Tito 1:16 - Biblia Guarani Tumpa Iñee

¹⁶ Jae reta jei tëi oikuaa Tumpa, ërei jembiapo reta rupi mbaetɨ etei omboyekuaa oikuaa ko Tumpa vae, jae reta ko jeko pɨ̈chɨi yae, ipɨapochɨ, oyapo rapeä etei mbae ikavi vae.

Nuevo Testamento Guaraní Pe

¹⁶ Jae reta jei tei oicuaa Tumpa. Erei mbae oyapo vae oicuauca iru vae reta pe mbaeti co oicuaa Tumpa. Echa jae reta oyapo mbaembae pochɨi yae vae. Mbaeti oyapo reta Tumpa jeigüe. Mbaeti etei oyapo mbae icavi vae.

Tito 1:16 ပူးပေါင်းရင်းမြစ်များ

JOB 15:16

¡Vɨtei pa kuimbae ikɨa jare jupimbae Tumpa jóvai vae, yɨmbɨaɨ etei jupimbae re, iɨuve yae vae ɨ oyúe rami!

PROVERBIOS 30:12

Oime amogüe, mbaetɨ etei jeko omae iyé vae, ërei mbaetɨ ave yepe oyetɨo oï iyoa güi.

ISAÍAS 29:13

Jayave yandeYa jei: “Echa kuae tëta chemboete iñee rupi jare jembe pe, ërei ngatu ipɨa mombɨrɨ ko oï chegüi; oipoɨu reta chegüi vae, kuimbae reta iporookuai re oyemboe vae ramiño ko;

ISAÍAS 48:1

“Peyeapɨsaka, Jacob iñemuña reta, tee Israel pe peñeenɨi vae reta, Judá iñemuña reta; Tumpa jee re peñererökuavee mbae peyapo vaerä vae; Israel iTumpa pe peyerure vae reta, yepe tëi mbaetɨ añetete reve ani jupi rupi;

ISAÍAS 58:2

Ara ñavo chereeka reta jare ikɨ̈reɨ yae oikuaa reta vaerä cheremimbota, tëta jembiapo ikavi yae vae rami, mbaetɨ cheporookuai güi opia vae rami; mborookuai jei vae güi mbaetɨ opia vae rami, oeka reta cheve morojäa jupi vae, jare ikɨ̈reɨ yae yogüeru chekotɨ,

ISAÍAS 59:13

Nde oreYa oreokuai tëi vae mbaetɨ royapo jare oreapu ndekotɨ, jare rosɨrɨ nde oreYa Tumpa güi, royangao jare royembopɨapochɨ, orepɨa güi oë oreapu vaerä. Roporombotavɨ vaerä.

JEREMÍAS 12:2

Reñotɨ reta temitɨ rami ɨvɨ pe, japo reta oyepota, okuakuaa reta jare ia reta. Iyuru peño ndemboete yae reta, ërei ipɨa pe mombɨrɨ ñogüɨnoi ndegüi.

JEREMÍAS 5:2

Yepe tëi amogüe reta jei mbae cheree re, ërei mbaetɨ ko añetete jei reta.”

JEREMÍAS 6:30

Ikavi ko oyembojee “jatɨgüegüe”, echa nde cheYa ko, reröɨro.

EZEQUIEL 33:31

Yogüeru ndekotɨ chembae vae reta rami, ñogüɨnoi nderóvai tenonde yave yogüɨrekose rami, oendu reta neñee, oyeapɨsaka reta neñee re. Ërei mbaetɨ oyapo reta oendugüe. Yepe tëi oikatu imiari reta vaerä pɨpe, ërei ipɨa reta korepoti pota reteiño.

NÚMEROS 24:16

yandeYa iñee oendugüe jei vae, oikuaa Tuichagüe yae ete vae oikuaa vae, Imbaepuere yae ete vae oechauka mbae chupe vae, ikera rupi mbae oecha katu vae:

Romanos 1:28

Jae reta oipotaä oikuaa Tumpa regua ramo, jae omboeterenga reta yemongeta ikavimbae pe, oyapo reta vaerä agüɨyeta tëi oyapo vae.

Efesios 5:6

Agüɨye kia ave tapembotavɨ ñee osirivembae pe, echa kuae jeko pegua ko Tumpa iyarasɨ ou iñeereendumbae reta re.

1 Timoteo 1:9

Echa yaikuaa mborookuai oyeapoä ko mbaepuere güɨnoi vaerä jupi vae reta re, jaeño oyeapo mborookuai oyavɨ vae reta re, jare iñeereendumbae reta peguarä, jupimbae reta jare iyoa vae reta peguarä, Tumpa omboetembae reta peguarä, tu oyuka jare ichɨ oyuka vae reta peguarä jare oporoyuka vae reta peguarä,

1 Timoteo 5:8

Ërei kia oyangarekoä jo pegua reta re ani jëtara reta re vae, oikuaku rami ko iporogüɨrovia, oasa ete ye ko oporogüɨroviambae vae güi.

2 Timoteo 3:17

jökorai Tumpa jembiokuai reta, oikuaa kavi vaerä opaete Tumpa jemimbota re, jare ipuere oyapo opaete mbae ikavi vae.

Tito 3:1

Emomaendúa oyeapɨsaka nderé vae reta yogüɨreko vaerä mburuvicha reta jare mbaepuere güɨnoi vae reta jeia re, jare tikɨ̈reɨ ngatu avei reta oyapo vaerä mbae ikavi vae.

Tito 3:3

Echa tenonde yave yandearakuaambaese yepi, yandepɨapochɨ, yanderopa, yaikose yanderete jemimbota reta reño, yaiko ikavimbae rupi, yandepɨakatúä,

1 Juan 2:4

Oime yave kia “aikuaa ko Jesucristo”, jei vae, ërei mbaetɨ yave oyapo Jesucristo iporookuai reta, jókuae iyapu ko, mbaetɨ etei ko oï jese añete vae.

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.

Apocalipsis 21:27

Ërei ngaraa etei oike jókuae tëta guasu pe oipotagüe ikɨa vae jare oipotagüe pɨ̈chɨi vae oyapo vae jare iyapu vae. Jaeño Vecha kuimbae taɨrusu vae jembikuatía tekove pegua pe jee oyekuatía oï vae reta.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

1 SAMUEL 15:22

Jayave Samuel jei: “¿Oyerovia yae pa yandeYa mɨmba reta oyeyukagüe opaetei oyeapɨ vae re, jare mɨmba reta oyeyuka vae re, iñeerendu katu vae re rami? Añetete, ñeereendu katu ko ikavi yae mɨmba reta oyeyukagüe güi, jare yeapɨsaka katu vecha kuimbae reta ikɨragüe güi.

1 SAMUEL 15:24

Jayave Saúl jei Samuel pe: —Ayapo mbaeyoa; echa ayavɨ yandeYa iporookuai reta jare neñee reta, echa akɨɨye ramo opaete vae güi jare amborɨ katu jae reta iñee. Neɨ̈ro cheve añave cheyoa re,