SOFONÍAS 3:5 - Biblia Guarani Tumpa Iñee

⁵ Ërei yandeYa oime jókuae tëta pe; jae ko jupi, mbaetɨ oyapo ikavimbae. Ndeimbove ñavo oñono mbae ko oyeapota vae. Ërei jupimbae vae, mbaetɨ imara.

SOFONÍAS 3:5 ပူးပေါင်းရင်းမြစ်များ

GÉNESIS 18:25

¿Reyukata pa jupi vae, jeko vae ndive, jare jupi vae remboyovakeñota pa jeko vae ndive? Nde reporojäa opaete ɨvɨ re vae, ¿ngaraa pa reyapo jupi vae?

JOB 34:10

Jáeramo, pe yarakuaa katu vae reta, peyeapɨsaka cheré, ¡agüɨye peyemongeta Tumpa Imbaepuere yae ete vae kotɨ, oyapota ikavimbae vae ani jupimbae vae!

JOB 7:18

Ara ñavo remae jese, jare rejäa aramoete ete.

JOB 8:3

¿Tumpa güɨrovata pa jupi vae, Imbaepuere yae ete vae oipoepɨta pa jupi vae?

SALMOS 145:17

Jupi ko yandeYa opaete oyapogüe rupi, iporoparareko opaete oyapogüe rupi.

SALMOS 37:6

Omboyekuaata jupi rupi reiko vae tembipe rami, jare ndereko kavi ara mbɨte pe ma kuaraɨ rami.

SALMOS 92:15

omoërakua reta vaerä cheYa cheñepɨ̈roa isɨmbi ko vae, jare mbaetɨ oñeväe jese jupimbae vae.

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 28:19

Ou ñavo, otupeita peré, pɨareve ñavo outa, ara pe jare pɨ̈tu yave. Peendu ou yave, jae ma pemboɨpɨta perɨrɨi.

ISAÍAS 33:2

OreYa, oreparareko, ndereño ko royeko. Oremborɨ ndeimbove ñavo, jare eiko oreve orereroasayepe vaerä oime mbaesusere yave.

ISAÍAS 45:21

Pemiari oyoupii jare peikuaauka oyoupe, peparandu oyoupe: ¿Kia ra omombeu kuae regua iyɨpɨ güive voi? ¿Kia ra jei arakae güive voi ma? Che ko, che peYa ko ayapo jókuae. Mbaetɨ yé ko ïru Tumpa chegüi. Mbaetɨ yé ko chegüi ïru Tumpa jupi vae jare oporoepɨ vae.

ISAÍAS 50:4

YandeYa Tumpa omee cheve chepoki vaerä chemiari, ambopɨakatu vaerä ikangɨ vae reta, ñee ñemoäta ngatu pegua pe. Ndeimbove ñavo jae chemomba, jare ayeapɨsaka jese chepɨakatu reve kavi.

JEREMÍAS 3:3

Kuae jeko pegua mbaetɨ okɨ, jare ama taɨkuegua iara pe ave. Ndeaguasa pota vaeño rembotenonde; ¡mbaetɨ nemara!

JEREMÍAS 6:15

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.”

JEREMÍAS 8:12

¡Jae reta imarata tëi ko kuae oyapogüe re, jókuae che mbaetɨ ma aropɨa vae! Ërei mbaetɨ, ¡mbaetɨ oikuaa imara vaerä kërai ave yepe! Jáeramo, aiporarauka chupe reta yave, ïru reta rami opata oa. Che ndeYa jae kuae.’ ”

LAMENTACIONES 3:23

Ndeimbove ñavo oyembopɨau; ¡tuicha yae ete ko iporoparareko!

EZEQUIEL 18:25

Jare pere yave: ‘Mbaetɨ jupi Tumpa oyapogüe.’ Peyeapɨsaka añave Israel pegua reta, ¿peyemongeta pa mbaetɨ jupi ayapo? ¿Pe retaä ra jupimbae peyapo?

