ZACARÍAS 11:5 - Biblia Guarani Tumpa Iñee

⁵ ogua vae reta oyuka oyemboekombae reve; jare omee vae reta jei: ‘¡Yasoropai cheYa, echa aikokatu ma!’ Iyangarekoa reta ave mbaetɨ mboroparareko güɨnoi jese.

ZACARÍAS 11:5 ပူးပေါင်းရင်းမြစ်များ

2 REYES 4:1

Metei kuña, ñeemombeúa jembirekogüe ojo iñeengeta Eliseo pe, jei reve: —Cheme omano, jare nde reikuaa jae oipoɨu yandeYa güi vae ko; jare ou orepía iya güɨraja vaerä chegüi mókoi reve chemembɨ reta tembiokuairä.

NEHEMÍAS 5:8

jae chupe reta: “Ore orepuere rupi ko roepɨ ñanerëtara judío reta, ïru tëta pe opa oñemee vae güi; jare añave pe reta pemee ye peï, ore jekuae roepɨ ye kuri vaerä.” Jare jae reta kïrii opɨta, mbaetɨ oikuaa mbae jei reta vaerä.

JEREMÍAS 2:3

Israel oñeñono tee kavi cheve yepi, jae ko mbaagüɨyerɨpɨ rami cheve yepi. Ikavimbae oyapo chupe vae reta pe che aiporarauka, susere reta ambou chupe reta; che ndeYa ko, jae kuae ndeve.”

JEREMÍAS 50:7

Jovaicho reta oväe yave oyuka jou, jare jei reta: ‘Mbaetɨ ko teko ñanoi, echa jae reta ko iyoa iYa kotɨ, ikapiirupa ikavigüe kotɨ, iñemuñagüe reta iyeroviaka.’

EZEQUIEL 34:10

YandeYa Tumpa jei körai: ¡Chemboarasɨ vecha iyangarekoa reta! Amboetata chupe reta chevecha reta re, apɨ̈rota chugüi reta kuae mbaravɨkɨ, ngaraa ye ma iyé aeño oyangareko reta, echa apɨ̈rota chevecha reta chugüi, ngaraa ma güɨreko reta jembiurä.’

EZEQUIEL 34:21

Echa pemoaña jare peikutu vecha ipɨtu vae reta, jökorai pembotekuarai reta jare opa pemoai moai.

EZEQUIEL 34:6

Opa jopa reta, oguata reta opaete ɨvɨtɨ reta ɨvate vae rupi; chevecha reta opa oñemoai opaete ɨvɨ rupi, jare mbaetɨ kia ojo oeka reta, ani oparandu yepe jese reta.

OSEAS 12:8

Efraín jei: ‘¡Añete, ayemboikokatu yae, aväe mbaeyekou cheyeupeguarä; ngaraa kia ipuere chemboeko jupimbae rupi kuae mbaravɨkɨ ayapo vae re!’

OSEAS 12:9

Ërei che ko jae peYa Tumpa, Egipto pe peiko yave güive, amee peiko vaerä o guakapi pegua rupi, ñuu rupi peikose yave rami, ara reta arete pegua pe.

AMÓS 2:6

YandeYa jei körai: “Israel iñemuña reta iyoa yae jeko pegua, mbaetɨta cheɨ̈ro chupe reta; echa jupi vae omee reta korepoti re, jare paravete vae omee reta pɨapaa re.

San Mateo 23:13

¡Paravete pe jova mókoi vae reta! Mborookuai re oporomboe vae reta jare fariseo reta. Echa pe reta peyopia ïru vae reta güi araɨgua mborookuaía. Pe reta ave peikeä. Jare ïru vae reta ikɨ̈reɨ tëi oike vae pemaeñoä oike.

San Juan 10:1

Jesús jei: “Añetete che jae peve, mbaetɨ oike vecharókai jöke rupi vae, ërei ïkotɨa rupii oike vae, imonda vae ko.

San Juan 16:2

Judío reta pemombota itupao reta güi. Jare oväeta ara, jókuae peyuka vae reta güɨroviata Tumpa pe ko oyeokuai.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.

Apocalipsis 18:13

ngaraa ma kia ogua canela, mbae ikäti kavi vae, ikäti kavi vae incienso, mirra, ikäti kavi vae, vino, asaite, trigokúi ipɨuasɨ vae, trigo, mburika reta, vecha reta, kavayu reta, käretou reta, tembipɨɨ reta, kuimbae reta jekove.

Apocalipsis 3:17

Echa nde rere: Aikokatu ko, jeta mbaembae anoi, mbaetɨ etei mbae oata yandeve. Ërei mbaetɨ reikuaa, ndepɨatɨtɨ yae, ndeporiau, ndeparavete, nderesambae jare nenandi.