembipɨɨrä iɨvɨ güi; amboaiukata jókuae pemboai vae, opaete jókuae opɨ̈ro mbae pegüi vae, oñepɨ̈rota vi mbae chugüi reta.

JEREMÍAS 38:16

Jare mburuvicha guasu Sedequías jei vɨari Tumpa jee re Jeremías pe, körai: —YandeYa kuae tekove omee yandeve vae jee re, ngaraa royuka, ngaraa vi romee kuimbae reta oipota ndeyuka vae ipo pe.

JEREMÍAS 50:34

Ërei iyoraarä vae jae ko Imbaepuere yae vae; jae ko jee yandeYa Imbaepuere yae ete vae. Jae oyapota opaete mbae jupi vae chupe reta; güeruta mbɨakatu kuae tëtaguasu pe, ërei Babilonia pegua reta pe güeruta kɨɨye rai.”

JEREMÍAS 51:15

YandeYa imbaepuere pe oyapo ɨvɨ; oñono kavi ɨvɨ iyarakuaa katu rupi; oipɨso ara iyarakuaa kavi yae rupi.

LAMENTACIONES 2:14

Ñeemombeúa reta oechagüe omoërakua ndeve vae, jaangaño ko jare mbokereño ko. Mbaetɨ ndeyoa omboyekuaa reta ndeve, echa omboyekuaa yave, mbaetɨta tëi reo tembipɨɨrä; ërei omombeu reta ndeve mbae maratuta vae añetembae, jare güɨroviauka reta jese ndeve.

EZEQUIEL 18:4

Chembae ko opaete vae; michia reta jare tu reta. Kia iyoa vae, omanota ko.

JOEL 3:19

Egipto opata oyemboai, jare Edom opɨtata ipombae; Judá iñemuña reta re oyuvanga reta jeko pegua; iɨvɨ pe oyuka reta jekombae vae.

ZACARÍAS 9:1

YandeYa iñee oñemoërakua ɨvɨ Hadrac kotɨ jare Damasco kotɨ: “Echa yandeYa reño omaeta kuimbae reta jare opaete Israel iñemuña pegua.

MALAQUÍAS 1:1

YandeYa omombeu Israel iñemuña reta pe mbae oasata vae, Malaquías rupi.

NÚMEROS 16:22

Jayave jae reta oyetavatɨka jare itindɨasɨ ɨvɨ re, jare jei reta: —OreRu Tumpa, opaete oikove vae reta jekove iTumpa, ¿metei kuimbaeñoä pa iyoa? ¿Maera pa ndearasɨ opaete kuae yatɨ vae reta kotɨ?

Hebreos 12:9

Añete ko, yanderu reta ɨvɨ pegua yandembosɨmbi ko, jare yamboete. Jayave ikavi ko ñañeñono vaerä yandeRu ara pegua ipo pe yaikove vaerä.