ZACARÍAS 10:6 - Biblia Guarani Tumpa Iñee

⁶ YandeYa jei: “Che amomɨ̈ratata Judá iñemuña reta, José iñemuña reta ayorata jare amboyerova yeta. Echa aɨu yae reta, jare ñogüɨnoita mbaetɨ etei aröɨro rami. Echa che ko jae iYa Tumpa, aenduta iyerure reta.

ZACARÍAS 10:6 ပူးပေါင်းရင်းမြစ်များ

SALMOS 89:21

Cheporomborɨ oiko aveita jae ndive. Cheyɨva pe amomɨ̈ratata,

ISAÍAS 11:12

Omopüata bandera opaete tëtaguasu reta peguarä, omboatɨta peɨvɨ Israel güi oyemombogüe reta, omboatɨta Judá pegua reta opa oñemoai ñogüɨnoi mombɨrɨ ara igüɨ kotɨ rupi vae.

ISAÍAS 14:1

YandeYa oipararekota Jacob iñemuña reta. Jekuae oyapo yeta imbaerä Israel iñemuña reta, güeru yeta oñono reta vaerä iɨvɨ ae pe. Ketɨgua reta oyemboyata jese reta, oñemoïruta Jacob iñemuña reta ndive.

ISAÍAS 41:10

Agüɨye ekɨɨye, che ko aï nde ndive; agüɨye ndepɨtu, che ko neTumpa romomɨ̈rata vae, romborɨ aveita, chembaepuere pe roñovatu aveita.

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

ISAÍAS 54:8

Chearasɨ rai jeko pegua, ayerovata ndegüi michi pegua, ërei mboroparareko jekuae avei vae rupi ropararekota.” Che ndeYa, ndeReepɨ vae, jae.

JEREMÍAS 23:6

Jae oï ma yave Judá oyeyorata, jare Israel oiko pɨagüiveta. Jae kuae oikota jeerä, pɨpe ombojee retata: ‘YandeYa ko jae jupi vae yandeveguarä vae.’ ”

JEREMÍAS 3:18

Jókuae ara oväe ma yave, Judá oñemometeita Israel ndive, jare oyerova päveta ɨvɨtuguasu kotɨgua tëtaguasu kotɨ güi, che ɨvɨ amee iñemuñagüe reta pe vae pe.

JEREMÍAS 30:18

YandeYa jei: “Aru yeta tembipɨɨ güi Jacob iñemuña reta, aiparareko yeta iɨvɨ; omopüa pɨau yeta tëta guasu oyemboaigüe, jare mburuvicha guasu jo, jendagüe pe.

JEREMÍAS 30:20

Israel iñemuña reta tenonde yave ramita, jare chemboete reta yeta metei rami; che aiporaraukata, opaete oiporarauka chupe vae reta pe.

JEREMÍAS 31:1

YandeYa jei: “Jókuae ara rupi che aikota opaete ñemuña reta Israel pegua iTumparä, jare jae reta yogüɨrekota chembaerä.”

JEREMÍAS 31:20

Tëta Efraín, jae ko cheraɨ aaɨu yae vae, jae ko cheraɨ chepɨa oyerovia yae jese vae. Añeengata chupe tëi reve, mbaetɨi cheakañɨ chugüi; chepɨa pe chemaendúa avei jese jare aiparareko yae. Che ndeYa ko jae kuae.

JEREMÍAS 31:31

YandeYa jei: “Mase, oväeta ara ayapo vaerä morogüɨrökuavee päve ipɨau vae Israel pegua reta jare Judá pegua reta ndive.

EZEQUIEL 36:11

Amoñemuñata jeta kuimbae reta jare mɨmba reta peré; oyembojeta yaeta; jeta yaeta kuae pe vae tenonde yave rupi rami, jare peiko kavi yaeta tenonde rupi vae güi. Jayave oikuaa retata che ko jae Tumpa vae.

EZEQUIEL 36:37

Che peYa Tumpa jae körai: Israel iñemuña reta oiporu cheve vae ayapota; amoñemuña retata jeta, vecha reta jeta oñemuña rami.

EZEQUIEL 37:16

“Nde kuimbae, eipɨɨ metei ɨvɨra jare eikuatía jese: ‘Judá pegua reta peguarä.’ Jaɨkue rupi eipɨɨ ïru ɨvɨra jare eikuatía jese: ‘Israel pegua reta peguarä.’

