ZACARÍAS 11:3 - Biblia Guarani Tumpa Iñee

³ Maangarekoa reta, peräse peyaeo, echa oasa ete ikavi kapii vae oyemboai. Oyeendu yaguapope ndeigüe iñee, echa Jordán pegua kaa tëɨ yae vae oyemboai.

ZACARÍAS 11:3 ပူးပေါင်းရင်းမြစ်များ

SALMOS 22:21

Chereroasayepe yaguapope iyuru güi, ¡jare chereepɨ toro pochɨ vae reta güi!

ISAÍAS 5:29

yaguapope oñee rami, osapúkai retata, yaguapope raɨ oñee rami, ombokɨrɨrɨuta jäi oipɨɨ jembia vae rami, güɨraja jare mbaetɨta kia ipuere opɨ̈ro chugüi rami.

ISAÍAS 65:15

Peeyata peree cherembiparavo reta oyepopeyu pɨpe vaerä. Jökoraita che peYa poyukauka, ërei cherembiokuai reta ambojee pɨauta, ïru tee pe.

JEREMÍAS 2:15

¿Maera pa oporepeña jese vae reta, yaguapope reta jäse jäse oporepeña vae rami? Iɨvɨ opa omboai reta chugüi, jare jëta guasu reta opa oapɨ; jare mbaetɨ etei kia oiko pɨpe.

JEREMÍAS 2:30

Ainupaiño ma peraɨ reta, mbaetɨ etei oipota reta oikuaa maera ko oñenupa vae. Yaguapope pochɨ yae vae rami, peyuka ñeemombeúa reta kɨsepuku pe.

JEREMÍAS 26:6

che ayapota kuae tupao ndive, Silo ayapo rami. Jare kuae tëta guasu añonota yepopeyu pe, opaete tëtaguasu reta ɨvɨ pegua reta jóvai.’ ”

JEREMÍAS 49:19

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Edom pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

JEREMÍAS 50:44

Mase, ayuta metei yaguapope Jordán pegua kaa tëɨ yae vae güi oë ojo kapii jokɨ katu vae pe rami, joko güi ambotekuaraita Babilonia pegua reta, jare ameeta oporookuai che aiparavo vae. Echa ¿kia pa chemboyovake? ¿Kia pa oyemboɨta cheve? ¿Kia nunga vecha iyangarekoa pa ipuereta cheré?

JEREMÍAS 7:4

Agüɨye perovia jókuae oporombotavɨ vae reta re. ¡YandeYa itupao ko kuae, ngaraa maratu yaasa!, jei vae reta re.

EZEQUIEL 19:2

‘Ndesɨ yaguapope kuña, oikose yaguapope reta ndive. Oyapo ikuarä jae reta ndive, jare joko pe ombokuakuaa imembɨ reta.

OSEAS 10:5

Guaka taɨrusu vae iä Bet-avén pegua oyemboai jeko pegua okɨɨyeta Samaria pegua reta. Jae reta jare isacerdote reta jäse retata toro taɨrusu vae iä oyemboai vae re, echa iyemboetea oyekou jese vae opata okañɨtei.

JOEL 1:13

Sacerdote reta, peyemonde temimonde mbɨatɨtɨ pegua pe, peyaeo, tupao pe peyeokuai vae reta; Tumpa jembiokuai reta, agüɨye pemboi temimonde mbɨatɨtɨ pegua, echa tupao pe mbaetɨ ma temitɨ jäɨgüe jare mbota vino oyepɨyere vae, Tumpa pe mbota oñemee vaerä.

AMÓS 8:8

Jáeramo, ¿mbaetɨta pa ɨvɨ okana? ¿Ɨvɨ ipo reta mbaetɨta pa oyaeo jókuae jeko pegua? ¡Tuichata ɨ ɨ̈aka pe rami, jare jagüeta ɨ̈aka Egipto pegua rami!

SOFONÍAS 1:10

YandeYa jei: “Jókuae ara oyeenduta täsémbai, öke Pira röke jee vae güive. Jare vi tëta jembeɨ ïru kotɨ jare oyeenduta kërai jɨapu osururu ɨvɨtɨ vae.

SOFONÍAS 3:11

Jókuae ara ngaraa ma nemara pɨapochɨ rupi mbaembae reyapose chekotɨ vae güi. Echa jókuae ara opata aekɨ ndegüi ipɨapochɨ vae reta jare ipɨayemboete vae reta. Ngaraa ye ma ipɨayemboete reta cheɨvɨtɨ oñeñono tee vae re.

SOFONÍAS 3:3

Juvicha reta yaguapope oñee vae rami, oporojäa vae reta, aguarayaɨmba ñuu rupigua rami, mbaetɨ omoembɨre maekägüe pɨareve peguarä vae rami.

ZACARÍAS 11:2

¡Ɨvɨra pino jee vae, peyaeo, echa ɨ̈vɨrare ikavi yae vae oyemboai ma! ¡Ɨvɨra reta encina jee vae Basán pegua, peräse peyaeo, echa kaa tëɨ yae vae oyemboai!

ZACARÍAS 11:8

Jare metei yasɨ pe mboapɨ maangarekoa amboai, echa mbaetɨ ma chepɨaguasu ikotɨ reta, chereröɨro reta jeko pegua.

San Mateo 15:14

Pemaeño jese reta. Echa jae reta jesambae vae oipoko ïru jesambae vae rami ko. Jare jesambae vae päve oyopoko yave, mókoi reve oa retata ɨvɨkua pe.

Hechos 7:52

Peñemuñagüe reta oyapo ikavimbae opaete ñeemombeúa reta pe. Peñemuñagüe reta oyuka ñeemombeúa reta omoërakua Jupi vae outa vae regua vae. Jaeramoño vi añave pe reta pemee jare peyukauka jókuae jupi vae.