SOFONÍAS 3:11 - Biblia Guarani Tumpa Iñee

¹¹ Jókuae ara ngaraa ma nemara pɨapochɨ rupi mbaembae reyapose chekotɨ vae güi. Echa jókuae ara opata aekɨ ndegüi ipɨapochɨ vae reta jare ipɨayemboete vae reta. Ngaraa ye ma ipɨayemboete reta cheɨvɨtɨ oñeñono tee vae re.

SOFONÍAS 3:11 ပူးပေါင်းရင်းမြစ်များ

SALMOS 131:1

CheYa, mbaetɨ chepɨayemboete, mbaetɨ aipotarai mbae re amae, mbaetɨ aeka mbae tuicha vae cheyeupe.

SALMOS 49:5

¿Maera pa akɨɨyeta yemboavai reta iara pe, cheöva yave ikavimbae vae pe iyoa vae reta?

SALMOS 59:12

Iyoa reta opaete mbae jei vae jeko pegua, iyembotuicha pe aeño tembipɨɨrä toyeapo, jare iyepopeyu apu rupi vae pe.

ISAÍAS 11:9

Ngaraa oyapo reta ikavimbae opaete cheɨvɨtɨ oï tee vae pe; echa opaete ɨvɨ pegua reta oikuaata yandeYa, ɨ tɨnɨe ɨguasu oï rami.

ISAÍAS 2:12

echa yandeYa Imbaepuere yae ete vae ojäa yave jókuae ara, opaete kuimbae ipɨapochɨ vae reta, ipɨayemboete vae reta, ipɨa ombotuicha vae reta, omoñemomichita;

ISAÍAS 45:17

Ërei yandeYa oepɨta jekuae avei pegua tëtaguasu Israel, jare ngaraa oñemomichiuka ani oñemomaraiuka reta opɨta jekuae avei rupi.

ISAÍAS 5:15

Jare opaete kuimbae reta oñemomichiukata; jare ipɨayemboete vae reta iñäkatindɨta opɨta.

ISAÍAS 54:4

Agüɨye ekɨɨye, ngaraa reñemomaraiuka; agüɨye nemara, ngaraa ndekura vae. Neakañɨta ndetaɨrusu yave nemara vae güi, jare nememano yave nemara vae güi.

ISAÍAS 56:7

che araja retata cheɨvɨtɨ oñeñono tee vae pe, jare ambovɨakatu retata chero yerure pegua pe; jare mɨmba oyeyukagüe opa etei oyeapɨ vae, jare ïru mɨmba oyeyukagüe reta re chepɨakatuta amae, omee reta yave mɨmba oyeyuka oyeapɨ jese vae re; echa chero oyembojeeta, o yerure pegua opaete vae reta peguarä.

ISAÍAS 61:7

Echa pe chembae vae reta peiporara yae ko ñemotareɨ jare yeyóyai yóyai reta, jáeramo peɨvɨ pe oyoarambo yeta pekotɨ yemboete, jare peyekou yaeta jekuae avei pegua.

JEREMÍAS 13:9

“Jökorai etei ambochuumbita Judá jare Jerusalén ipɨapochɨ.

JEREMÍAS 7:4

Agüɨye perovia jókuae oporombotavɨ vae reta re. ¡YandeYa itupao ko kuae, ngaraa maratu yaasa!, jei vae reta re.

EZEQUIEL 20:40

Ërei cheɨvɨtɨ añono tee vae re, ɨvɨtɨ ɨvate Israel pe vae re, jei yandeYa Tumpa. Joko pe chemboeteta Israel iñemuña reta, joko pe aiporuta chupe reta mbota mbaagüɨyerɨpɨ jare opaete mbota oñeñono tee vae.

EZEQUIEL 24:21

‘Ere Israel iñemuña reta pe. YandeYa Tumpa jei körai: Che aröɨro jare amboaita chero mbaemboetea, peyembotuicha jese vae, pe reta peipota yae pemae jese vae; peraɨ reta jare perayɨ reta peeya joko pe vae, opata oyeyukauka reta.

DANIEL 9:16

OreYa Tumpa, roikuaa ko ndepɨakavi yae vae. Romoñera rembosɨrɨ vaerä ndearasɨ nerëta guasu Jerusalén güi, ndeɨvɨtɨ oñeñono tee vae. Opaete tëta guasu reta iyɨ́vɨri ñogüɨnoi vae pegua reta opuka puka omae reta Jerusalén re jare ndembae vae reta re, ore jare oreñemuñagüe reta iyoa jeko pegua.

DANIEL 9:20

Che jekuaeñoi ayerure jare ayemombeu cheyoa re jare cherëta Israel iyoa re, aeka yemborɨ cheYa Tumpa pe iɨvɨtɨ oñeñono tee vae peguarä.

MIQUEAS 3:11

Peruvicha reta oporojäa omboepɨuka vɨari iyeupe reve, sacerdote reta oporomboe okovara reve, ñeemombeúa reta omoërakua apu korepoti oipɨɨ vaerä; jare oyeko reta yandeYa re, jei reta reve: “YandeYa oï yande ndive; ngaraa maratu yaasa.”

NÚMEROS 16:3

Yatɨ reta Moisés jare Aarón kotɨ, jei reta chupe körai: —¡Joko peño mo pe reta! Echa opaete Israel iñemuña reta oñeñono tee vae ko, oime ko yandeYa oiko jae reta ipɨte pe. ¿Maera pa pe reta peñeñono mburuvicharä kuae tëta yandeYa imbae re?

San Mateo 3:9

Jare agüɨye pere peyeupe: ‘Ñaneñemuñagüe jae ko Abraham.’ Echa che jae peve kuae: Tumpa ipuere ko oyapo kuae ita reta güi Abraham iñemuña retarä.

Romanos 2:17

Mase, nde reyeko judío pe, reyeko mborookuai re, jare reyembotuicha Tumpa re.

Romanos 9:33

Echa Tumpa Iñee pe oyekuatía oï körai: “Mase, che añono Sión pe, ita pɨ̈sa-yeyuka pegua jare ita guasu oporoitɨ vae, ërei güɨrovia jese vae, ngaraa oñemomaraiuka.”

1 Pedro 2:6

Echa Tumpa Iñee jei vi: “Mase, ko añonota Sión pe metei ita, o ekina iguapɨka okúembae, ita oyeparavogüe, ikavi yae vae, jese güɨrovia vae ngaraa oñemomaraiuka.”