SOFONÍAS 3:17 - Biblia Guarani Tumpa Iñee

¹⁷ YandeYa oime oï nde ndive; ¡imbaepuere yae vae ko, jae ndereroasayepeta! Oyerovia katuta ndekotɨ. Iporoaɨu jeko pegua omeeta ndeve tekove pɨau otairari reve.

SOFONÍAS 3:17 ပူးပေါင်းရင်းမြစ်များ

GÉNESIS 1:31

Tumpa omae opaete oyapogüe re, oecha ikavi yae ete jembiapo reta. Jökorai ou pɨ̈tu jare ara, jae ko ovaa ara pe.

GÉNESIS 17:1

Abram noventa y nueve año güɨnoi yave yandeYa oyeechauka chupe, jare jei chupe: —Che ko jae Tumpa Imbaepuere yae ete vae; eiko cheróvai rupi jare eyapo jupi vaeño,

GÉNESIS 18:14

¿Oime pa mbae yavai yae cheve vae? Kuae año ou ye vae re ayu yeta ndépɨri, jayave Sara oimeta ma imembɨ.

GÉNESIS 2:2

Tumpa opa omboapɨ jembiapo reta; jare oputuu chiúa ara pe opaete jembiapo reta güi.

SALMOS 147:11

YandeYa omboyerovia oipoɨu chugüi vae, jare oäro iporoparareko re vae.

SALMOS 149:4

Echa yandeYa oyerovia imbae vae reta re; jare omee ipɨa omomichi vae reta pe yereroasayepe.

SALMOS 78:65

Jayave yandeYa opa, kia oke vae güi opa rami, jëia yae vae osapúkai vino omboakuvo vae rami.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

ISAÍAS 12:6

Pesapúkai jare petairari peyerovia güi, pe Sión pegua reta, echa Tumpa, Iyoambae Israel pegua tuicha yae vae, oime oï pepɨte pe.”

ISAÍAS 18:4

YandeYa jei cheve: “Che aïa güi amae pɨagüive aï jese reta, kuaraɨ jembipeasɨ ama opoo ramo yave rami, mbaarɨvo iara pe araku yave, oime amapɨtu okɨta vae rami.

ISAÍAS 63:1

—¿Kia pa kuae ou ɨvɨ Edom güi, tëta Bosra güi vae, jemimonde moropɨ̈ta ou vae? ¿Ipöra yae jemimonde vae, jare oguata imbaepuere yae reve vae? —Che ko, mbaejupi vae omoërakua vae, chembaepuere yae rupi oporoepɨ vaerä vae.

ISAÍAS 63:12

jókuae iyemboetea oñono Moisés re vae; ɨguasu omboyao jae reta japerä vae, jökorai oyapo jee jërakua yae avei vaerä vae,

ISAÍAS 65:19

Ayeroviata Jerusalén re, jare avɨakatuta chembae vae ndive; jare ngaraa ye ma oyeendu pɨpe yaeo jare jäse vae.

ISAÍAS 9:6

Echa metei michia oa yandeve, taɨ omee yandeve, jae mburuvicha ko; jare jeeta Oporombopɨakañɨ vae, Oporomboarakuaa vae, Tumpa Imbaepuere yae vae, cheRu oiko avei vae, mburuvicha mbɨakatu pegua.

JEREMÍAS 32:41

Che ayerovia yaeta ayapo vaerä ikavi vae chupe reta, jare opaete chepɨa-kɨ̈reɨ ngatu reve ameeta yogüɨreko avei vaerä kuae ɨvɨ pe.”

OSEAS 14:4

YandeYa jei: “Aipoano retata ipɨapochɨ güi; aaɨu retata, yepe tëi mbaetɨ jupi yogüɨreko, echa osɨrɨ ma chugüi reta chearasɨ.

JOEL 2:21

lvɨ agüɨye ekɨɨye; eyerovia yae, echa yandeYa oyapota mɨakañɨ tuichagüe.

SOFONÍAS 3:15

YandeYa Tumpa ombosɨrɨ ndegüi iporojäa, opa oekɨ omombo ndegüi nderovaicho reta. Echa yandeYa Tumpa ndeRuvicha guasu ko oï nde ndive; ngaraa ye ma reecha ikavimbae.

SOFONÍAS 3:5

Ërei yandeYa oime jókuae tëta pe; jae ko jupi, mbaetɨ oyapo ikavimbae. Ndeimbove ñavo oñono mbae ko oyeapota vae. Ërei jupimbae vae, mbaetɨ imara.

NÚMEROS 14:8

YandeYa ipɨakatu ko yandekotɨ yave, jae yanderajata ko jókuae ɨvɨ pe, jare omeeta yandeve jókuae ɨvɨ kavi.

San Lucas 15:32

Ërei ikavi ko yayapo arete jare yayerovia. Echa kuae nderɨvɨ omano vae rami ko cheve, ërei añave oikove ye ma cheve. Okañɨ chegüi, ërei añave oñeväe ye ma.’ ”

San Juan 13:1

Ndei arete Pascua mbove. Jesús oikuaa ara oväe ma oeya vaerä kuae ɨvɨ ojo ye vaerä Tu oïa pe. Jare kërai oaɨu imbae vae reta ɨvɨ pe ñogüɨnoi vae, jare oaɨu yae iyapɨ regua.

San Juan 15:11

Körai chemiari ma peve peyerovia vaerä che rami, jökorai peyerovia yae vaerä.

DEUTERONOMIO 23:15

Metei tembiokuai otekuarai yave iya güi jare ojo oiporu peve oñepɨ̈ro vaerä peré yave, agüɨye pemee ye iya pe.

DEUTERONOMIO 30:9

Jayave yandeYa Tumpa pemboyekouta opaete mbaembae peyapo vae rupi, pemichia reta rupi, perɨmba reta rupi, peremitɨ ia reta rupi, ikavi yae vaerä; echa yandeYa oyerovia yeta peré ikavi vae rupi, peñemuñagüe reta re oyeroviase rami,

Hebreos 7:25

Jáeramo, jae ipuere omboasa jekuae avei pegua, opaete oya jae rupi Tumpa re vae reta, echa oiko avei oyerure vaerä Tumpa pe jese reta.