SOFONÍAS 2:7 - Biblia Guarani Tumpa Iñee

⁷ Judá iñemuña jembɨregüe reta yogüɨrekota jókuae ɨvɨ pe, joko pe omongaru retata jɨmba reta, jare pɨ̈tu yave oputuu retata Ascalón pegua o reta pe; echa yandeYa Tumpa outa omborɨ vaerä, jae opata güeru ye tembipɨɨ reta.

SOFONÍAS 2:7 ပူးပေါင်းရင်းမြစ်များ

GÉNESIS 50:24

Jare José jei jëtara reta pe: “Che amanota ma, ërei Tumpa outa metei ara pemborɨ, jae perenoeta kuae ɨvɨ güi, arakae ma Tumpa güɨrökuavee ɨvɨ Abraham pe vae, jare Isaac pe jare yanderu Jacob pe vae kotɨ.”

SALMOS 80:14

CheRu Tumpa Imbaepuere yae ete vae, eyapo ikavi vae, eyu ye; emae ara güi jare eyemongeta remborɨ vaerä kuae uva,

SALMOS 85:1

CheYa Tumpa, ndeporoparareko yae ko kuae tëtaguasu ndembae vae re; reru ye tembipɨɨ güi Jacob iñemuña reta;

ÉXODO 4:31

Jare opaete vae güɨrovia; oendu reta yandeYa ou ko Israel iñemuña reta omborɨ vae, jare oikuaa reta Tumpa oecha kërai oiporara yae reta ko vae yave, itɨndɨ reta omboete.

ISAÍAS 11:11

Jökoraiño vi jókuae ara yandeYa, imbaepuere rupi güeru yeta imbae vae reta jembɨregüe oimeño opɨta Asiria pe vae, Egipto pe, Patros pe, Etiopía pe, Elam pe, Sinar pe, jare Hamat pe jare ɨguasu jembeɨ rupigua tëta reta güi.

ISAÍAS 11:14

Oñemoïru retata oporepeña kuaraɨ oikea kotɨ filisteo reta re, opɨ̈ro retata kuaraɨ oëa kotɨgua güi imbaembae. Edom pegua reta jare Moab pegua reta oyeokuaita chupe reta, Amón pegua reta yogüɨrekota jae reta jeia pe.

ISAÍAS 11:16

Oyepeata tape, tëta imbae vae jembɨregüe pe, Asiria kotɨ güi oyerova reta ye yave, jëtara Israel iñemuña reta oyerova ye Egipto kotɨ güi yave rami.

ISAÍAS 14:1

YandeYa oipararekota Jacob iñemuña reta. Jekuae oyapo yeta imbaerä Israel iñemuña reta, güeru yeta oñono reta vaerä iɨvɨ ae pe. Ketɨgua reta oyemboyata jese reta, oñemoïruta Jacob iñemuña reta ndive.

ISAÍAS 32:14

Mburuvicha jo kïrii ngatuta opɨta; tëta guasu jeta tëi ipo vae ipombae opɨtata; maeka ɨvate vae reta jare ñepɨ̈roka reta oyeeyata jekuae avei pegua; joko pe oñemoëtata mburika ñana rupigua reta, jare mɨmba reta ikaruarä opɨtata.

JEREMÍAS 23:3

Che etei aru yeta chevecha reta jembɨregüe, opaete ɨvɨ rupi amoaia kotɨ güi, jare aru yeta yogüɨrekosea pe; okuakuaata jare jeta oñemuña retata.

JEREMÍAS 29:10

“YandeYa jei körai: ‘Babilonia imbaepuere iyapɨ ma yave setenta añoa pe, che ayuta pomborɨ, ambopo vaerä cheñee, pomboyerova ye vaerä kuae ɨvɨ pe.

JEREMÍAS 29:14

Jare pe reta cheväeta chupe, jare pogüɨroyerova yeta tembipɨɨ güi, pomboatɨta opaete tëtaguasu reta güi, opaete che pomoai moaia güi; jare jókuae opa pogüɨrajaukaa kotɨ güi, opa yeta pogüeru kuae pe. Che peYa ko jae kuae.’

JEREMÍAS 3:18

Jókuae ara oväe ma yave, Judá oñemometeita Israel ndive, jare oyerova päveta ɨvɨtuguasu kotɨgua tëtaguasu kotɨ güi, che ɨvɨ amee iñemuñagüe reta pe vae pe.

JEREMÍAS 30:3

echa oväeta ara, aru ye vaerä chembae vae reta Israel jare Judá pegua reta, tembipɨɨrä ñogüɨnoia güi. Aru yeta yogüɨreko vaerä ɨvɨ, che amee iñemuñagüe reta imbaerä vae pe.”

JEREMÍAS 31:7

YandeYa jei: “Petairari vɨakatu jare yerovia katu pegua tairari Jacob iñemuña reta re, echa jae reta ko tenondegua opaete tëtaguasu reta güi vae. Peenduka pembaemboete, pere: ‘YandeYa oepɨ imbae vae reta, Israel güi jembɨregüe.’

JEREMÍAS 32:44

Ogua retata jare oikuatiata tupapire mbaegua regua, sello oyemboyeɨta jese jare kia jovake oyegua vae jee oikuatiata jese. Kuae oyeapota Benjamín iɨvɨ pe, Jerusalén iyɨ́vɨri rupi jare tëta guasu reta Judá pegua rupi, tëta guasu reta ɨvɨtɨ guasu rupigua rupi jare ɨvɨpe rupi jare Neguev pegua tëta guasu reta rupi, echa che aru yeta tembipɨɨ reta güi. Che peYa ko jae kuae.”