EZEQUIEL 48:35

Opaete reve jókuae tëta guasu ikësea güɨnoita dieciocho mil metro. Jare jókuae ara güive tëta guasu jeeta: ‘YandeYa oï kuae pe.’ ”

OSEAS 14:9

Yarakuaa katu vae jare oyeandu katu vae reta toikuaa kuae ñee: YandeYa jemimbota sɨmbi ko, jupi vae reta oguatata jokoropi, ërei ipɨapochɨ vae reta, oyepɨakata jokoropi.

OSEAS 6:5

Kuae jeko pegua opa pomboai ñeemombeúa reta rupi; cheñee rupi opa poyuka, cheporojäa outa peve tembipe oë ou rami.

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

MIQUEAS 7:9

Aropɨata yandeYa iyarasɨ; echa cheyoa ikotɨ, ojäa regua chereko jare chembojupi regua. Jae cherenoeta tembipe pe jare aechata iporombojupi.

HABACUC 1:3

¿Maera pa remaeño aecha ikavimbae jare yemoambeko reta? Ipɨa-pïrimbae jare kañɨtei ipɨte pe aï; opaete rupi oime ñeapo reta jare ñeraro reta.

SOFONÍAS 2:1

Pe tëtaguasu imarambae reta, peyemboatɨ jare peyemongeta,

SOFONÍAS 3:13

Israel iñemuña jembɨregüe reta ngaraa ma oyapo jupimbae vae, ngaraa ma jei reta apu, jare ngaraa ma oporombotavɨ reta. Echa oyeangareko retata jare oke pɨagüiveta ngaraa ma kia omongɨɨye vae.”

SOFONÍAS 3:15

YandeYa Tumpa ombosɨrɨ ndegüi iporojäa, opa oekɨ omombo ndegüi nderovaicho reta. Echa yandeYa Tumpa ndeRuvicha guasu ko oï nde ndive; ngaraa ye ma reecha ikavimbae.

SOFONÍAS 3:17

YandeYa oime oï nde ndive; ¡imbaepuere yae vae ko, jae ndereroasayepeta! Oyerovia katuta ndekotɨ. Iporoaɨu jeko pegua omeeta ndeve tekove pɨau otairari reve.

ZACARÍAS 2:5

Ërei yandeYa jei: Che aïta chupe reta ikësearä tata rami, jare aïta ipɨte pe mbaemboetea peguarä.’ ”

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Lucas 12:2

Echa oime yave mbae oñeomi vae, oyekuaa ñotai ko. Jaeramiño vi oime yave mbae oyekuaambae vae, oyekuaa ñotai ko.

Romanos 2:5

Ërei ndepɨatäta jare mbaetɨ reeya ikavimbae vae ndepɨa pe oï vae rupi, remboatɨ ndeyeupe aeño Tumpa iyarasɨ, jae iporojäa jupi rupi vae iara oyekuaa yave.

Romanos 3:26

omboyekuaa vaerä imbaejupi añave, echa jae ko jupi vae jare ombojupi Jesús re güɨrovia vae.

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

DEUTERONOMIO 23:14

Echa yandeYa Tumpa oguata pepɨte rupi teyupa pe, peñovatu vaerä jare omee vaerä peporomoamɨri; jáeramo agüɨye tikɨa toï teyupa peï pɨpe vae, agüɨye vaerä Tumpa oecha mbae ikɨa vae pɨpe, jökorai ngaraa osɨrɨ pegüi.

DEUTERONOMIO 32:4

Jae ko Ita guasu rami; jembiapo ikavi yae ko, echa opaete jemimbota reta sɨmbi vae ko, Tumpa ko añete pegua, mbaetɨ jese ikavimbae. ¡Jae jupi ko, jare sɨmbi ko!

1 Pedro 1:17

Jare Tumpa pe “cheRu” pere yave, peguata kavi opaete ara peikove peiko kuae ɨvɨ pe ramboeve; jae oporojäata opaete vae oyapo vae rupi.