ZACARÍAS 1:6 - Biblia Guarani Tumpa Iñee

⁶ Ërei, cheñee jare cheporookuai reta amee cherembiokuai cheñeemombeúa reta pe omombeu vaerä vae, ¿mbaetɨ pa oa peñemuñagüe reta re? Jáeramo, jae reta oyerova ye jare jei reta: YandeYa Imbaepuere yae ete vae oyemongeta kërai yanderereko vaerä yandereko jare yanderembiapo oï rupi, jökorai oyapo yande ndive.’ ”

ZACARÍAS 1:6 ပူးပေါင်းရင်းမြစ်များ

2 REYES 15:12

Körai oyeapo yandeYa jei Jehú pe vae, jei yave chupe: “Nderaɨ reta yogüɨrekota mburuvicha guasurä Israel pe irundɨ ñemuña regua.”

JOB 6:29

Peipoepɨ peregüe, agüɨye peyoa; peyemongeta pɨau ye ayapogüe re.

ISAÍAS 21:17

Jare mbovɨ yaeta jembɨre Cedar pegua, uvɨ regua jëia yae vae reta.” Echa yandeYa Imbaepuere yae ete vae, Israel iTumpa ko jei jökorai.

ISAÍAS 44:26

Ërei ayapo oyembopo vaerä cherembiokuai reta omombeu vae, jare ayapo oë kavi vaerä cheremimondo reta oyemongeta oyapo vaerä vae. Che amoërakua Jerusalén oñemopüa pɨau yeta vae, oime yeta ipo kuri vae, jare ɨvɨ Judá pegua tëta reta opa yeta oñemopüa pɨau. Che amopüa yeta, opa oyemboai oï vae.

ISAÍAS 55:1

Opaete iɨuve vae reta: Peyu peɨu; jare mbaetɨ ikorepoti vae reta, peyu jare pekaru. Peyu, peraja pekorepotimbae reve jare jepɨmbae reve, vino jare neche.

ISAÍAS 55:11

jökoraita ko cheñee oë cheyuru güi vae; ngaraa ou ye jökoraiño chekotɨ, oyapota ko che aipota vae, jare ikavita ko jókuae amondo chupe vae reta pe.

JEREMÍAS 23:20

Ngaraa osɨrɨ yandeYa iyarasɨ, oyeapo regua jae oyapota vae, oyapo regua jae ipɨa pe oyemongeta vae. Oväeta ara peikuaa kavi vaerä kuae mbaembae reta.

JEREMÍAS 26:15

Ërei peikuaa kavi peyeupe: Cheyuka yave, pe reta, kuae tëta guasu jare opaete yogüɨreko pɨpe vae reta penoita teko, jekombae jugüɨ re; echa añetete ko yandeYa chembou pépɨri, amoërakua vaerä peve etei opaete kuae ñee reta.”

JEREMÍAS 28:17

Jare jókuae año voi, chiúa yasɨ pe, ñeemombeúa Hananías omano.

JEREMÍAS 32:24

Añave Caldeaɨgua reta güeru tembiporu omombu vaerä tëta guasu ikësea; jare ñeraro, karuai jare mbaerasɨ ovakatu vae jeko pegua, tëta guasu oata jókuae oporepeña jese vae reta ipo pe. CheYa, reecha ko añave oyembopo ma oï remoërakuagüe.

JEREMÍAS 36:28

“Eipɨɨ ye ïru tupapire oyepomombɨ vae, jare eikuatía pɨpe opaete ñee reta, tenondegua pe oyekuatía tëi vae, Joacim mburuvicha guasu Judá pegua opa oapɨ vae.

JEREMÍAS 39:16

“Ekua jare ere Ebed-melec Etiopíaɨgua pe: YandeYa Imbaepuere yae ete vae Israel iTumpa, jei: ‘Ambopota cheñee oñemoërakua kuae tëta guasu oyemboaita vae, mbaetɨ ikavi vae. Kuae oyeapo yave, nde oimeta reï.

JEREMÍAS 4:4

Judá pegua jare Jerusalén pegua reta, peyembocircuncida pepɨa pe yandeYa pe, agüɨye chearasɨ tijendɨ pekotɨ tata rami, javoi mbaetɨ kia ipuere ombogüe vaerä, pereko reta ikavimbae vae jeko pegua.

JEREMÍAS 44:2

“Che peYa Imbaepuere yae ete vae Israel iTumpa, jae: ‘Pe reta peecha opaete susere reta ambou Jerusalén re vae jare Judá pegua tëta guasu reta re vae. Añave jókuae tëta guasu reta opa oyemboai oï, ipoä etei ñogüɨnoi,

JEREMÍAS 44:28

Jare mbovɨ oasayepe mano güi Egipto pe vae oyerova yeta ɨvɨ Judá pe. Jökorai, opaete Judáɨgua reta jembɨregüe, yogüɨraja ɨvɨ Egipto pe yogüɨreko vae reta, oechata kia iñee ra oyembopo vae, cheñee ra ani jae reta iñee ra.

