ZACARÍAS 10:11 - Biblia Guarani Tumpa Iñee

¹¹ Oasa retata ɨguasu Egipto pegua, ɨaparúa amokïriita. Ɨ̈aka Nilo tɨpɨ yae vae amotinita, jare Asiria ipɨa pochɨ amboaita. Egipto imbaepuere amokañɨteita.

ZACARÍAS 10:11 ပူးပေါင်းရင်းမြစ်များ

GÉNESIS 8:1

Jare Tumpa imaendúa Noé re, jare opaete mbaemɨmba reta jae ndive ñogüɨnoi arca pe vae re. Jare Tumpa ombou ɨvɨtu ɨvɨ iárambo, jare ɨ omboɨpɨ jagüe.

2 REYES 2:14

Jare oipɨɨ jókuae temimonde iarambogua oiporu ɨ re, jare jei: “¿Ketɨ pa aipo reï cheYa, Elías iTumpa?” Jökorai oiporu jese rupive, ɨ oyemboyao oyougüi, jare Eliseo oasa jokoropi.

2 REYES 2:8

Jayave Elías oipɨɨ jemimonde iarambogua, omboyeapa jare oiporu ɨ re, jare ɨ oyemboyao oyougüi, jare oasa päve reta otinía rupi.

ESDRAS 6:22

Jare oyapo reta yerovia katu ndive arete mbaemboete pegua mbɨyape oyembovumbae pegua chiu ara, yandeYa omee ye oyerovia reta vaerä jeko pegua, jare oipoepɨ mburuvicha guasu Asiria pegua ipɨa ikotɨ reta, omomɨ̈rata vaerä omopüa Tumpa jo, Israel iTumpa.

SALMOS 114:3

Ɨguasu oecha yave Israel iñemuña reta, otekuarai ɨguasu, jare ɨ̈aka Jordán, oñemoata jaɨkue kotɨ.

SALMOS 114:5

¿Maratu pa ɨguasu, maera pa retekuarai? ¿Maratu pa ɨ̈aka Jordán, maera pa reñemoata nderaɨkue kotɨ?

ISAÍAS 14:25

Asiriaɨgua reta opata amboai cheɨvɨ pe, cheɨvɨtɨ re opata apɨ̈ro jese reta, mbaetɨta ma güɨnoi reta mbaepuere tëta chembae vae re, mbaetɨta ma oiporarauka chupe reta.

ISAÍAS 19:16

Jókuae ara Egiptoɨgua reta, kuña reta ramiñota, okɨɨye retata oecha yave yandeYa Imbaepuere yae ete vae omopüa ipo ikotɨ reta.

ISAÍAS 43:2

Ɨ reta reasa yave, che aïta nde ndive, ɨ̈aka reta reasa yave, ngaraa ɨ ndereraja; tata reasa yave, ngaraa rékai, ngaraa ave nderendɨ.

ISAÍAS 44:27

Che chepuere opa omondɨpa ɨguasu jare ɨ̈aka reta.

ISAÍAS 51:10

opa ko remondɨpa ɨguasu, ɨguasu rupi reyapo tape, reyoragüe reta oasa vaerä jokoropi.

ISAÍAS 51:9

Epüa, epüa cheYa, eyemonde mbaepuere pe; epüa, arakae tenonde rupi repüa rami, arakae reyapo rami. Nde ko opa rembojaɨ jaɨ Rahab, mbaeporou ɨguasu rupigua;

EZEQUIEL 30:13

Che peYa Tumpa jae körai: Amboaita mbae iägüe reta oyemboete vae, amboaita Menfis pegua tumpa-raanga reta, mbaetɨ yeta ma mburuvicha Egipto pe, kɨɨye amotɨnɨeta jókuae ɨvɨ pe.

SOFONÍAS 2:13

Jae omopüata ipo ɨvɨtuguasu kotɨ omboai vaerä Asiria, tëta Nínive oeyata kïrii ngatu, ñuu rami otinita opɨta.

Apocalipsis 16:12

Jare araɨgua ovaa opɨyere kopa güɨnoi vae ɨ̈aka guasu Éufrates re. Jare tɨpa, oñemokätɨro mburuvicha guasu reta kuaraɨ oëa kotɨgua oasa vaerä.