Tito 2:10 - Biblia Guarani Tumpa Iñee

¹⁰ agüɨye timonda, ërei toechauka kavi iya pe ipuere vaerä güɨrovia katu, jökorai oikuaaukata ikavi yae ko Tumpa Yandemboasa vae iporomboe.

Nuevo Testamento Guaraní Pe

¹⁰ Agüɨye timonda. Toicuauca iya pe opaete re ipuere co güɨrovia catu. Echa jocorai yave, iya oicuaata icavi yae co moromboe Tumpa regua jembiócuai oñemboe jese vae. Tumpa co jae ñanemboasa vae.

Tito 2:10 ပူးပေါင်းရင်းမြစ်များ

SALMOS 101:6

Amaeta jupi yogüɨreko vae re, yogüɨreko vaerä che ndive; jupi rupi yogüɨreko vae reta oyeokuaita cheve.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

San Mateo 24:45

Metei oyeokuai vae jeko kavi jare oyeandu katu reve vae pe iya oeya ipo pe omee vaerä ïru tembiokuai reta pe jembiurä iora pe kavi.

San Mateo 5:16

Jökorai toyekuaa pereko kavi reta ïru vae reta jóvai, oikuaa reta vaerä peyapo ko ikavi vae. Jökorai omboete reta vaerä peRu ara pe oï vae.

San Lucas 1:47

Ayerovia Tumpa chemboasa vae re.

San Lucas 1:80

Jókuae michia okuakuaa ojo oiko, jare ipɨ̈rata Tumpa jóvai. Jare oiko ñuu rupi oyekuaauka Israel pegua reta pe regua.

San Lucas 16:10

Mbae michi vae re jupi vae, mbae tuicha vae re jupi vi. Jaeramiño vi mbae michi vae re jupimbae vae, mbae tuicha vae re mbaetɨta vi jupi.

San Juan 12:6

Ërei mbaetɨ jei jökorai paravete vae reta omborɨ vaerä. Jei jökorai imonda ramo. Echa güɨnoi korepoti ïru vae reta omee chupe reta vae jɨru, jare oekɨ vɨari yepi korepoti iyeupeguarä.

1 Corintios 4:2

Jáeramo tembiokuai ñavo ikavi ko yogüɨreko vaerä jupi rupi.

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

Filipenses 1:27

Jaeño peiko kavi, echa perovia ma ñee ikavi vae Cristo regua. Güɨramoi aja apou pépɨri ani mbaetɨ, ërei aipota perërakua kavi cheve, kërai peñemomɨ̈rata metei ramiño jare peñemoäta ngatu peporogüɨrovia ñee ikavi vae re vae,

Filipenses 4:8

Jare añave cherɨvɨ reta, peyemongeta opaete mbae añetete vae re, opaete mbae jaekavi vae re, opaete mbae jupi vae re, opaete mbae ikɨambae vae re, opaete mbae ikavi vae re, jare opaete mbae yandepuere ñanemiari kavi jese vae re. Peyemongeta opaete ikavi vae jare mbaemboete pegua re.

1 Timoteo 1:1

Che Pablo, Jesucristo jemimondo, Tumpa yandemboasa vae jare yandeYa Jesucristo ñaäro vae iporookuai rupi.

1 Timoteo 5:17

Jupi ko oporogüɨrovia vae reta itenondegua güɨroata kavi mbaravɨkɨ vae, oyeaɨu yae vaerä, jókuae omoërakua Tumpa iñee jare oporomboe vae.

1 Timoteo 6:1

Opaete oime iya vae reta tomboete, agüɨye vaerä ïru vae reta jei ikavimbae vae Tumpa kotɨ jare yandeporomboe kotɨ.

1 Timoteo 6:3

Kia oporomboe ambuae mboromboe re, jare mbaetɨ güɨrovia mboromboe añete vae yandeYa Jesucristo regua jare mboromboe añete vae kërai yamboete vaerä Tumpa vae,

Tito 1:3

Jare ara oväe yave oikuaauka iñee che amoërakua vae rupi. Tumpa Yandemboasa vae cheokuai vae rupi.

Tito 3:4

ërei oyekuaa yave Tumpa iporoparareko jare iporoaɨu opaete vae pe,

1 Pedro 2:12

Peechauka kavi pereko oporogüɨroviambae vae reta ipɨte pe. Iñeenguru pekotɨ ikavimbae peyapo vaeecha vae reta, oecha perembiapo ikavi vae yave, omboete retata Tumpa, iporojäa iara pe.

1 Pedro 3:16

peyemongeta ikavi rupi, iñeenguru pekotɨ ikavimbae peyapo vaeecha vae reta, imara vaerä peangao perembiapo kavi Cristo re vae reta.

2 Juan 1:9

Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.

1 SAMUEL 22:14

Jayave Ahimelec jei mburuvicha guasu pe: —¿Kia nunga pa ndeɨvɨrigua reta güi jupi yae David rami, nderovaya vi, oyeokuai ndeve vae, jare imboetea vae ndero pe?

1 SAMUEL 26:23

Jare yandeYa tomboekovia metei ñavo pe, jupi rupi oyapo vae pe, yepe tëi añave yandeYa nemee chepo pe, ërei che mbaetɨ aipota apoko nde yandeYa jembiparavo re.