ZACARÍAS 1:8 - Biblia Guarani Tumpa Iñee

⁸ Metei pɨ̈tu aecha, metei kuimbae kavayu pɨ̈ta vae re opo oï ñana pɨte pe ɨvɨtɨ päu ipea pe; jare jaɨkue kotɨ ñogüɨnoi kavayu pɨ̈ta vae reta, ipara jare tïi vae reta.

ZACARÍAS 1:8 ပူးပေါင်းရင်းမြစ်များ

GÉNESIS 20:3

ërei ngatu Tumpa ou Abimelec pe ike pe pɨ̈tu yave, jare jei chupe: “Mase, remanota ko, kuña reruruka vae jeko pegua, echa omenda vae ko.”

GÉNESIS 46:2

Jare jókuae pɨ̈tu oyekuaa Tumpa jare imiari Israel pe ipaɨu rupi jare jei chupe: —Jacob, Jacob. Jare jae jei: —Ko aï.

1 REYES 3:5

Jare metei pɨ̈tu Salomón ipaɨu pe yandeYa oyekuaa chupe Gabaón pe, jei chupe: “Eiporu cheve nde reipota vae, tamee ndeve.”

NEHEMÍAS 8:15

jare oikuaauka reta vaerä omoërakuauka reta opaete tëta ñavo rupi, jare Jerusalén pe, jei reve: “Peë kaa kotɨ, jare peru ɨvɨra olivo jäkagüe, ɨvɨra Arrayán jee vae jäkagüe, karandaɨ jare oipotagüe ɨvɨra iküaraɨa kavi vae jäkagüe, peyapo vaerä o ñairaka pegua; mborookuai pe oyekuatía oï rami.”

JOB 4:13

Pɨare yave kuimbae reta jopeɨ yae ma yave, chepaɨu chembokepegua.

CANTARES 2:16

Chembae ko jókuae aaɨu vae, jare che ko imbae. Jae omongaru jɨmba reta tüpa-ɨpɨ pɨte rupi.

CANTARES 6:2

Aaɨu vae ojo iko raɨ pe, temitɨ ikäti kavi jenda pe. Güɨraja omongaru jɨmba, jare oyasɨa vaerä tüpa-ɨpɨ ipotɨ reta.

ISAÍAS 41:19

Ñuu rupi ambokuakuaata jeta ɨ̈vɨrare, ɨvɨra reta acacia, arrayán jare olivo jee vae; ɨvɨ otini yaea rupi ambokuakuaata jeta ciprés, ɨvɨra reta pino jare bojes jee vae,

ISAÍAS 55:13

Ñurati jekovia pe oñemuñata ɨvɨra ciprés jee vae, jare ïru ñana yuu reve vae reta jekovia pe okuakuaata ɨvɨra mí arrayán jee vae; kuaekuae reta re yandeYa jee oyemboeteukata, jare opɨta retata kañɨmaa opambae vaerä, ngaraa ye ma oyemboai.”

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

DANIEL 2:19

Jókuae pɨ̈tu Tumpa oechauka Daniel pe jókuae yaikuaambae vae, jese Daniel omboete Tumpa ara pe oï vae

DANIEL 7:13

Oimeño amae aï ramboeve: Aecha ou amapɨtu re metei kuimbaeecha vae, kuae ojo jókuae Ndechi Tenondegua ete oïa pe; jare omboyauka reta jese.

DANIEL 7:2

Jei körai: “Che aecha chepaɨu pe irundɨ ɨvɨtu yavaetegüe oyepeyu vae omomembe ɨguasu.

ZACARÍAS 1:10

Jare jókuae kuimbae ñana pɨte pe oï vae jei: “Kuae reta ko jae yandeYa ombou oguata vaerä opaete ɨvɨ rupi.”

ZACARÍAS 1:11

Jare jae reta imiari yandeYa iaraɨgua ñana pɨte pe oï vae pe, jei reta: “Rojo ma opaete ɨvɨ rupi, jare roväe kïrii ngatu jare oputuu kavi.”

ZACARÍAS 1:7

Yasɨ oncea veinticuatro ara pe, jae ko Sebat yasɨ, Darío mokoía año ma oiko mburuvicha guasurä yave, yandeYa iñee ou ñeemombeúa Zacarías, Berequías taɨ pe, jae ko Iddo jɨmɨmino, körai:

ZACARÍAS 13:7

YandeYa Imbaepuere yae ete vae jei: “¡Kɨsepuku, epüa vecha iyangarekoa kotɨ, jókuae kuimbae cheïru kotɨ! ¡Eyuka vecha iyangarekoa jare toñemoai vecha reta, jare chepo añonota vecha raɨ reta kotɨ!

NÚMEROS 12:6

Jare jae jei chupe reta: “Peyeapɨsaka añave cheñee re: Oime yave pepɨte pe cheñeemombeúa, ayeechaukata chupe, ipaɨu pe chemiarita jae ndive;

JOSUÉ 5:13

Metei ara Josué köiño oiko Jericó güi yave, oecha metei kuimbae ói jenonde kɨsepuku güɨnoi ipo pe vae. Jare Josué ojo ikotɨ, jare jei chupe: —¿Oreïru pa nde, ani orerovaicho pa nde?

Apocalipsis 2:1

Eikuatía Efeso pegua oporogüɨrovia vae reta iaraɨgua pe: Güɨnoi chiu yasɨtata reta ipo iyakatu pe vae, oguata chiu mechero jenda oro pegua ipɨte rupi vae, jei:

Apocalipsis 6:2

Amae jare aecha metei kavayu tïi vae, jare opo kavayu re vae güɨnoi güɨrapa. Jare oñemee chupe äka-regua, oë oporomoamɨri vae oporomoamɨri vaerä.

Apocalipsis 6:4

Jare aecha oë metei kavayu pɨ̈taasɨ vae. Jare opo kavayu re vae pe oñemee mbaepuere omoñerarouka vaerä ɨvɨ pegua reta, oyoyuka reta vaerä; jare oñemee vi chupe metei kɨsepuku tuicha yae vae.