SOFONÍAS 3:13 - Biblia Guarani Tumpa Iñee

¹³ Israel iñemuña jembɨregüe reta ngaraa ma oyapo jupimbae vae, ngaraa ma jei reta apu, jare ngaraa ma oporombotavɨ reta. Echa oyeangareko retata jare oke pɨagüiveta ngaraa ma kia omongɨɨye vae.”

SOFONÍAS 3:13 ပူးပေါင်းရင်းမြစ်များ

2 CRÓNICAS 20:30

Jare jökorai Josafat oiko mburuvicha guasurä yave oime mbɨakatu, echa iTumpa omee chupe güɨnoi vaerä mbɨakatu opaete tëta iyɨvɨrigua reta ndive.

JOB 11:19

Reyapakua yave, ngaraa kia nemongɨɨye, jeta yogüeruta oeka ndeve ndeporomborɨ vae.

SALMOS 119:3

echa mbaetɨ ko oyapo ikavimbae, jae jemimbota rupi yogüɨreko vae reta.

SALMOS 120:2

CheYa Tumpa, chereepɨ iyapu vae reta iyuru güi, jare yuru oporomopɨ̈chɨi vae güi.

SALMOS 120:3

¿Mbae pa oäro, oporomopɨ̈chɨi vae ikü?

SALMOS 23:2

Kapii jokɨ katúa rupi rami chererajata chemombutuu; ɨ kïrii ngatúa iyɨ́vɨri rupi rami chemongaruta.

ISAÍAS 17:2

Oyemombo eteta opɨta, tëta guasu Aroer iyɨvɨrigua reta ndive, mɨmba ikaruaräño opɨtata, jokoropi oke retata, mbaetɨta kia oiämondo vae.

ISAÍAS 35:8

Jare jokoropi oimeta tape, jókuae tape jeeta: “Tape Oñeñono tee vae”. Mbaetɨta oasa jokoropi ikɨa oï Tumpa jóvai vae; mbaetɨ iyarakuaa vae reta, ngaraa oguata kuae tape rupi.

ISAÍAS 54:14

Mbaejupi vae nemopɨ̈ratata, mbaetɨta ma kia oiporarauka ndeve vae, ngaraa ma rekɨɨye; echa kɨɨye ngaraa ma oya nderé.

ISAÍAS 6:13

Jare opɨta yave mbovɨ yepe kuae tëta pe, jókuae jaenunga vi oyemboaita; ërei ngatu ɨvɨra roble jare encina jee vae reta oyeasɨa yave, jekuaeño opɨta iyɨpɨgüe, jökoraita ko opɨta ñemuña reta oñeñono tee vae jembɨregüe.”

ISAÍAS 60:21

Opaete nerëta pegua reta jupi yaeta, jae reta ko ɨvɨ iyarä jekuae avei pegua, ɨvɨra jeñɨigüe, che etei añotɨ vae ko, mbaravɨkɨ che ayapogüe, aechauka vaerä cheyemboetea.

ISAÍAS 63:8

Echa jae jei: “Añetete chembae vae reta ko, cheraɨ mbaetɨ yapu vae reta.” Jae ko güɨroasayepe reta,

ISAÍAS 65:10

Jare ɨvɨpe kavi Sarón vecha reta ikarúa jendarä, ɨvɨpe kavi Acor guaka reta ikarúa jendarä, tëta chereeka vae güɨnoita imbaerä.

JEREMÍAS 23:4

Jare maangarekoa reta añonota oyangareko vaerä jese reta; jare ngaraa ye ma oipoɨu jare okɨɨye reta, ngaraa etei ma vi okañɨ reta. Che ndeYa ko jae kuae.”

JEREMÍAS 30:10

YandeYa jei: “Cherembiokuai Jacob iñemuña reta, agüɨye pekɨɨye; Israel iñemuña reta, agüɨye pekɨɨye, echa nde jare neñemuña reta ayorata jókuae mombɨrɨ oyererajaa güi. Yogüɨreko yeta mbɨakatu pe, mbaetɨta kia omongɨɨye, yogüɨreko pɨagüiveta.

JEREMÍAS 31:33

Ërei kuae ko jae morogüɨrökuavee päve ayapota tëta Israel ndive jókuae ara kuri vae: Añonota cheporookuai reta ipɨa pe, aikuatiata ipɨa re; jare aikota jae reta iTumparä jare jae reta yogüɨrekota chembaerä.

