ZACARÍAS 11:6 - Biblia Guarani Tumpa Iñee

⁶ Jáeramo, ngaraa ye ma aiparareko kuae ɨvɨ pegua reta jei yandeYa: Echa ko che amee kuimbae reta iñeïru ipo pe, jare juvicha guasu ipo pe; omboai retata ɨvɨ, jare che ngaraa aepɨ chugüi reta.”

ZACARÍAS 11:6 ပူးပေါင်းရင်းမြစ်များ

SALMOS 50:22

“Peikuaa kavi kuae, pe reta peakañɨ Tumpa güi vae, agüɨye vaerä opa pombojaɨ jaɨ, javoi mbaetɨ kia pereepɨ vaerä;

ISAÍAS 27:11

Ɨvɨra jäka yɨpi yave opë, jökorai yave, kuña reta omonoota oapɨ vaerä. Jökorai ko kuae tëta mbaetɨ iyarakuaa. Jáeramo ko, Tumpa jae reta iYapoa, ngaraa oiparareko omae jese reta.

ISAÍAS 3:5

Jare teko mbaetɨta ikavi, metei ñavo oñemopüata jo iyɨpɨ pegua re. Taɨrusu vae reta oñemopüata ndechi reta re, jare paravete vae reta oñemopüata oikokatu vae reta re.

JEREMÍAS 13:14

Javoi ayokata tinaa rami, arokuata oyoe, tu reta taɨ reta ndive. Amokañɨteita, mbaetɨta aiparareko amae jese reta. Che ndeYa jae kuae.’ ”

LAMENTACIONES 2:21

Michia reta jare ndechi reta oyoa jëogüe ikatu rupi; kuñatai reta jare kunumi reta opa omano kɨsepuku pe. Opa reyuka reta ndearasɨ iara pe, reñaseokɨ̈tiuka, ¡neɨ̈rombae reve chupe reta!

LAMENTACIONES 5:8

Tembiokuairä yogüɨrekose vae, añave güɨnoi mbaepuere oreré; mbaetɨ kia orereepɨ vaerä chugüi reta.

EZEQUIEL 8:18

Ërei che ayapota vi mbae chupe reta chearasɨ reve. Mbaetɨta cheɨ̈ro chupe reta, ngaraa aiparareko reta. Yepe tëi täta osapúkai reve chereenɨi retata, ërei che ngaraa aendu chupe reta.”

EZEQUIEL 9:10

Jáeramo ngaraa cheɨ̈ro chupe reta, ngaraa aiparareko amae jese reta, aiporaraukata chupe reta, opaete jeko reta re.”

OSEAS 1:6

Gomer ipurúa ye, jare oa imembɨ kuña. Jare Tumpa jei Oseas pe: “Embojee Lo-ruhama, echa mbaetɨta ma aiparareko Israel pegua reta, opata amboai.

OSEAS 2:10

Iyaguasa reta jovake amonandita ¡Ngaraa kia oepɨ chegüi!

MIQUEAS 5:8

Körai eteita ko Jacob iñemuña reta jembɨregüe, ïru tëtaguasu reta rupi; yaguapope, mɨmba ñanaɨgua reta ipɨte rupi rami, yaguapope raɨ vecha reta ipɨte rupi rami; kuae oasa yave mɨmba reta ipɨte rupi, mbaetɨ ipuere ojoyepe chugüi vae.

MIQUEAS 6:14

Pekaruta, ërei ngaraa perɨ̈vɨata, pepɨatɨtɨ aveita peiko; peikota mboriau rupi, pemboatɨ tëita peyeupe, ërei ngaraa jembɨre peve jare pemoembɨregüe che ameeta perovaicho reta omboai vaerä pegüi.

HAGEO 2:22

opata arokomegua mburuvicha guasu reta iguapɨa mborookuaía pegua jare amboaita tëtaguasu rupi mburuvicha guasu reta imbaepuere; amboyaparata käretou reta pɨpe oguata vae reta ndive jare opata kavayu reta oyepɨaka opo jese vae reta ndive, metei vae ñavo omanota jëtara ikɨsepuku pe.

ZACARÍAS 11:14

Aakɨo ye ïru popoka “Maapɨtía” pe ambojee vae, jökorai amboai vaerä Judá jare Israel güi metei rami yogüɨreko vae.

ZACARÍAS 11:5

ogua vae reta oyuka oyemboekombae reve; jare omee vae reta jei: ‘¡Yasoropai cheYa, echa aikokatu ma!’ Iyangarekoa reta ave mbaetɨ mboroparareko güɨnoi jese.

ZACARÍAS 11:9

Jare jae chupe reta: “¡Mbaetɨta ma aiko peangarekoarä! ¡Omanota vae, tomano! ¡Okañɨta vae, tokañɨ! ¡Jembɨregüe, toyou!”

ZACARÍAS 14:13

Jókuae ara rupi, yandeYa ombouta kɨɨye yavaetegüe, metei ñavo okɨɨyeta oyougüi aeño jare opüata oyoe aeño.

ZACARÍAS 8:10

Echa kuae ara pe mbaetɨ vɨteri mbaerepɨ kuimbae reta peguarä, jare mɨmba reta peguarä ave mbaetɨ, mbaetɨ vi mbɨakatu mbae oyeapo vaerä japɨpe pe ani ikatu pe ave tovaicho reta jeko pegua; jare che aeya opaete kuimbae reta oyokotɨ.

MALAQUÍAS 4:6

Jae ombopɨakatu yoyavita oyokotɨ kuimbae reta ñavo taɨ reta ndive, echa mbaetɨ yave jökorai, che ayuta opaetei amboai kuae ɨvɨ.”

San Mateo 10:21

Jare metei kuimbae omeeta tɨvɨ oyeyukauka vaerä. Jaeramiño vi metei kuimbae omeeta taɨ oyeyukauka vaerä. Jare taɨ reta oyovaichota tu jare ichɨ ndive, jare oyukaukata.

San Mateo 22:7

Ërei mburuvicha guasu oikuaa yave kuae, iyarasɨ yae. Jáeramo omondo isundaro reta opa vaerä oyuka jókuae oporoyuka vae reta jare opa oapɨ jëta guasu.

San Mateo 24:10

Jare jeta vae oyerova yeta Tumpa güi, oñomee retata jare oñomotareɨta.

San Juan 19:15

Jayave jae reta osapúkai reve jei: —¡Tomano, tomano! ¡Eikutuuka kurusu re! Pilato oparandu chupe reta: —¿Aikutuukata pa peruvicha guasu kurusu re? Jayave sacerdote reta itenondegua reta jei: —Jaeño ko César oreruvicha guasu.

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.

Hebreos 2:3

jayave, ¿këraita pa yaasayepe, ñaröɨro yave yemboasa tuichagüe? Echa yandeYa räri imiari kuae yemboasa re, jare yaikuaa imiari yandeve oyeapɨsaka jese vae reta rupi.

Santiago 2:13

Echa kia mbaetɨ oiparareko japicha vae, Tumpa ojäata oipararekombae reve; ërei oporoparareko vae mbaetɨta oñejäa.