JEREMÍAS 44:29

Che, peYa amee peve kuae kañɨmaa, peikuaa vaerä oyembopota ko jae vae, jare aiporaraukata peve kuae ɨvɨ pe vae:

JEREMÍAS 44:6

Jáeramo, chearasɨ oyepota metei tata rami tëta guasu reta Judá pegua re jare Jerusalén pegua kaye reta re. Jare opa oyemboai opɨta añave regua.

LAMENTACIONES 1:18

YandeYa, jupi ko; che ayembopɨapochɨ iñee kotɨ. ¡Añave, peendu opaete ɨvɨ pegua reta, pemae kuae aiporara yae aï vae re! ¡Chekunumi reta jare chekuñatai reta opa oyereraja tembipɨɨrä!

LAMENTACIONES 2:17

YandeYa jei oyapo vaerä vae, oyapo; ombopo iñee, jókuae arakae güive ma jei oiko vaerä vae; oporomboai iñɨ̈rombae reve; omaeño nderovaicho reta ndeyóyai yóyai vaerä, jare omee nderovaicho reta imbaepuere yae vaerä.

LAMENTACIONES 3:42

OreYa, oreyoa yae jare orepɨapochɨ ndekotɨ, jare nde mbaetɨ neɨ̈ro oreve.

EZEQUIEL 20:43

Joko pe pemaenduata opaete pereko ikavimbae re, jare peyapogüe rupi peyemongɨa pɨpe vae re; jare pe aeño peñemotareɨta jeta mbaeyoa peyapo vae jeko pegua.

EZEQUIEL 37:11

Javoi jei cheve: “Nde kuimbae, opaete kuae maekägüe reta rami ko Israel iñemuña reta. Echa jei reta: ‘Ñanekägüe reta opa otini; mbaetɨ ma ñanoi mbae re yayerovia vaerä, opa ma ñakañɨtei.’

DANIEL 4:28

Opaete kuaekuae reta oyembopo mburuvicha guasu Nabucodonosor re:

OSEAS 5:9

Israel pegua ñemuña reta ipɨte pe aikuaauka añete vae, Efraín pegua reta okañɨteita tembiporara iara pe.

OSEAS 9:15

YandeYa jei: “Gilgal pe oyapo reta opaete ikavimbae vae, joko güi amboɨpɨ aröɨro reta. Ikavimbae oyapo reta vae jeko pegua amombo retata chero güi; mbaetɨta ma aaɨu reta, echa opaete juvicha reta ipɨapochɨ yae.

AMÓS 9:10

Ërei omanota opaete iyoa vae reta, tëta chembae vae pegua reta; ‘Ngaraa yanderupitɨ ikavimbae’, jei vae reta.”

ZACARÍAS 1:7

Yasɨ oncea veinticuatro ara pe, jae ko Sebat yasɨ, Darío mokoía año ma oiko mburuvicha guasurä yave, yandeYa iñee ou ñeemombeúa Zacarías, Berequías taɨ pe, jae ko Iddo jɨmɨmino, körai:

MALAQUÍAS 3:18

Jayave pe reta peikuaa yeta jupi vae jare jupimbae vae, Tumpa pe oyeokuai vae jare mbaetɨ oyeokuai chupe vae.”

NÚMEROS 23:19

Tumpa, kuimbaeä ko iyapu vaerä; jare kuimbae taɨä ko oipoepɨ vaerä iyemongeta. Jae mbae jei yave, oyapo. Mbae güɨrökuavee yave ombopo iñee.

NÚMEROS 32:23

Ërei ngatu mbaetɨta ko jökorai peyapo yave, peyoa ko yandeYa kotɨ; jare agüɨye peakañɨ metei ara peiporarata ko peyoa re vae.

NÚMEROS 33:56

jare che ayapota peve, chupe reta ayemongeta tëi ayapo vaerä vae.”

San Mateo 24:35

Ara jare ɨvɨ opata ko, ërei cheñee reta ngaraa opa.

DEUTERONOMIO 28:15

Ërei mbaetɨ peendu yandeYa Tumpa iñee omombeu añave peve vae yave, outa peré opaete kuae yepopeyu reta:

DEUTERONOMIO 28:2

Penoita opaete kuae mborerekua reta, peyapo yave yandeYa Tumpa iñee.

DEUTERONOMIO 28:20

YandeYa oitɨta peré yepopeyu, mbɨatɨtɨ jare mɨakañɨ opaete mbaembae peyapogüe rupi, opa regua pekañɨtei ɨmambae pegua, perembiapo ikavimbae rupi peeya jeko pegua.

DEUTERONOMIO 28:45

Outa peré opaete kuae yepopeyu reta, peraɨkuemoñata jare perupitɨta opa pekañɨtei regua, mbaetɨ ramo peendu yandeYa Tumpa iñee, peyapo vaerä opaete jae peokuai tëi vae.

1 Tesalonicenses 5:4

Ërei pe cherɨvɨ reta mbaetɨ ko peï pɨtumimbi pe, jókuae ara peresapɨa vaerä imonda vae rami.