ZACARÍAS 1:17 - Biblia Guarani Tumpa Iñee

¹⁷ Jei ye cheve: “Emoërakua ye rere reve: ‘Körai jei yandeYa Imbaepuere yae ete vae: Tëta chembae vae reta güɨnoi yeta jeta mbae jare ambopɨakatu vɨterita Sión, jae ko Jerusalén aiparavo vae.’ ”

ZACARÍAS 1:17 ပူးပေါင်းရင်းမြစ်များ

2 CRÓNICAS 6:6

Ërei aiparavo Jerusalén, joko pe oï vaerä cheree, jare aiparavo David oï vaerä tëta chembae vae Israel juvicharä.’

NEHEMÍAS 11:20

Jare opaete ïru Israel iñemuña reta, ïru sacerdote reta jare levita reta oñemoëta ïru tëta guasu reta ɨvɨ Judá pegua rupi, metei ñavo iɨvɨ ae ae pe;

NEHEMÍAS 11:3

Jae kuae tëta ruvicha reta yogüɨreko Jerusalén pe vae jee reta; ërei ɨvɨ Judá pe, tëta guasu reta rupi metei ñavo oñemoëta Israel iñemuña reta, sacerdote reta, levita reta, tembiokuai reta tupao guasu pe oyeokuai vae, jare Salomón jembiokuai reta iñemuña reta, metei ñavo jëta ae pe jare iɨvɨ ae ae pe.

SALMOS 69:35

Echa Tumpa oepɨta Sión, jare omopüa pɨau yeta tëta guasu reta Judá pegua; yogüɨrekota pɨpe vae jare imbaerä oikota.

ISAÍAS 14:1

YandeYa oipararekota Jacob iñemuña reta. Jekuae oyapo yeta imbaerä Israel iñemuña reta, güeru yeta oñono reta vaerä iɨvɨ ae pe. Ketɨgua reta oyemboyata jese reta, oñemoïruta Jacob iñemuña reta ndive.

ISAÍAS 44:26

Ërei ayapo oyembopo vaerä cherembiokuai reta omombeu vae, jare ayapo oë kavi vaerä cheremimondo reta oyemongeta oyapo vaerä vae. Che amoërakua Jerusalén oñemopüa pɨau yeta vae, oime yeta ipo kuri vae, jare ɨvɨ Judá pegua tëta reta opa yeta oñemopüa pɨau. Che amopüa yeta, opa oyemboai oï vae.

ISAÍAS 49:13

¡Ara ipo reta, petairari reyerovia güi! ¡Ɨvɨ ipo reta, peyerovia yae! ¡Ɨvɨtɨ reta, perɨapu peyerovia reve! Echa yandeYa ombopɨakatu tëta imbae vae, oiparareko oiporara yogüɨreko vae reta.

ISAÍAS 51:12

“Che ko jae pombopɨakatu vae. ¿Maera pa pekɨɨye kuimbae güi?, jae ko omano vae. ¿Maera pa pekɨɨye kuimbae kapii ramiño vae güi?

ISAÍAS 51:3

Ambopɨakatuta Sión, tëta guasu opaetei oyemboai oï vae. Iɨvɨ ipombae oï vae amopörata, Edén pe ko raɨ añono rami. Joko pe oimeta yerovia jare vɨakatu, tairari mbaemboete pegua.

ISAÍAS 52:9

¡Petairari mbaemboete, peyerovia päve Jerusalén oyemboaigüe; echa yandeYa ombopɨakatu jëta, oepɨ ye Jerusalén!

ISAÍAS 54:8

Chearasɨ rai jeko pegua, ayerovata ndegüi michi pegua, ërei mboroparareko jekuae avei vae rupi ropararekota.” Che ndeYa, ndeReepɨ vae, jae.

ISAÍAS 66:13

Kia omboresive mbɨakatu ichɨ güi rami, che pombopɨakatuta, Jerusalén pe pepɨakatuta.”

JEREMÍAS 31:13

Kuñatai reta opɨraeta oyerovia reve, jökoraiño vi kunumi reta jare ndechi reta. Che ameeta chupe reta mbɨakatu; jesaɨ, aipoepɨta vɨakatu pe, jare ameeta chupe reta yerovia katu, mbae oiporara vae ipoepɨka pe.

JEREMÍAS 33:13

Tëta guasu reta ɨvɨtɨ guasu rupigua jare ɨvɨpe kavi rupi ñogüɨnoi vae reta, jökoraiño vi Neguev pegua jare Benjamín iɨvɨ pegua tëta guasu reta, jare Jerusalén iyɨ́vɨri rupigua jare tëta guasu reta Judá pegua rupi, oime yeta vecha iyangarekoa reta oipapa ivecha reta. Che ndeYa ko jae kuae.”

JEREMÍAS 33:9

Jare Jerusalén oïta cheve yerovia katurä, mbaemboete jare yemboete pegua opaete tëtaguasu reta ɨvɨ pegua jóvai. Jare jae reta oikuaa che amee opaete mbae ikavi vae Jerusalén pegua reta pe yave, orɨrɨi retata okɨɨye güi.”

EZEQUIEL 36:33

Che peYa Tumpa jae körai: Jókuae ara potɨo opaete peyoa güi yave, ameeta vi peiko vaerä perëta guasu reta pe, jare pemopüa pɨau yeta perëta guasugüe reta.

AMÓS 9:14

Jayave Israel tëta chembae vae aru yeta tembipɨɨ güi, jare omopüa pɨau reta yeta tëta oyemboai oï vae, jare yogüɨrekota pɨpe; oñotɨ retata uva, jare jou retata tɨgüegüe, ko oyapo retata jare jou retata jemitɨ iagüe.

ABDÍAS 1:20

Jare Israel iñemuña reta tembipɨɨrä yogüɨreko vae opɨ̈rota cananeo reta iɨvɨ, Sarepta kotɨ ojo oväe regua jare Jerusalén pegua tembipɨɨ reta Sefarad pe yogüɨreko vae reta opɨ̈rota tëta guasu reta Neguev pegua.

ZACARÍAS 1:14

Jare araɨgua imiari che ndive vae jei cheve: “Emoërakua rere reve: ‘Körai jei yandeYa Imbaepuere yae ete vae: Cherägüɨro yae Jerusalén re, jae ko Sión.

ZACARÍAS 1:18

Jaɨkue rupi amae jare aecha ye irundɨ guakaräti.

ZACARÍAS 2:12

Jare yandeYa güɨnoi yeta Judá imbae vae ɨvɨ oñeñono teea pe, jare tëta Jerusalén jekuae oiparavo yeta iyeupe.

ZACARÍAS 2:4

Jare jei chupe: “Esɨi ekua nemiari kunumi güɨnoi tɨmasa raɨ vae pe, körai: ‘Jerusalén ikëseambaeñota, kuimbae jare mbaemɨmba jeta yae vae jeko pegua.

ZACARÍAS 3:2

Jare yandeYa jei Satanás pe: “¡YandeYa toñeengata ndeve Satanás! ¡YandeYa oaɨu Jerusalén vae toñeengata ndeve! Echa jae ko tatasɨgüe tata güi oñerenoegüe rami.”

Efesios 1:4

jae yandeparavo jese ndei ɨvɨ oyeapo mbove, ñañeñono tee yaiko vaerä ikɨambae jae jóvai;