Tito 3:5 - Biblia Guarani Tumpa Iñee

⁵ yandemboasa, mbaetɨ jupi vae yayapo ramo, jaeño yandemboasa iporoparareko rupi, yandeyoe ɨ pe, ombopɨau yanderekove Espíritu Santo rupi.

Nuevo Testamento Guaraní Pe

⁵ Tumpa ñanemboasa ñandeparareco rambue, mbaeti jupi vae ñande yayapo rambue. Jae ñandeyoe ñanembaeyoa güi, ñanoi vaera tecove ipɨau vae. Espíritu Santo rupi ñanoi ma tecove ipɨau vae.

Tito 3:5 ပူးပေါင်းရင်းမြစ်များ

JOB 15:14

¿Ikɨambae pa kuimbae Tumpa jóvai, ipuere pa kuimbae oyembojupi?

JOB 25:4

¿Kërai pa kuimbae ipuere oyembojupi Tumpa peguarä? ¿Këraita pa kuimbae oyetɨo opɨta jekombae Tumpa jóvai?

JOB 9:20

Cheiño ayembojupi yave, cheyuru ko chejäaukata; “cheyoambae ko” jae cheyeupe yave, jae ko chemboekota.

SALMOS 130:7

Nde tëta Israel, eäro yandeYa, echa jae iporoparareko jare oporoepɨ vae ko.”

SALMOS 143:2

Agüɨye chejäa cheYa, echa mbaetɨ eteita ko kia oyembojupi nderóvai.

SALMOS 51:10

CheRu Tumpa, eitɨo chepɨa jare embopɨau, emee chepɨarä ikɨambae jare jupi vae, jare chembopɨau sɨmbi rupi aiko vaerä.

SALMOS 62:12

CheYa Tumpa mboroparareko ndembae ko, echa nde remboekoviata metei ñavo vae pe jembiapo oï rupi.

SALMOS 86:15

Ërei nde cheYa, Tumpa iporoparareko yae vae, mbaetɨ iyarasɨ raivi vae, tuicha iporoparareko jare añete vae ko.

SALMOS 86:5

Echa nde cheYa, ndepɨakavi jare neɨ̈ro vae ko; ndeporoparareko tuicha yae ko nereenɨi vae reta kotɨ.

ISAÍAS 57:12

Ërei amoërakuata ndereko reta, nderembiapo, ndepɨa pe remboete yae vae.

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

San Mateo 3:11

Añete che pombobautisa ɨ pe peeya vaerä peyemongeta ikavimbae vae pepɨa pe penoi vae. Ërei cheraɨkue rupi outa imbaepuere yae chegüi vae. Mbaetɨ jupi ipɨapaa araja vaerä ave Jae pembobautisata Espíritu Santo pe jare tata pe.

San Lucas 1:50

Jare Tumpa güɨnoi avei mboroparareko oipoɨu chugüi vae reta re.

San Lucas 1:54

Omborɨ jembiokuai Israel, echa imaendúa kërai jei oipararekota ko.

San Lucas 1:72

oiparareko vaerä ñaneñemuñagüe reta, imaendúa morogüɨrökuavee päve ikɨambae oyapogüe re;

San Lucas 1:78

Körai Tumpa oyapo, yandeparareko ramo, ombou yandeve ɨvate güi ara ipɨau vae;

Romanos 11:14

aipota amoñemoägüɨro pekotɨ judío reta, jökorai oyemboasauka vaerä amogüe.

Romanos 11:6

Tumpa ipɨakavi rupi oiparavo reta yave, jayave mbaetɨ ma ko jembiapo reta rupi. Echa oiparavo yave mona jembiapo reta rupi, Tumpa ipɨakavi mbɨakaviä ma ko.

Romanos 12:2

Agüɨye mo peiko añave ipɨa jemimbota reño yogüɨreko vae rami. Peipoepɨ peyemongeta, oyepoepɨ vaerä vi peikogüe vae jare peikuaa vaerä Tumpa jemimbota re; jae ko ikavi yae vae, omboyerovia vae, jaekavi yae vae.

Romanos 3:20

echa mborookuai jei vae oyapo vae rupi mbaetɨ kia ipuere oyembojupiuka Tumpa jóvai. Echa mborookuai rupi yaikuaa mbaeyoa re.

Romanos 3:28

Jayave, yaikuaa ma, kërai Tumpa oporombojupi mborogüɨrovia rupi, yayapombae reve mborookuai jei vae reta.

Romanos 4:5

Ërei kia mbae oyapombae reve güɨrovia jókuae iyoa vae ombojupi vae re yave, jókuae iporogüɨrovia rupi Tumpa omae jese jupi.