EZEQUIEL 39:26

Imara retata oyembopɨapochɨ reta chekotɨ vae jeko pegua, yogüɨreko pɨagüive ma iɨvɨ pe jare mbaetɨ ma kia omongɨɨye yave,

JOEL 3:17

Jayave peikuaata che jae ko peYa Tumpa, cheɨvɨtɨ oñeñono tee vae Sión pe aiko vae; Jerusalén oñeñono teeta ko, ngaraa ye ma opïro ketɨgua reta.

LEVÍTICO 26:6

Jare che ameeta mbɨakatu peve peɨvɨ pe, jare peke pɨagüiveta, ngaraa oime peiämondo vae; opata aekɨuka peɨvɨ güi mɨmba pochɨ vae reta ñana rupigua, jare ngaraa etei oime ñeraro peɨvɨ pe.

MIQUEAS 4:4

Metei ñavo vae oguapɨta jemitɨ uva jare ɨva igüɨ pe, jare ngaraa ye ma kia omongɨɨye. ¡Echa yandeYa Imbaepuere yae ete vae ko jökorai jei!

MIQUEAS 4:7

jare iköcho vae reta añonota jembɨregüe rami, jare jopagüe reta, metei tëtaguasu imbaepuere yae vaerä; jare che aïta peruvicha guasurä, ɨvɨtɨ Sión güi añave güive jekuae avei pegua.

MIQUEAS 7:14

¡Eyangareko ndembae vae reta re ndepopoka pe; ndevecha reta yogüɨreko ndeɨvɨ pe vae re, ñana rupiño, ɨvɨ kavía rupi yogüɨreko vae re! Eeka kapii Basán pe jare Galaad pe; ïru ara oasagüe rupi reyapo rami.

SOFONÍAS 2:7

Judá iñemuña jembɨregüe reta yogüɨrekota jókuae ɨvɨ pe, joko pe omongaru retata jɨmba reta, jare pɨ̈tu yave oputuu retata Ascalón pegua o reta pe; echa yandeYa Tumpa outa omborɨ vaerä, jae opata güeru ye tembipɨɨ reta.

SOFONÍAS 3:5

Ërei yandeYa oime jókuae tëta pe; jae ko jupi, mbaetɨ oyapo ikavimbae. Ndeimbove ñavo oñono mbae ko oyeapota vae. Ërei jupimbae vae, mbaetɨ imara.

ZACARÍAS 8:12

Echa mbɨakatu oimeta chupe reta: Uva iata, jare ɨvɨ omeeta mbaagüɨye, ara güi oata ɨsápɨi; kuae tëta güi jembɨregüe pe ayapota güɨnoi vaerä opaete kuae.

ZACARÍAS 8:16

Kuaekuae jae peyapo aveita vae: Pemiari añetete rupi perapicha pe; peporojäa jupi rupi jare toime avei mbɨakatu morojäa oyeapo yave.

ZACARÍAS 8:3

Che ayapo kavi ye Sión, jare aikota Jerusalén pe; Jerusalén jeeta Tëta guasu Jupi vae, jare che peYa Imbaepuere yae ete vae iɨvɨtɨ jeeta, Ɨvɨtɨ Ikɨambae.

San Mateo 13:41

Che Kuimbaerä ayeapo vae ambouta chearaɨgua reta, omboatɨ reta vaerä opaete iyoa vae reta jare ikavimbae iyapoa reta cheporookuaía güi.

San Juan 1:47

Jesús oecha Natanael ou ikotɨ yave, jei: —Mase, ko ou metei Israel pegua añete vae. Mbaetɨ oñeväe yembotavɨ jese vae.

Colosenses 3:9

Agüɨye peapu oyoupe, echa peekɨ ma peyeugüi pereko indechigüe pɨ̈chɨi vae jare ikavimbae vae peyapose vae,

1 Pedro 3:14

Ërei peiporara yave jupigüe peyapo vae re, peyerovia. Jáeramo agüɨye pekɨɨye chugüi reta ani peyembojopa.

1 Juan 5:18

Tumpa güi güɨnoi tekove vae, yaikuaa mbaetɨ ko oyapo mbaeyoa. Echa Tumpa Taɨ etei oyangareko jese, jare aña guasu ngaraa opoko jese.

Apocalipsis 14:5

Jare jese reta mbaetɨ oñeväe apu, echa ikɨambae reta ko Tumpa iguapɨa jóvai.

Apocalipsis 21:27

Ërei ngaraa etei oike jókuae tëta guasu pe oipotagüe ikɨa vae jare oipotagüe pɨ̈chɨi vae oyapo vae jare iyapu vae. Jaeño Vecha kuimbae taɨrusu vae jembikuatía tekove pegua pe jee oyekuatía oï vae reta.

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.