ZACARÍAS 11:16 - Biblia Guarani Tumpa Iñee

¹⁶ Echa che amopüa kuae ɨvɨ pe metei omaangareko vae mbaetɨta oeka okañɨgüe, mbaetɨta vi oeka ndeigüe ani oipoano ipere vae, ikangɨgüe ave mbaetɨta ovoɨ güɨraja, jaeño jouta ikɨra vae isoo jare ipɨ̈sagüe ave mbaetɨta oeya.

ZACARÍAS 11:16 ပူးပေါင်းရင်းမြစ်များ

GÉNESIS 31:38

Veinte año rupi aparavɨkɨ ramboeve ndeve; ndevecha jare ndekavara mbaetɨ etei imembɨ okua, vecha kuimbaegüe ave che mbaetɨ jau.

GÉNESIS 33:13

Jare Jacob jei: —Cheya reecha ko michia reta ndei yae, jare anoi vecha imembɨ oa ramo vae reta; ambokangɨ yae yave opata ko omano metei ara pe.

ISAÍAS 40:11

Ou vecha iyangarekoa oyangareko ivecha re rami, ovoɨ vecha kuimbae taɨrusu vae reta, oiküava güɨraja ipɨtía re, jare oyangareko kavi imembɨmii vae reta re.

JEREMÍAS 23:2

Jáeramo körai jei yandeYa Israel iTumpa, cherëta re oyangareko vae reta pe: “Pe reta opa pemoai moai jare peiämondo chevecha reta jare mbaetɨ peyangareko jese. Mase, añave aiporaraukata peve perembiapo kavimbae re. Che ndeYa ko jae kuae.

JEREMÍAS 23:22

Oikuaa reta yave mona cheyemongeta reta oyekuaambae vae, oikuaaukata tëi ko cheñee chembae vae reta pe; omombiata tëi ko jeko ikavimbae güi, jare jembiapo reta ikavimbae güi.”

EZEQUIEL 34:10

YandeYa Tumpa jei körai: ¡Chemboarasɨ vecha iyangarekoa reta! Amboetata chupe reta chevecha reta re, apɨ̈rota chugüi reta kuae mbaravɨkɨ, ngaraa ye ma iyé aeño oyangareko reta, echa apɨ̈rota chevecha reta chugüi, ngaraa ma güɨreko reta jembiurä.’

EZEQUIEL 34:16

Che aekata chevecha okañɨgüe jare jopagüe aru yeta jókai pe, ipɨ opë vae güi ayokuata, ipɨtu vae amborɨta; ërei ikɨra vae jare oikove katu vae ayukata. Ayangareko kavita jupi rupi jese reta.

EZEQUIEL 34:21

Echa pemoaña jare peikutu vecha ipɨtu vae reta, jökorai pembotekuarai reta jare opa pemoai moai.

DANIEL 11:36

Mburuvicha guasu ɨvɨtuguasu kotɨ oyapota opaete jae jeigüe. Oyererovia katuta imbaepuere yae ete ko opaete tumpa reta güi vae, jare jeita ikavimbae yae vae Tumpa kotɨ; opaete oë kavita chupe, Tumpa oiporarauka chupe regua, echa Tumpa jei oyapota vae, oyapota ko.

San Juan 10:1

Jesús jei: “Añetete che jae peve, mbaetɨ oike vecharókai jöke rupi vae, ërei ïkotɨa rupii oike vae, imonda vae ko.