ZACARÍAS 1:5 - Biblia Guarani Tumpa Iñee

⁵ Jare añave, ¿jama pa peñemuñagüe reta? Jare ñeemombeúa reta, ¿yogüɨreko aveita pa?

ZACARÍAS 1:5 ပူးပေါင်းရင်းမြစ်များ

2 REYES 13:14

Eliseo imbaerasɨ jeiete yae, omanota ma, jare Joás, mburuvicha guasu Israel pegua ojo omae jese, oäpiro jare oiküava, jei reve: —¡Cheru! ¡Cheru! Nde reiko ɨvɨ Israel peguarä sundaro reta imbaepuere yae vae rami.

2 REYES 13:20

Eliseo omano, jare oñotɨ reta. Jókuae año re Moab iñemuña reta oporepeña omaepɨ̈ro vaerä jókuae ɨvɨ pe, yogüeruñoi rami.

SALMOS 90:10

Setenta año rupiño roikove, oikove katu vae retaño oupitɨ ochenta; ërei jeseve, yemoambeko yae jare yavai yae ko, echa ɨmambae yae oasa, yaveve etei rami.

ECLESIASTÉS 1:4

Oime omano vae, oime vi oa ramo vae, ërei ɨvɨ jekuae avei oiko.

ECLESIASTÉS 12:5

ɨvɨtɨ rupi okɨɨyeta oguata jare tape rupi ave okɨɨyeta oguata. Temitɨ almendra ipotɨta, tuku oikota mbaemboavairä, mbaetɨta ma ipɨ̈rata. Echa kuimbae ojo, oikotaa pe jekuae avei pegua, jare kaye rupi oyeenduta, oapïro vae reta.

ECLESIASTÉS 12:7

Ndei ɨvɨkúi ojo ye oyea ɨvɨ ndive mbove, tenonde yave rami, jare ndei tekove ojo ye Tumpa kotɨ mbove, jókuae imeea kotɨ.

JEREMÍAS 36:28

“Eipɨɨ ye ïru tupapire oyepomombɨ vae, jare eikuatía pɨpe opaete ñee reta, tenondegua pe oyekuatía tëi vae, Joacim mburuvicha guasu Judá pegua opa oapɨ vae.

LAMENTACIONES 5:7

Oreñemuñagüe reta iyoa, jare opa ma omano; ërei ore roiporara jae reta iyoa re.

San Juan 8:52

Jayave judío reta jei Jesús pe: —Añave roikuaa kavi ma aña ko oya nderé vae. Abraham jare ñeemombeúa reta opa omano. Ërei nde rere: “Che jae vae oyapo vae ngaraa omano.”

Hechos 13:36

Ërei David opa oyeokuai yave opaete jëtaɨgua reta pe Tumpa oipota vae rupi, omano, jare oñeotɨuka iñemuñagüe reta ñogüɨnoia pe, jare jetegüe oikomegua.

Hebreos 9:27

Jökorai, oñeñono ɨvɨ pegua reta omano vaerä metei veseño; jare kuae jaɨkue rupi Tumpa ojäata.

1 SAMUEL 25:1

Samuel omano, jare opaete Israel iñemuña reta oyemboatɨ oäpiro vaerä imano. Jare oñotɨ reta jetegüe jae jëta Ramá pe. Kuae jaɨkue rupi David ojo ñuu Parán kotɨ.