ZACARÍAS 10:4 - Biblia Guarani Tumpa Iñee

⁴ Chugüi oëta ita o iguapɨka, etaka o guakapi pegua oñeapɨti jese vae jare güɨrapa ñeraro pegua, jare opaete mburuvicha.

ZACARÍAS 10:4 ပူးပေါင်းရင်းမြစ်များ

GÉNESIS 49:24

Ërei ngatu igüɨrapa omopɨ̈rata yae, iyɨva omomɨ̈rata yae. ¡Yasoropai Imbaepuere yae ete vae pe, Jacob iTumpa pe! ¡Yasoropai Oporoangareko vae pe, Israel iñepɨ̈roa pe!

ESDRAS 9:8

Jare añave michi pegua nde oreYa Tumpa remboyekuaa ndeporoparareko royeyora vaerä mbovɨ ropɨtagüe pe, remee vaerä oreve jókuae ɨvɨ nde rerökuavee oreve vae, remee ye roï kavi pɨau ye vaerä royeokuai pɨte pe.

SALMOS 118:22

O iyapoa reta güɨröɨro ita vae, ou opɨta o ekina iguapɨkarä.

ISAÍAS 19:13

Mbaetɨ iyarakuaa Zoán pegua mburuvicha reta, opa itavɨ Menfis pegua mburuvicha reta; jae reta güɨraja jëtaguasu Egipto tape jupimbae vae rupi.

ISAÍAS 28:16

Jáeramo yandeYa jei: “Mase, ko añonota Sión pe metei ita, ita oyeparavogüe, ikavi yae vae, o ekina iguapɨka, o iguapɨka okúembae, jese güɨrovia vae toiko pɨagüive.

ISAÍAS 49:2

Kɨsepuku jaimbe vae rami oyapo chekü, chemoia ipo igüɨ pe, cheapo uvɨ jakuaroviasɨ vae rami jare cheñono iuvɨrɨru pe.

ISAÍAS 54:16

Che ko ayapo jiero pegua mbaravɨkɨ pe oparavɨkɨ vae, jókuae oipeyu tata vae, jókuae oyapo oipotagüe tembiporu iyeupe vae. Che ko ayapo oporomboai vae, oporomboai vaerä.

JEREMÍAS 1:18

Che roñono añave, tëta guasu oñekëse kavi yae vae rami, okɨta jiero pegua rami, okɨta jiero iyu vae pegua rami, opaete kuae ɨvɨ Judá pegua reta kotɨ: Juvicha guasu reta kotɨ, itenondegua reta kotɨ, isacerdote reta kotɨ, jare opaete vae reta kotɨ.

JEREMÍAS 51:20

“¡Babilonia, nde ko jae chemartillo rami, cherembiporu ñeraro pegua rami! nde rupi amboai tëtaguasu reta, nde rupi amboai mborookuaía reta.

ZACARÍAS 9:10

Jae amboaita Efraín ikäretou reta, jare kavayu reta Jerusalén pegua, jare güɨrapa reta ñeraro pegua opata omopë; jare imiarita mbɨakatu re opaete tëtaguasu reta pe, jare opaete oyeokuaita chupe, ɨguasu jembeɨ güive ïru ɨguasu jembeɨ kotɨ, jare ɨ̈aka Éufrates güive ojoita ɨvɨ iyapɨ re oya.

ZACARÍAS 9:8

Jare che aïndaivita aepɨ vaerä chembae oipotagüe oasa koropi vae. Jasɨ katu oporogüɨreko vae ngaraa ma oporogüɨrekoasɨ katu, echa añave che ayangarekota jese.”

NÚMEROS 24:17

Aechata, ërei mbaetɨ añave; amaeta jese, ërei mbaetɨ köi güi: Jacob iñemuña güi oëta metei Yasɨtata, Israel iñemuña reta güi opüata metei Mburuvicha guasu, jae ombopereta Moab iñäka, jare opata omboai Set iñemuña reta.

San Mateo 9:38

Jáeramo pe reta, pemoñera yandeYa, omondo vaerä oparavɨkɨ vae reta ombaarɨvo vaerä.

San Lucas 20:17

Jayave Jesús omae ngatu jese reta jare jei: —¿Mbae pa oipota jei Tumpa Iñee pe oyekuatía oï vae: “O iyapoa reta güɨröɨro ita vae, ou opɨta o ekina iguapɨkarä”?

Efesios 2:20

pe reta ko o oñemopüa vae rami, jókuae temimondo reta jare ñeemombeúa reta ko ita o oñemopüa jese vae rami. Ërei Jesucristo etei ko jae ita o ekina iguapɨka.

2 Timoteo 2:4

Metei sundaro ojo oñeraro vaerä vae mbaetɨ ko oyemoinge ïru mbaembae pe, omboyerovia vaerä oiparavo sundarorä vae.

1 Pedro 2:6

Echa Tumpa Iñee jei vi: “Mase, ko añonota Sión pe metei ita, o ekina iguapɨka okúembae, ita oyeparavogüe, ikavi yae vae, jese güɨrovia vae ngaraa oñemomaraiuka.”

Apocalipsis 17:14

Kuae reta oñerarota Vecha kuimbae taɨrusu vae ndive; ërei Vecha kuimbae taɨrusu vae omoamɨri retata. Echa Vecha kuimbae taɨrusu vae jae ko Imbaepuere yae ete mbaepuere güɨnoi vae reta güi vae jare mburuvicha guasu reta Juvicha guasu, jare jae ndive ñogüɨnoi vae, oñeenɨi vae reta, oyeparavogüe jare jupi vae reta.”

1 SAMUEL 14:38

Jáeramo Saúl jei: —Toya katu cheré opaete sundaro ruvicha reta, toyekuaa kia ra iyoa kuae ara.