Tito 1:15 - Biblia Guarani Tumpa Iñee

¹⁵ Iyemongeta ikɨambae vae reta pe opaete mbaembae ikɨambae ko. Ërei oporogüɨroviambae vae iyemongeta ikɨa vae pe opaete mbaembae ikɨa ko. Echa ipɨa jare iyemongeta opaetei oikomegua.

Nuevo Testamento Guaraní Pe

¹⁵ Iñemongueta iquɨa mbae vae pe opaete mbaembae iquɨa mbae co. Erei oporogüɨrovia mbae vae iñemongueta iquɨa vae pe opaete mbaembae iquɨa co. Echa iñemongueta iquɨa co, jare mbaeti etei ipɨatɨtɨ mbae icavi mbae vae oyapo yave.

Tito 1:15 ပူးပေါင်းရင်းမြစ်များ

PROVERBIOS 21:4

Yembotuicha jare pɨayemboete, jare iyoa vae reta iyemongeta, mbaeyoa ko kuae reta.

PROVERBIOS 30:12

Oime amogüe, mbaetɨ etei jeko omae iyé vae, ërei mbaetɨ ave yepe oyetɨo oï iyoa güi.

HAGEO 2:13

Javoi Hageo jei ye: “Tëogüe oyavɨkɨ vae, oyavɨkɨ yave oipotagüe kuae oñeñono tee ñogüɨnoi vae, ¿ikɨata pa opɨta?” Jare sacerdote reta jei: “Ikɨata ko opɨta Tumpa jóvai.”

San Mateo 15:18

Ërei ikavimbae vae pere vae, pepɨa güi ko oë, jókuae ko omongɨa pepɨa.

Hechos 10:15

Jayave ñee jekuae jei ye chupe: “Tumpa oitɨo vae, agüɨye eröɨro.”

Romanos 14:14

Che aikuaa, jare arovia yandeYa Jesús re, kërai mbaetɨ etei ko mbae ikɨa iyeugüi aeño Tumpa jóvai vae. Ërei oime kia oyemongeta ikɨa ko Tumpa jóvai chupe vae yave, jökorai ko chupe.

Romanos 14:20

Agüɨye erokomegua Tumpa iparavɨkɨ mbae reu vae rupi. Echa añetete opaete mbaembae ikɨambae ko; ërei ikaviä ko kuimbae ombogüɨapiuka vaerä ïru vae, mbae jou vae rupi.

Romanos 14:23

Ërei ipɨa pe oyemongeta jaekaviä ko jókuae jou vae yave, oyemboeko ma ko, echa mbaetɨ oyapo güɨrovia reve kavi. Opaete mbaetɨ yayapo mborogüɨrovia reve vae, mbaeyoa ko.

1 Corintios 10:23

Chepuere ko ayapo opaete aipota vae, ërei mbaetɨ ko opaete jaekavi ayapo vaerä. Chepuere ko ayapo opaete aipota vae, ërei mbaetɨ ko opaete yandemborɨ ñanepɨ̈rata vaerä.

1 Corintios 10:25

Pepuere peu oipotagüe soo maemeea pe oñemee vae peparandumbae reve, agüɨye vaerä pepɨa pe peyemboeko.

1 Corintios 10:31

Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

1 Corintios 8:7

Ërei oime amogüe kuae regua oikuaambae vae. Echa jae reta omboete yepi tumpa-raanga reta, jare soo jou yave oyemongeta tumpa-raanga reta pe oñemeegüe ko. Jáeramo jou yave, oyemongeta ikavimbae ko oyapo oï. Echa mbaetɨ ipɨ̈rata iporogüɨrovia pe.

1 Timoteo 6:5

Jókuae reta oyoakaiño yarakuaambae reta ndive, mbaetɨ oikuaa añete vae. Oyemongeta Tumpa iparavɨkɨ rupi omongana yae vaerä. Agüɨye eñemoïru jókuae nunga reta ndive.

Hebreos 10:22

yayemboya Tumpa re yandepɨa jupi reve, yarovia kavi reve, yandepɨa oyetɨo reve yemongeta ikavimbae güi, jare yanderete oyeyoe reve ɨ ikɨambae pe.

Hebreos 12:15

Jare pemae kavi agüɨye vaerä kia pe ave oata Tumpa ipɨakavi; agüɨye pemboɨpɨ peñomotareɨ peyomboavai vaerä, jare jeta vae re ova jókuae;

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.