Romanos 9:11

Ërei ndeiño oa chaguakiri reta. Jare ndeiño oyapo ikavi vae ani ikavimbae vae mbove (kuae ko Tumpa oiparavo jae jemimbota rupi oiko vaerä; mbaetɨ oiparavo jembiapo rupi, jaeño jae jemimbota rupi),

Romanos 9:16

Jáeramo, mbaetɨ yande yaipota vae ani ayemoambeko vae rupi, jaeño Tumpa iporoparareko rupi.

Romanos 9:30

¿Mbae pa yaeta? Kërai judiombae vae reta, mbaetɨ yepi oeka oyembojupiuka vaerä vae, añave oyembojupiuka ma ko mborogüɨrovia rupi;

1 Corintios 6:11

Jökorai ko pe reta yepi. Ërei peyetɨouka ma, peñeñono teeuka ma, peyembojupiuka ma yandeYa Jesús jee re jare yandeRu Tumpa iEspíritu rupi.

Gálatas 2:16

yaikuaa ko ngaraa kia ipuere oyembojupiuka mborookuai jei vae oyapo vae rupi. Jaeño ipuere oyembojupiuka güɨrovia yave Jesucristo re. Jáeramo yande vi yarovia ma Jesucristo re yayembojupiuka vaerä mborogüɨrovia rupi Cristo re, mbaetɨ ko mborookuai jei vae yayapo vae rupi, echa jókuae rupi ngaraa kia ave oyembojupiuka.

Efesios 2:4

Ërei Tumpa yandeparareko yae, jare yanderaɨu yae ramo,

Efesios 4:23

Pembopɨau pepɨa jare peyemongeta.

Efesios 5:26

oñono tee vaerä iyeupeguarä, jare oyoe vaerä iñee rupi, ɨ pe mbae yayoe vae rami;

DEUTERONOMIO 9:5

Mbaetɨ ko pe jupi yae ani pepɨa isɨmbi yae ramo peiketa pepɨ̈ro ɨvɨ pembaerä, jókuae ɨvɨ pegua reta jeko kavimbae vae jeko pegua ko yandeYa Tumpa omoë omombo peróvai güi, omoañete vaerä yandeYa iñee jei jee re ae peñemuñagüe Abraham, Isaac jare Jacob pe vae.

Colosenses 3:10

jare peyemonde ma teko ipɨau vae pe. Echa kuae teko ipɨau vae oyembopɨau aveita ojo oiko oyekuaa regua iyapoa rami, oikuaa kavi regua.

2 Timoteo 1:9

Jae yandemboasa jare yandeparavo ñaneñono tee vaerä iyeupeguarä. Mbaetɨ ko yandeparavo mbae ikavi vae yande yayapo vae rupi. Yandeparavo ko jae iyemongeta rupi jare ipɨakavi yandeve Cristo Jesús rupi ndei ɨvɨ oyeapo güive.

Tito 3:4

ërei oyekuaa yave Tumpa iporoparareko jare iporoaɨu opaete vae pe,

Hebreos 10:22

yayemboya Tumpa re yandepɨa jupi reve, yarovia kavi reve, yandepɨa oyetɨo reve yemongeta ikavimbae güi, jare yanderete oyeyoe reve ɨ ikɨambae pe.

Hebreos 4:16

Jáeramo, yayemboya yaipoɨumbae reve ipɨakavi yae vae iguapɨa re, jae yandeparareko vaerä jare ipɨakavi rupi yandemborɨ vaerä yaiporara yave.

Hebreos 6:6

jare opa oa ye reta, yavai yae ko oyerova pɨau ye vaerä, echa oikutuuka ye Cristo rami ko jare oyoyaiuka ye rami.

1 Pedro 1:3

Toyemboete Tumpa yandeYa Jesucristo Tu. Jae yandeparareko yae ramo yandeapo taɨ retarä, ñaäro vaerä yayerovia reve, Jesucristo oikove ye omanogüe reta ipɨte güi vae rupi.

1 Pedro 2:10

Tenonde yave pe reta Tumpa imbae retaä ko, ërei añave peyeapo ma Tumpa imbae retarä; tenonde yave Tumpa mbaetɨ peparareko, ërei añave peparareko.

1 Pedro 3:21

Jókuae ɨ ombojaanga añave pe reta peyemboasauka peyembobautisauka yave Jesucristo oikove ye ou omanogüe vae reta ipɨte güi ramo. Pepuereä peyemboasauka peyoe perete vae rupi. Jaeño peyemongeta kavi yave Tumpa kotɨ.