ZACARÍAS 10:8 - Biblia Guarani Tumpa Iñee

⁸ Chetɨvɨñee pe aenɨita, jare amboatɨ retata, echa che ayora retata. Oñemuña retata jeta tenonde yave rami.

ZACARÍAS 10:8 ပူးပေါင်းရင်းမြစ်များ

1 REYES 4:20

Ɨvɨ Judá jare ɨvɨ Israel pegua reta jeta yae ko, ɨguasu jembeɨ pe jeta ɨvɨkuitï oï rami. Mbaetɨ oata tembíu jare iɨguarä, oyerovia katu yogüɨreko.

ÉXODO 1:7

Jare Israel taɨ reta jeta yae oñemuña, jeiete okuakuaa reta jare imbaepuere yae reta, jökorai jae reta omotɨnɨe jókuae ɨvɨ.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

ISAÍAS 48:20

Peë Babilonia güi, petekuarai Caldeaɨgua reta ipɨte güi. Pesapúkai pemoërakua kuae, peyerovia reve, pemoërakua ɨvɨ iyapɨ rupi ave. Pere: ‘¡YandeYa oyora jembiokuai Jacob iñemuña reta!’ ”

ISAÍAS 5:26

YandeYa omopüata metei bandera, jare oenɨita itɨvɨñee pe metei tëta matɨ oï vae; jare outa oväe jarembae pegua voi;

ISAÍAS 51:11

Añetete, yandeYa oyoragüe reta oyerova yeta, otairari reve oyerova reta yeta Sión kotɨ; jova, oyerovia katu avei retata; ovɨa jare oyerovia katu retata, mbaeporara jare yaeo opata okañɨ.

ISAÍAS 7:18

Jókuae ara rupi yandeYa güeruta mberu rami mombɨrɨ Egipto iɨ̈aka rupi yogüɨreko vae reta, jare güeruta kävee rami Asiriaɨgua reta.

ISAÍAS 7:19

Jare yogüeru retata oñeñono jugua ñavo rupi, itakua reta rupi, opaete ñana pɨte yuu katuai vae rupi, jare opaete kaa rupi.

JEREMÍAS 33:22

Jare cherembiokuai David iñemuña reta jare oyeokuai cheve vae levita reta ambojetata, ara re yasɨtata rami jare ɨvɨkuitï ɨguasu jembeɨ rupigua mbaetɨ ipuere opa oyepapa rami.”

OSEAS 1:10

Jeseve, Israel iñemuña reta jeta yaeta, ɨguasu jembeɨ pe ɨvɨkuitï oï rami, mbaetɨta ipuere oñejäa ani oyepapa. Jare “tëta chembaeä ko pe reta”, jei chupea pe jeita chupe: “Tumpa oikove vae taɨ ko pe reta.”

MIQUEAS 2:12

Añetete, che amboatɨ yeta opaete Jacob iñemuña reta; aruruka yeta ko opaete Israel iñemuña reta jembɨregüe. Amboatɨta Bosra pegua vecha reta rami, mɨmba reta jókai pe ñogüɨnoi rami, kuimbae reta jeta yeyé jeko pegua jɨaputa oyeendu.

ZACARÍAS 9:11

YandeYa jei körai: “Nde Jerusalén tugüɨ morogüɨrökuavee päve pegua pe reyemboasaukata, che ko anoeta tembipɨɨ reta ɨrɨru güi.

San Mateo 11:28

Opaete peyemoambeko jare pepɨatɨtɨ peiko vae reta, peyu chekotɨ. Jare che pomombutuuta.

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.

Apocalipsis 7:9

Kuae jaɨkue rupi amae jare aecha jeta yeyé vae opaete tëtaguasu reta güi, ñemuña reta, ñee ambuae mbuae, tëta reta yaipapa rapeä vae oyemboɨ ñogüɨnoi jókuae mburuvicha iguapɨa jare Vecha kuimbae taɨrusu vae jóvai. Jae reta jemimonde tïi jare ipo pe güɨnoi karandaɨ jogüe.