EZEQUIEL 39:25

Jáeramo che peYa Tumpa jae körai: Añave ayuta amborɨ Jacob iñemuña reta tembipɨɨrä ñogüɨnoi vae, aipararekota opaete Israel iñemuña reta, cherägüɨro reve aechaukata cheree ikɨambae vae.

OSEAS 1:11

Jayave oyomboatɨta Judá jare Israel pegua reta, jare oiparavo retata meteiño mburuvicha, jare ketɨ ketɨ güi oyerova reta yeta iɨvɨ pe. ¡Echa Jezreel iara ikavi yaeta ko!

OSEAS 1:7

Ërei Judá pegua reta re anoita mboroparareko, jare che peYa Tumpa aepɨta; mbaetɨta aepɨ güɨrapa rupi, ani kɨsepuku rupi, ani ñeraro rupi, ani sundaro kavayu regua reta rupi.”

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

OSEAS 2:23

Añonota cheyeupe chembae reta jókuae ɨvɨ pe chembaeräño; anoita mboroparareko Lo-ruhama re; jaeta Lo-ammi pe: ‘Nde ko jae tëta chembae’, jare jae jeita: ‘¡CheTumpa ko nde!’ ”

ABDÍAS 1:18

Jacob iñemuña reta yogüɨrekota tata rami, José iñemuña reta yogüɨrekota tataendɨ rami. Ërei Esaú iñemuña reta yogüɨrekota mbae javiyugüe rami, jókuae tata omoendɨta opaetei omboai regua. ¡Mbaetɨta metei ave Esaú iñemuña reta oasayepe vae! Echa che peYa ko, jökorai jae.”

MIQUEAS 4:13

¡Tëta guasu Sión, epüa jare embaembopiriri!, echa Tumpa jei: “Roapota toro ipɨ̈rata yae vae rami, toro jäti jiero rami jare ipɨ̈sa jiero iyu vae rami; remoamɨri vaerä jetagüe tëta guasu reta, jare reñono teeta cheve, jae reta opɨ̈rogüe, imbaeyekou reta reñono teeta opaete ɨvɨ iYa pe.”

MIQUEAS 4:6

YandeYa jei: “Jókuae ara rupi, amboatɨ yeta chevecha iköchogüe, jopagüe jare aiporarauka chupe vae;

MIQUEAS 5:3

Ërei oeyañota räri imbae vae reta, jókuae imembɨ oata oï vae oa regua; jayave ïru jëtara reta yogüeru yeta oyea Israel iñemuña reta ndive.

MIQUEAS 5:8

Körai eteita ko Jacob iñemuña reta jembɨregüe, ïru tëtaguasu reta rupi; yaguapope, mɨmba ñanaɨgua reta ipɨte rupi rami, yaguapope raɨ vecha reta ipɨte rupi rami; kuae oasa yave mɨmba reta ipɨte rupi, mbaetɨ ipuere ojoyepe chugüi vae.

MIQUEAS 7:16

¡Toecha ïru tëtaguasu reta, jare timara reta imbaepuere yae tëi reve! ¡Topɨta reta iñeembae jare iyapɨsambae rami!

ZACARÍAS 1:16

Jáeramo, che ayerova Jerusalén kotɨ cheporoparareko ndive, joko pe chero amopüa pɨau yeta jare Jerusalén, jei yandeYa Imbaepuere yae ete vae.’ ”

ZACARÍAS 10:12

Che ameeta chupe reta mɨ̈rata, jare cheree re oguata retata. Che peYa jae kuae.”

ZACARÍAS 13:9

Jare jókuae jembɨregüe amoingeta tata pe, jare amondɨkuita, korepoti oyemondɨkui rami, jare ambokavita, oro oyembokavi rami. Jayave jae chereenɨita, jare che aenduta chupe, jare jaeta: ‘Tëta chembae’, jare jae jeita: ‘YandeYa ko jae cheTumpa.’ ”

ZACARÍAS 8:11

Ërei ngatu añave ngaraa ayapo kuae tëta güi jembɨregüe reta ndive tenonde rupi oasagüe rami; jei yandeYa Imbaepuere yae ete vae.

ZACARÍAS 9:16

Jókuae ara yandeYa Tumpa güɨroasayepeta imbae vae, mɨmba iyangarekoa jɨmba güɨroasayepe rami. Jare ita jembipe vae äka-regua rami jembipeta iɨvɨ pe.