SOFONÍAS 2:8 - Biblia Guarani Tumpa Iñee

^8-9 YandeYa Imbaepuere yae ete vae jei körai: “Che aendu Moab iñemuña reta iporoangao jare Amón iñemuña reta iñeeasɨ tëta chembae vae kotɨ. Echa jei reta mbae jasɨ katu vae tëta chembae vae kotɨ, jare jae reta iɨvɨ pe oyembotuicha reta. Jáeramo, tae cheree re aeño: Moab iñemuña reta oasata Sodoma oasa rami, Amón iñemuña reta oasata Gomorra oasa rami, ñurati oñemuñata joko pe, yukɨ rendarä opɨtata. Kïrii ngatu aveita opɨta. Tëta chembae vae güi jembɨregüe opata güɨnoe omombo joko güi, jare oike retata yogüɨreko jókuae ɨvɨ pe.”

SOFONÍAS 2:8 ပူးပေါင်းရင်းမြစ်များ

GÉNESIS 19:37

Jare tenondegua imembɨ oa kuimbae raɨ jare ombojee Moab, chugüi oñemuña Moab pegua reta añave rupi oime vae.

GÉNESIS 19:38

Taɨkuegua imembɨ oa vi kuimbae raɨ, jare ombojee reta Ben-ammi, chugüi oñemuña Amón pegua reta añave rupi oime vae.

ISAÍAS 15:1

Tëtaguasu Moab maratuta vae regua: Pɨ̈tu yave ko tëta guasu Ar Moab pegua opa oyemboai, jayave ko Moab kïrii opɨta. Pɨ̈tu yave ko tëta guasu Kir Moab pegua opa oyemboai, jayave ko Moab kïrii opɨta.

ISAÍAS 16:6

Roendu Moab ipɨapochɨ, tuicha yae ko jókuae ipɨapochɨ, ipɨarai jare ipɨayemboete, ërei ngaraa ko oiko avei jókuae jeko reta.

JEREMÍAS 12:14

YandeYa jei körai Israel iyɨvɨrigua tëta reta jeko kavimbae reta kotɨ, jókuae omboai reta ɨvɨ jae omee imbae vae reta Israel pe vae kotɨ körai: “Che anoe retata iɨvɨ güi jare ipɨte reta güi anoeta Judá.

JEREMÍAS 48:1

YandeYa Imbaepuere yae ete vae Israel iTumpa jei körai Moab regua: “¡Paravete tëta Nebo, echa opa oyemboai oï! ¡Tëta guasu Quiriataim oñepɨ̈ro jare oñemomichi! ¡Iñepɨ̈roa opa oyemboai!

JEREMÍAS 49:1

YandeYa jei Amón iñemuña reta regua körai: “¿Mbaetɨ pa Israel iñemuña reta? ¿Mbaetɨ pa mbaembae iyarä vae reta? ¿Maera pa tumpa-raanga Milcom añave oyemombae Gad iɨvɨ re? ¿Maera pa Amón iñemuña reta yogüɨreko jëta guasu reta pe?”

LAMENTACIONES 3:61

CheYa Tumpa, eendu ñee ikavimbae jei reta vae, jare opaete chemomburu reta yogüɨreko vae;

EZEQUIEL 21:28

Nde kuimbae, emoërakua maratuta Amón iñemuña reta imbaeyuvanga katu vae reta kotɨ, ere: CheYa Tumpa jei körai: Kɨsepuku, kɨsepuku jɨrumbae ma oï oporoaseokɨ̈ti vaerä, jembipeasɨ overa oï oporoyuka vaerä.

EZEQUIEL 25:1

YandeYa jei cheve:

EZEQUIEL 35:12

Jayave reikuaata che Tumpa aendu ko opaete mbae jasɨ katu vae rere Israel pegua ɨvɨtɨ reta kotɨ vae. Echa pere: ¡Opa oyemboai reta, jare añave jëgua ma yandepo pe oï vaerä!

EZEQUIEL 36:2

YandeYa Tumpa jei körai: Tovaicho reta jei pekotɨ: ‘Kuae ɨvɨtɨ reta ɨvate vae jaema opɨta vi yandembaerä.’

AMÓS 1:13

YandeYa jei körai: “Amón iñemuña reta iyoa yae jeko pegua, mbaetɨta cheɨ̈ro chupe reta; echa oipota reta iɨvɨ ombotuicha jeko pegua, opa oipeka kuña Galaad pegua ipurúa vae reta jɨe.

AMÓS 2:1

YandeYa jei körai: “Ɨvɨ Moab pegua reta iyoa yae jeko pegua, mbaetɨta cheɨ̈ro chupe reta; echa oapɨ reta mburuvicha guasu Edom pegua ikägüegüe, opaetei regua ombotanimbu.

SOFONÍAS 2:10

Köraita ko jekovia Moab pe jare Amón pe, ipɨapochɨ jeko pegua, yandeYa imbae vae reta kotɨ iñeeasɨ katu reta jeko pegua, oyembotuicha reta yandeYa Imbaepuere yae ete vae imbae vae reta iɨvɨ pe jeko pegua.

JOSUÉ 5:9

Jare yandeYa jei Josué pe: “Kuae rupi ambosɨrɨ pegüi Egiptoɨgua reta opuka omae peré vae.” Kuae jeko pegua jee Gilgal añave rupi.