JEREMÍAS 33:12

YandeYa Imbaepuere yae ete vae jei: “Kuae ɨvɨ ipombae añave oï vae, mbaetɨ kuimbae ani mɨmba pɨpe vae, jare opaete jëta guasu reta rupi vae pe, oime yeta kapii, vecha iyangarekoa reta güɨraja vaerä jɨmba omongaru jokoropi.

JEREMÍAS 33:7

Aru yeta Judá pegua reta jare Israel pegua reta tembipɨɨ güi, jare añono kavi yeta tenonde yave rami.

JEREMÍAS 47:5

Gaza pegua reta opa ia oñapiasɨ, jare Ascalón pegua reta kïrii ngatu opɨta. Pe reta, puku vae iñemuñagüe reta, ¿kërai yave pa peyeasɨa poita, pepɨatɨtɨ pemboyekuaa jökorai vae güi?

EZEQUIEL 39:25

Jáeramo che peYa Tumpa jae körai: Añave ayuta amborɨ Jacob iñemuña reta tembipɨɨrä ñogüɨnoi vae, aipararekota opaete Israel iñemuña reta, cherägüɨro reve aechaukata cheree ikɨambae vae.

OSEAS 6:11

Jaeramiño vi pe Judá pegua reta peguarä, amokätɨro ma ara peiporara vaerä. Aru ye yave ïru ɨvɨ güi chembae vae reta,

ABDÍAS 1:19

Israel iñemuña reta Neguev pe yogüɨreko vae opɨ̈rota ɨvɨ Esaú jare Sefela pegua reta opɨ̈rota filisteo reta iɨvɨ; opɨ̈ro retata vi ɨvɨ Efraín jare ɨvɨ Samaria; Benjamín iñemuña reta opɨ̈rota ɨvɨ Galaad.

MIQUEAS 2:12

Añetete, che amboatɨ yeta opaete Jacob iñemuña reta; aruruka yeta ko opaete Israel iñemuña reta jembɨregüe. Amboatɨta Bosra pegua vecha reta rami, mɨmba reta jókai pe ñogüɨnoi rami, kuimbae reta jeta yeyé jeko pegua jɨaputa oyeendu.

MIQUEAS 4:10

Sión pegua reta, mbae tijasɨ peve jare peräse kuña imembɨrasɨ vae rami; echa añave opata peë jare peikota kaa rupi, peväe regua Babilonia pe, joko pe peyeyorauka yeta; joko pe yandeYa pepɨ̈rota perovaicho reta güi.

MIQUEAS 4:7

jare iköcho vae reta añonota jembɨregüe rami, jare jopagüe reta, metei tëtaguasu imbaepuere yae vaerä; jare che aïta peruvicha guasurä, ɨvɨtɨ Sión güi añave güive jekuae avei pegua.

SOFONÍAS 3:13

Israel iñemuña jembɨregüe reta ngaraa ma oyapo jupimbae vae, ngaraa ma jei reta apu, jare ngaraa ma oporombotavɨ reta. Echa oyeangareko retata jare oke pɨagüiveta ngaraa ma kia omongɨɨye vae.”

SOFONÍAS 3:20

Jókuae ara pogüeru yeta, pomboatɨta; jare ameeta peyemboeteuka vaerä jare perërakua yaeta opaete tëta ɨvɨ pegua rupi, pogüeru ye ɨvɨ ambuae güi yave.”

HAGEO 1:12

Zorobabel, Salatiel taɨ jare sacerdote Josué tenondegua ete Josadac taɨ jare opaete ïru reta oendu yandeYa Tumpa iñee, ñeemombeúa Hageo rupi jei chupe reta vae, yandeYa Tumpa oyókuai vae rami; jare opaete vae okɨɨye yandeYa güi.

HAGEO 2:2

“Ere körai Zorobabel mburuvicha Judá pegua, Salatiel taɨ pe jare Josué sacerdote tenondegua, Josadac taɨ pe jare opaete ïru reta pe:

San Lucas 1:68

“Toyemboeteuka yandeYa Israel iTumpa, echa jae ou omborɨ jare oepɨ tëta imbae.

San Lucas 7:16

Jayave opaete vae okɨɨye. Omboete reta Tumpa, jei reve: —Ñeemombeúa tuichagüe oyekuaa yandepɨte pe. Tumpa ou yandemborɨ, yande tëta imbae vae reta.

Hechos 8:26

Jayave metei yandeYa iaraɨgua jei Felipe pe: “Epüa ekua arayevɨ kotɨ tape Jerusalén güi ojo Gaza kotɨ vae rupi.” Kuae tape oasa ñuu rupi.

Hechos 8:40

Jare Felipe oyekuaa tëta Azoto pe. Jare joko güi ojo ramboeve, omombeu ñee ikavi vae opaete tëta guasu reta rupi oväe regua Cesarea pe.

Romanos 11:5

Jökorai vi añave oime amogüe jembɨre, Tumpa oiparavo ipɨakavi rupi vae.

RUT 1:6

Jayave oyemongeta oyerova ye vaerä imembɨtatɨgüe reta ndive ɨvɨ Moab güi; echa jërakua chupe, Tumpa iporomborɨ rupi oime ye ma tembíu jókuae jëtagüe pe.