ZACARÍAS 1:3 - Biblia Guarani Tumpa Iñee

³ Ere körai chupe reta: ‘Körai jei yandeYa Imbaepuere yae ete vae: Peyerova ye chekotɨ, jare che ayerova yeta pekotɨ, jei yandeYa Imbaepuere yae ete vae.

ZACARÍAS 1:3 ပူးပေါင်းရင်းမြစ်များ

2 CRÓNICAS 15:2

jare oë oövaiti Asa, jei chupe: “¡Peyeapɨsaka cheré Asa, Judá jare Benjamín pegua reta! YandeYa oïta pe reta ndive pe reta peï yave jae ndive. Pe reta peeka yave peväeta chupe, ërei peeya yave jae pereeyata vi.

2 CRÓNICAS 15:4

Ërei tembiporara pɨte pe oyepoepɨ reta jare oeka reta yave yandeYa Israel iTumpa, jae oñeväeuka chupe reta.

NEHEMÍAS 9:28

Ërei yogüɨreko pɨagüive ye ma yave, jekuae oyapo reta ye ikavimbae nderóvai; jáeramo, reeya jovaicho reta ipo pe, jae reta oiporarauka vaerä chupe reta. Jare jekuae oiporu reta ye ndeve remborɨ vaerä yave, nde, ndeporoparareko yae jeko pegua, reendu ara güi chupe reta iyerure, jare jekuaekuae reepɨ ye jovaicho reta güi.

JOB 22:23

Reyerova ye yave Imbaepuere yae ete vae kotɨ, reï kavi pɨau yeta, jare ombosɨrɨta ndero güi mbɨatɨtɨ.

ISAÍAS 31:6

Israel iñemuña reta, peyerova ye jókuae peyembopɨapochɨ yae ikotɨ vae kotɨ.

ISAÍAS 44:22

Opa amboai ndepɨapochɨ reve reyavɨgüe amapɨtu opa okañɨ rami, jare ɨ̈vɨti rami opa amokañɨ ndeyoa reta. Eyerova ye chekotɨ, echa che royora.”

JEREMÍAS 12:15

Ërei anoe güire cheporoparareko yeta jese reta, aroyerova reta yeta iɨvɨ ae ae pe jare jëta jëta ae pe.

JEREMÍAS 25:5

Jae reta jei peve: ‘Peeya pereko kavimbae jare perembiapo pɨ̈chɨi yae vae; pepuere vaerä peiko ɨvɨ yandeYa omee peve jare peñemuñagüe reta pe jekuae avei pegua vae pe.

JEREMÍAS 3:1

YandeYa jei: “Metei kuimbae omombo yave jembireko, javoi jókuae kuña ojo omenda ïru kuimbae ndive yave, tenondegua ime ngaraa ma güɨreko ye. ¡Jókuae nunga, ikavimbae yae ko kuae tëtaguasu peguarä! Ërei ngatu nde, Israel, jeta yae ko ndeaguasa, ërei ¡añave peyerova ye chekotɨ! Che ndeYa jae kuae.

JEREMÍAS 3:22

Peyerova ye chekotɨ, cheraɨ ipɨapochɨ vae reta, jare che popoanota pepɨapochɨ güi.” “Ko royu ndekotɨ, echa nde jae ko oreYa Tumpa.

JEREMÍAS 35:15

Ambou avei peve cherembiokuai ñeemombeúa reta, jei vaerä peve: Peeya pereko reta ikavimbae jare pɨ̈chɨi yae peyapo vae. Agüɨye pemboete tumpa-raanga reta, agüɨye peyeokuai chupe reta, jare jökorai peiko avei vaerä ɨvɨ amee peve jare peñemuñagüe reta pe vae pe. Ërei ngatu pe reta mbaetɨ peipota peendu jare peyapo che jae vae.

JEREMÍAS 4:1

YandeYa jei: “Israel, reyerova ye ko yave, eyerova ye chekotɨ. Rembosɨrɨ yave netumpa-raanga reta ikavimbae yae vae cheróvai güi jare mbaetɨta ma resɨrɨ chegüi yave,

EZEQUIEL 18:19

Pe reta peparandu yave: ‘¿Maera ra taɨ oiporaraä vi tu iyoa re?’ Echa taɨ oyapo isɨmbi vae jare jupi vae, jare oyapo opaete cheporookuai reta; jáeramo oikoveta ko.

EZEQUIEL 18:31

Pembosɨrɨ peyeugüi opaete jókuae ikavimbae peyapo chekotɨ vae, pembopɨau pepɨa jare peyemongeta. Echa, ¿maera pa omanota Israel iñemuña reta?

EZEQUIEL 18:32

Che mbaetɨ etei aipota kia omano. Peyepoepɨ ikavimbae güi jare peikoveta. Che peYa Tumpa jae.

EZEQUIEL 33:11

Ere chupe reta: YandeYa Tumpa jei iyé aeño: Mbaetɨ aipota iyoa vae omano, aipota vae ko jae oyepoepɨ vaerä jeko güi oikove vaerä. Israel, eeya ndereko ikavimbae vae, ¿maera pa remanota?’

OSEAS 14:1

¡Israel, eyerova ye ndeYa Tumpa kotɨ, echa ndeyoa jeko pegua regüɨapi ma!

OSEAS 14:4

YandeYa jei: “Aipoano retata ipɨapochɨ güi; aaɨu retata, yepe tëi mbaetɨ jupi yogüɨreko, echa osɨrɨ ma chugüi reta chearasɨ.

OSEAS 6:1

Peyu jare yayerova ye yandeYa kotɨ; echa jae yandemboai, ërei jae ñaneñono kavi yeta, jae yandembopere, ërei jae ñanepoanota.

JOEL 2:12

YandeYa jei: “Jáeramo añave peyerova ye chekotɨ opaete pepɨa ndive, ¡peyekuaku tembíu güi, peräse jare peyaeo!”

MALAQUÍAS 3:7

Peñemuñagüe reta rami opa pesɨrɨ cheporookuai güi, jare mbaetɨ peñovatu. ¡Peyerova ye chekotɨ jare che ayerova yeta pekotɨ!” Jei yandeYa Imbaepuere yae ete vae. Ërei pere: “¿Mbae rupi pa royerova yeta?”