ZACARÍAS 11:7 - Biblia Guarani Tumpa Iñee

⁷ Jare ayangareko vecha reta oyereraja mbaeyukaa pe vae re, kuae ko jae, paravete vae reta re. Aipɨɨ mókoi popoka: Metei ambojee “Ikavi vae” jare ïru “Maapɨtía”, jare ayangareko vecha reta re.

ZACARÍAS 11:7 ပူးပေါင်းရင်းမြစ်များ

SALMOS 23:4

Yepe tëi aguata ɨvɨtɨ päu ñamano rape katúa rupi, ërei ngaraa akɨɨye mbae nunga ikavimbae güi, echa nde reïta che ndive; ndeɨvɨra jare ndepopoka chemoäta ngatuta.

SALMOS 27:4

Metei mbae aiporu yandeYa pe, jaeño kuae aipota vae: Aï vaerä yandeYa itupao pe, opaete ara aikove aiko ramboeve, amae vaerä yandeYa ipöra re, amboete vaerä itupao pe.

SALMOS 90:17

YandeYa Tumpa tipɨakavi yandeve. ¡Tipɨakatu yandeve yandeYa, yanderembiapo reta re! ¡Tipɨakatu yandeve, yanderembiapo reta re!

ISAÍAS 11:4

oporojäata ko jupi rupi paravete vae reta re, oñemoëta arakuaa katu reve kavi, ipɨa omomichi vae reta re; jare iñee rupi oporonupata, iñee pe oyukata iTumpa potambae.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

ISAÍAS 61:1

YandeYa Tumpa iEspíritu oï cheré, echa yandeYa ko cheparavo; chembou amoërakua vaerä ñee ikavi vae oiporara vae reta pe, ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare tembipɨɨrɨru oyepea vaerä tembipɨɨ reta pe;

JEREMÍAS 39:10

Jaeño oeya ɨvɨ Judá pe paravete yae vae reta, mbaetɨ etei mbae güɨnoi vae, omee chupe reta uvarupa jare ɨvɨ.

LEVÍTICO 27:32

Jare opaete payandepo güi metei vae toñeñono tee cheve, guaka reta, vecha reta jare kavara reta peipapa yave;

MIQUEAS 7:14

¡Eyangareko ndembae vae reta re ndepopoka pe; ndevecha reta yogüɨreko ndeɨvɨ pe vae re, ñana rupiño, ɨvɨ kavía rupi yogüɨreko vae re! Eeka kapii Basán pe jare Galaad pe; ïru ara oasagüe rupi reyapo rami.

SOFONÍAS 3:12

Aeyata ndeve ipɨa omomichi vae jare mbaetɨ ipɨayemboete vae reta, jae reta oyekota chereño.

ZACARÍAS 11:14

Aakɨo ye ïru popoka “Maapɨtía” pe ambojee vae, jökorai amboai vaerä Judá jare Israel güi metei rami yogüɨreko vae.

ZACARÍAS 11:4

Körai jei cheYa Tumpa: “Eyangareko vecha reta oyereraja mbaeyukaa pe vae re,

San Mateo 11:5

Jesambae vae reta omae. Iköcho vae reta okuera. Ipire mbaerasɨ ókui vae reta okuera. Iyapɨsambae vae reta oendu. Omanogüe vae reta oikove ye. Jare iparavete vae reta pe oñemoërakua ñee ikavi vae.

San Marcos 12:37

David etei “CheYa” jei chupe. ¿Kërai pa ipuere oiko David iñemuñarä? Jare jeta vae oyeapɨsaka ñogüɨnoi Jesús re ikɨ̈reɨ ngatu reve.

San Juan 10:16

Oime vi anoi ïru vecha reta kuae peguambae vae reta. Ërei jae reta aruta vi jare oendu retata vi cheñee. Jayave oimeta metei atɨño jare meteiño vecha reta iyangarekoa.

Santiago 2:5

Cherɨvɨ aaɨu vae reta, peyeapɨsaka cheré. Tumpa oiparavo iparavete vae reta oikokatu vaerä iporogüɨrovia re jare güɨnoi vaerä imbaerä mborookuaía, jókuae Tumpa güɨrökuavee omee vaerä opaete güɨnoi mboroaɨu ikotɨ vae reta pe.

1 SAMUEL 17:40

Jare oipɨɨ ipopoka ipo pe, jare ɨ̈aka raɨ güi oiparavo güɨraja pandepo ïtasɨi raɨ, jare oñono ivokoo pe, jare oipɨɨ itamamboka, jare ojo jókuae filisteo kotɨ.

1 SAMUEL 17:43

Jare jei David pe: —¿Yaɨmba pa che, reyu vaerä cheve ɨvɨra ndive? Jare oyepopeyu David kotɨ opaete itumpa reta jee re.